ព័ត៌មានជាតិ

ឆ្នាំនេះ ការប្រឡងសញ្ញាបត្រមធ្យមសិក្សាបឋមភូមិ នៅខេត្តតាកែវ មានភាពល្អប្រសើរ

បានផុស

៤៤ នាទីutes មុន

នៅ

ថ្ងៃពុធ ១៦ កក្កដា ២០២៥

ដោយ

កាលពីព្រឹកថ្ងៃទី ១៦ ខែកក្កដា ឆ្នាំ ២០២៥ នេះ លោក ឡោ វីរិទ្ធ ប្រធានមន្ទីរអប់រំ យុវជន និងកីឡាខេត្តតាកែវ បានប្រាប់ឱ្យកម្ពុជាថ្មីដឹងថា លទ្ធផល នៃការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) ឆ្នាំ ២០២៥ នេះ បានដំណើរការល្អ មិនមានបាតុភាពអាក្រក់ណាមួយកើតឡើងគួរឱ្យកត់សម្គាល់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានមន្ទីរ បានបន្តថា សម័យប្រឡងថ្ងៃទី ១៤ -១៥ ខែកក្កដា ឆ្នាំ ២០២៥ ទូទាំងខេត្តតាកែវ មាន ១១៩ មណ្ឌល ចែកជា ៥៣១ បន្ទប់។ បេក្ខជនដែលមានឈ្មោះប្រឡងចំនួន ១១ ៩៣០ នាក់ ស្រី ៦ ៣១៦ នាក់។ ក្នុងនោះ បេក្ខជនមកប្រឡងមានចំនួន ១១ ៨៤៨ នាក់ ស្រី ៦ ២៨៧ នាក់។ អវត្តមានចំនួន ៨២ នាក់ ស្រី ២៩ នាក់។

លោកបញ្ជាក់ថា ការប្រឡងសញ្ញាបត្រមធ្យមសិក្សាបឋមភូមិ នៅឆ្នាំ ២០២៥ នេះ មានភាពរលូនល្អប្រសើរ ដោយបេក្ខជនគោរពតាមច្បាប់វិន័យក្នុងពេលប្រឡងបានល្អ ពិសេសមិនមានកើតឧប្បត្តិហេតុអាក្រក់ណាមួយកើតឡើងដល់បេក្ខជនមកប្រឡងនោះទេ៕

អត្ថបទ ៖ វីរៈ