ព័ត៌មានជាតិ
សារៈសំខាន់ នៃការអប់រំកុមារតូច ៖ របៀប និងមូលហេតុដែលការបង្រៀន និងការរៀននៅសាលាអន្តរជាតិ Shrewsbury ភ្នំពេញ មានលក្ខណៈខុសប្លែក និងពិសេសពីគេ
ទម្រង់នីមួយៗ នៃការអភិវឌ្ឍនៅក្នុងកម្មវិធីសិក្សា នៃការអប់រំកុមារតូច គឺជាមូលដ្ឋានគ្រឹះសម្រាប់ការរៀនសូត្រនាពេលអនាគត សម្រាប់កូនៗរបស់អ្នក។ សមាសធាតុផ្សំជាច្រើនអាស្រ័យលើពេលវេលាដោយសារតែកត្តាជីវសាស្ត្រដែលអនុញ្ញាតឲ្យមានការផ្សារភ្ជាប់នឹងខួរក្បាលយ៉ាងឆាប់រហ័ស ជាពិសេសក្នុងកំឡុងពេលបីឆ្នាំដំបូង នៃជីវិត ប៉ុន្តែនៅតែបន្តលូតលាស់រហូតក្នុងវ័យកុមារភាព។
ជំហានលូតលាស់អភិវឌ្ឍន៍ដែលខកខាននៅដំណាក់កាលដំបូងនេះ គឺជាដំណាក់កាលសំខាន់ដែលពិបាកដោះស្រាយនៅពេលក្រោយ ដូច្នេះវាមានសារៈសំខាន់ណាស់ដែលការប្រាស្រ័យទាក់ទង និងបទពិសោធន៍របស់កុមារក្នុងរយៈពេលពីរបីឆ្នាំដំបូងជួយដល់ការអភិវឌ្ឍរបស់ពួកគេនៅក្នុងផ្នែកមូលដ្ឋានទាំងនេះ។ នៅសាលាអន្តរជាតិ Shrewsbury ភ្នំពេញយើងយល់អំពីសារៈសំខាន់ដ៏ធំធេង នៃការងាររបស់យើងក្នុងការអប់រំកុមារតូច ហើយការបង្កើតវិធីសាស្ត្រឲ្យសមស្របក្នុងការបង្កើនវឌ្ឍនភាពឲ្យបានច្រើនបំផុតសម្រាប់សិស្សានុសិស្សវ័យក្មេងរបស់សាលា។
យើងទទួលស្គាល់ថា កុមារគ្រប់រូបមានលក្ខណៈពិសេសប្លែកពីគ្នា ហើយកុមារគ្រប់រូប គួរតែផ្ដោតសំខាន់លើដំណើរសិក្សារបស់ពួកគេផ្ទាល់។ ដូច្នេះហើយ កុមារ គឺជាចំណុចកណ្ដាល នៃគ្រប់យ៉ាងដែលយើងធ្វើនៅសាលា Shrewsbury។ កុមារតូចៗមានភ្នាក់ងារអប់រំទាំងពីរ និងមានការចង់ដឹងចង់ឃើញពីធម្មជាតិទៅលើការរៀនសូត្រ។ ពួកគេក៏នឹងប្រាស្រ័យទាក់ទងជាមួយមិត្តភ័ក្ដិ មនុស្សពេញវ័យ និងពិភពលោកជុំវិញពួកគេតាមរបៀបផ្សេងៗគ្នា។ យើងទទួលស្គាល់យ៉ាងពេញទំហឹងថា កុមារម្នាក់ៗ នឹងមានការលូតលាស់អភិវឌ្ឍន៍ខុសពីគ្នា ហើយការរៀនសូត្រ និងការអភិវឌ្ឍ ត្រូវតែមានទាំងភាពជារួម និងការផ្ដល់ឲ្យតាមរយៈបច្ចេកទេសផ្អែកលើការលេង ដើម្បីបំពេញតម្រូវការរបស់កូនៗរបស់អ្នក។ ការលេងមានភាពចាំបាច់សម្រាប់ការអភិវឌ្ឍរបស់កុមារតូចៗ និងសម្រាប់ការកសាងទំនុកចិត្តរបស់ពួកគេ ក៏ដូចជាការរៀនស្វែងយល់ ការទំនាក់ទំនងជាមួយអ្នកដទៃ ការកំណត់គោលដៅផ្ទាល់ខ្លួនរបស់ពួកគេ ការប្រឈមបញ្ហា និងដោះស្រាយបញ្ហាជាដើម។ អ្នកអនុវត្តរបស់យើងមានការយល់ដឹងយ៉ាងស៊ីជម្រៅអំពីរបៀបដែលការលេងប្រភេទផ្សេងៗគ្នាជួយកុមារឲ្យអភិវឌ្ឍន៍ និងរៀនស្វែងយល់។ ពួកគេក៏មានភាពប៉ិនប្រសប់ក្នុងការបន្ថែមការលេង និងការបង្កើនការរៀនសូត្រតាមរយៈការសម្របសម្រួល ពន្យល់ បង្ហាញ ស្វែងយល់ពីគំនិត លើកទឹកចិត្ត សួរសំណួរ រំលឹកឡើងវិញ ផ្តល់នូវសាច់រឿង និងកំណត់បញ្ហាប្រឈមបន្ថែមទៀត។ ក្នុងការអប់រំកុមារតូចរបស់យើង កុមារពិសេសនីមួយៗមានឱកាសសម្បូរបែបដើម្បីធ្វើការប្រាស្រ័យទាក់ទងក្នុងទំនាក់ទំនងវិជ្ជមានទាំងនេះ ក្នុងបរិយាកាសអំណោយផលដែលលើកទឹកចិត្តឲ្យមានការចូលរួម និងពាក់ព័ន្ធរបស់ពួកគេ ហើយមានការទទួលស្គាល់ភាពខ្លាំង និងចំណាប់អារម្មណ៍ផ្ទាល់ខ្លួនរបស់ពួកគេ ព្រមទាំងលើកកម្ពស់សុខុមាលភាពរបស់ពួកគេផងដែរ។
បរិយាកាសដែលអំណោយផល នៃការអប់រំកុមារតូចនៅសាលា Shrewsbury របស់យើង ជួយសម្រួលដល់វិធីសាស្ត្រអប់រំជារួមរបស់យើងក្នុងការរៀនសូត្រ និងការអភិវឌ្ឍ។ ខណៈពេលដែលបរិស្ថានផ្សេងគ្នាឆ្លុះបញ្ចាំងពីផ្នែកផ្សេងៗ នៃកម្មវិធីសិក្សា យើងទទួលស្គាល់ថា ទ្រង់ទ្រាយ នៃការរៀនពហុភាគីទាំងនេះ ត្រូវបានភ្ជាប់គ្នាជានិច្ចនៅក្នុងបទពិសោធន៍របស់កុមារ។ នៅក្នុងកម្មវិធីសិក្សាដំណាក់កាលមូលដ្ឋាន នៃការអប់រំកុមារតូច ផ្នែកនីមួយៗ នៃការរៀនសូត្រ ត្រូវបានពិពណ៌នាដាច់ដោយឡែកពីគ្នា ដើម្បីបំបែកភាពស្មុគស្មាញ នៃការអភិវឌ្ឍរបស់កុមារ ប៉ុន្តែវាជាការសំខាន់ណាស់ដែលយើងក្នុងនាមជាអ្នកអនុវត្តរបស់Shrewsbury តែងតែគិតគូរពីកុមារទាំងស្រុង។ នៅពេលដែលកុមារជួបប្រទះ និងប្រាស្រ័យទាក់ទងជាមួយវត្ថុ ព្រឹត្តិការណ៍ និងមនុស្សផ្សេងទៀត គ្រប់ផ្នែកទាំងអស់ នៃការរៀនសូត្រ និងការអភិវឌ្ឍដំណាក់កាលដំបូង គឺស្ថិតនៅក្នុងសកម្មភាពស្របពេលគ្នា។ នេះគឺជាហេតុផលមួយក្នុងចំណោមហេតុផលជាច្រើន សម្រាប់ការប្រើប្រាស់ធនធានបើកចំហភាគច្រើននៅ Shrewsbury ដែលផ្តល់ឲ្យការរៀនសូត្រនៅទូទាំងកម្មវិធីសិក្សាអាចត្រូវបានប្រើតាមវិធីសាស្ត្រផ្សេងៗគ្នា ដូច្នេះវានឹងបំពេញតម្រូវការ និងចំណាប់អារម្មណ៍របស់កុមារគ្រប់រូប។
ឧទាហរណ៍ថា ខណៈពេលដែលការប្រើប្រាស់ធនធានបើកចំហ នៃថាសទឹកមួយ បទពិសោធន៍ នៃការលេងតាមរយៈការប៉ះពាល់របស់កុមារ អាចគ្របដណ្ដប់លើទ្រង់ទ្រាយជាច្រើន នៃការរៀនសូត្រ ដែលអាចធ្វើទៅបានក្នុងកម្រិតជាច្រើន រួមមាន ៖ គណិតវិទ្យា (សមត្ថភាព ចំនួន រូបរាង) ការទំនាក់ទំនង និងភាសា (ការនិទានរឿង ការចរចាដោយប្រើនាម គុណនាម និងកិរិយាសព្ទថ្មីៗ) ការអភិវឌ្ឍផ្ទាល់ខ្លួន សុខភាព និងការថែទាំខ្លួនឯង (ឯករាជ្យភាព ការសម្អាតអនាម័យ ការរក្សាភាពស្ងួត) ការយល់ដឹងអំពីពិភពលោកជុំវិញពួកគេ (ស្ថានភាព នៃរូបធាតុ ទំនាញ សក្ដានុពលថាមពល សត្វរស់នៅក្នុងសមុទ្រ និងទឹកសាប) និងមានរឿងជាច្រើនផ្សេងទៀត។ ជាងនេះទៅទៀត ប្រសិនបើនៅពេលណាមួយ ទម្រង់ នៃបរិស្ថាន ត្រូវបានវាយតម្លៃថា លែងមានការចូលរួមកម្រិតខ្ពស់សម្រាប់កូនៗរបស់អ្នកហើយនោះ យើងនឹងផ្លាស់ប្ដូរ និងសម្របខ្លួនទៅនឹងបរិស្ថាន និងធនធាន ដើម្បីឲ្យតម្រូវការ នៃក្រុមសិស្សជាក់លាក់មួយរបស់យើង ត្រូវបានបំពេញយ៉ាងពិតប្រាកដ។ ដូច្នេះហើយនៅពេលដែលបរិយាកាសអំណោយផល រួមផ្សំជាមួយនឹងការប្រាស្រ័យទាក់ទងប្រកបដោយគុណភាពដែលកូនៗរបស់អ្នកជួបប្រទះជាមួយអ្នកអនុវត្តជំនាញដែលធ្វើការក្នុងការអប់រំកុមារតូចនៅសាលា Shrewsbury យើងធានាថា កូនរបស់អ្នកនឹងឈានដល់សក្ដានុពលពេញលេញ ក្នុងអំឡុងពេលវ័យសិក្សាដ៏សំខាន់របស់ពួកគេជាមួយពួកយើង។
ការងារពិសេសដែលយើងធ្វើក្នុងការអប់រំកុមារតូចរបស់យើងនៅ Shrewsbury អាចឲ្យកូនៗរបស់អ្នកមានការរីកចម្រើនយ៉ាងពិតប្រាកដ ហើយរៀបចំឲ្យពួកគេដើរលើផ្លូវឆ្ពោះទៅរកភាពជោគជ័យ និងក្លាយជាអ្នកសិក្សាដ៏ជោគជ័យពេញមួយជីវិត។ យើងរីករាយស្វាគមន៍អ្នកមកធ្វើទស្សនកិច្ចជាមួយពួកយើង ដើម្បីមើលសកម្មភាព នៃការអប់រំកុមារតូចដោយផ្ទាល់ និងដើម្បីស្វែងយល់បន្ថែមអំពីរបៀបដែលដំណើរ នៃការរៀនសូត្ររបស់កូនអ្នកត្រូវបានសម្របសម្រួលយ៉ាងល្អបំផុតនៅទីនេះ គឺនៅសាលា Shrewsbury។
Charlotte Thomas នាយករងការអប់រំកុមារតូចរបស់យើងនៅសាលាអន្តរជាតិ Shrewsbury ភ្នំពេញ បានបើកដំណើរការហើយ មានទីតាំងនៅអគារ Flatiron ស្ថិតក្នុងភ្នំពេញស៊ីធីសេនធ័រ (សម្រាប់កុមារអាយុពី 2 ទៅ 5 ឆ្នាំ)។ សាខាធំ នៃសាលា គ្រោងនឹងបើកដំណើរការនៅខែកញ្ញា ឆ្នាំ 2024 ក្នុងខណ្ឌជ្រោយចង្វារ ភាគខាងជើង នៃទីក្រុង។ សាខាធំ នៃសាលា នឹងផ្តល់អាហារដល់សិស្សថ្នាក់បឋមសិក្សា និងមធ្យមសិក្សា ព្រមទាំងផ្តល់កន្លែងស្នាក់នៅផងដែរ។
សូមអញ្ជើញមកទទួលព័ត៌មានបន្ថែមអំពីសាលាដ៏អស្ចារ្យរបស់យើងនៅក្នុងព្រឹត្តិការណ៍កម្មវិធីរបស់យើង នៅថ្ងៃទី 19 ខែវិច្ឆិកា ឆ្នាំ 2022 នៅសណ្ឋាគារ Raffles ចាប់ពីម៉ោង 2 ដល់ 5 រសៀល៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ