ព័ត៌មានជាតិ

KiddieQuest ៖ ព្រឹត្តិការណ៍ដ៏ពោរពេញទៅដោយភាពរីករាយមួយសម្រាប់កុមារតូចៗ និងគ្រួសាររបស់ពួកគេដែលត្រូវបានរៀបចំដោយសាលាអន្តរជាតិ Shrewsbury ភ្នំពេញ

បានផុស

១ year មុន

នៅ

ថ្ងៃពុធ ៨ កុម្ភៈ ២០២៣

ដោយ

សាលាអន្តរជាតិ Shrewsbury ភ្នំពេញ គ្រោងនឹងរៀបចំព្រឹត្តិការណ៍ដ៏រំភើបមួយសម្រាប់គ្រួសារដែលមានកុមារតូចៗ នៅថ្ងៃទី ២៥ និង ២៦ ខែកុម្ភៈ ឆ្នាំ ២០២៣។ ព្រឹត្តិការណ៍រយៈពេលពីរថ្ងៃ ដែលមានឈ្មោះថា KiddieQuest: Unlock Your Child’s Potential សន្យាថានឹងក្លាយជាបទពិសោធន៍ នៃការអប់រំដ៏រីករាយសម្រាប់កុមារ ក៏ដូចជាចូលរួមចំណែកកែប្រែជីវិតរបស់កុមារក្រីក្រនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មាតាបិតាដែលចូលរួម នឹងមានឱកាសដើម្បីពិនិត្យមើល Smart Baby Club របស់សាលា ដែលគ្រប់គ្រងដោយ Tutor Impact UK ដែលផ្តល់នូវបរិយាកាសជំរុញទឹកចិត្ត និងការសិក្សាសម្រាប់ទារកឲ្យលូតលាស់ ដោយមានការចូលរួមយ៉ាងសកម្មពីឪពុកម្ដាយរបស់ពួកគេ។ ក្លឹបកម្សាន្តដែលមានសុវត្ថិភាព និងភាពរីករាយនេះ ស្វែងរកការចិញ្ចឹមបីបាច់ និងផ្ដល់អំណាចដល់កុមារសម្រាប់អនាគត។

គ្រួសារដែលមានទារកអាយុចន្លោះពី ៧ ដល់ ២ ខែ និងកុមារអាយុចន្លោះពី ២ ដល់ ៥ ឆ្នាំ នឹងត្រូវបានអញ្ជើញឲ្យចូលរួមក្នុងព្រឹត្តិការណ៍នេះដែលរំពឹងថា នឹងទទួលបានអ្នកចូលរួមចំនួន ៣០០ គ្រួសារ។ កម្មវិធី នឹងរួមបញ្ចូលសកម្មភាពជាច្រើន រួមទាំងការវាយតម្លៃការអភិវឌ្ឍទារក ហ្គេមសប្បាយៗសម្រាប់កុមារតូចៗ និងការសម្ដែង ដើម្បីផ្ដល់នូវការកម្សាន្តសមរម្យ។ ការធ្វើតេស្តអភិវឌ្ឍន៍ទារក នឹងវាយតម្លៃលើដែនចំនួន ៥ របស់កូនអ្នក ដែលការអភិវឌ្ឍរបស់ខួរក្បាលទារក ការយល់ដឹង និងទំនាក់ទំនង។ ព្រឹត្តិការណ៍នេះក៏ផ្ដល់ជូននូវរង្វាន់ធំ នៃការផ្ដល់អាហារូបករណ៍ និងរង្វាន់លើកទឹកចិត្តជាច្រើន។ វាប្រាកដថា ជាបទពិសោធន៍ដ៏រីករាយដែលនឹងជួយបង្ហាញភាពច្នៃប្រឌិតរបស់កុមារ និងមានឥទ្ធិពលវិជ្ជមានទៅលើជីវិតកុមារដទៃ។

សកម្មភាពដែលត្រូវបានកែសម្រួលជាពិសេសសម្រាប់ទារកដែលមានអាយុពី ៧ ដល់ ២៤ ខែ នឹងរួមបញ្ចូលការវារប្រណាំងរត់លាក់ខ្លួន និងស្វែងរក និងការធ្វើតម្រាប់តាម។ ចំណែកសកម្មភាពសម្រាប់ក្មេងអាយុពី ២ ដល់ ៥ ឆ្នាំ នឹងមានការទាត់បាល់ ល្បែងផ្គុំរូប និងលេង Red Light Green Light។

ចំណុចលេចធ្លោ នៃព្រឹត្តិការណ៍រយៈពេលពីរថ្ងៃនេះ គឺ កម្មវិធី Handprint Art Challenge ដែលនឹងក្លាយជាមធ្យោបាយដ៏ល្អមួយក្នុងការចូលរួមចំណែកកែប្រែជីវិតរបស់កុមារក្រីក្រនៅកម្ពុជា។ ព្រឹត្តិការណ៍នេះគឺបើកសម្រាប់សាធារណជនចូលរួមដោយមិនគីថ្លៃ ប៉ុន្តែថវិកាដែលរៃអង្គាស នឹងត្រូវបរិច្ចាគទៅអង្គការផ្កាយសមុទ្រកម្ពុជា ដែលជាអង្គការដែលផ្ដល់ការអប់រំ និងការគាំទ្រដល់កុមារក្រីក្រនៅកម្ពុជា។ ថវិកា នឹងត្រូវបានប្រមូលតាមរយៈការដេញថ្លៃ ពីក្រុមហ៊ុន ឬបុគ្គលដែលចាប់អារម្មណ៍ក្នុងការជួយ និងគាំទ្របុព្វហេតុនេះអាចទិញស្នាដៃសិល្បៈដែលបង្កើតដោយកុមារ។ ការដេញថ្លៃផ្តល់ឱកាសដ៏ល្អមួយដែលមិនត្រឹមតែផ្តល់អំណោយដល់សហគមន៍ប៉ុណ្ណោះទេ ប៉ុន្តែថែមទាំងដើម្បីអបអរសាទរការច្នៃប្រឌិត នៃគំនិតវ័យក្មេងទាំងនេះផងដែរ។ ប្រាក់ចំណូលទាំងអស់ដែលបានមកពីការដេញថ្លៃនឹងទៅកាន់មូលនិធិដោយផ្ទាល់ ដើម្បីធានាថាកុមារនឹងទទួលបានការអប់រំ និងការគាំទ្រផ្លូវចិត្តដែលពួកគេត្រូវការ។

សាលាអន្តរជាតិ Shrewsbury ភ្នំពេញ មានបេសកកម្មច្បាស់លាស់។ សាលានេះដែរ បានអប់រំ និងផ្ដល់សិទ្ធិអំណាចដល់សិស្សម្នាក់ៗឲ្យរីកចម្រើនក្នុងជីវិត និងរួមចំណែកជាវិជ្ជមានដល់ពិភពលោកនៅជុំវិញពួកគេ។ លោក Toby Waterson នាយកស្ថាបនិក នៃសាលាអន្តរជាតិ Shrewsbury រាជធានីភ្នំពេញ បានពន្យល់ថា ៖

«សាលា Shrewsbury “តែងតែស្វែងរកមធ្យោបាយដើម្បីអនុវត្តក្រមសីលធម៌។ វាមិនលឿនពេកទេក្នុងការចាប់ផ្ដើមក្មេងៗក្នុងដំណើរនេះ! តាមរយៈការចូលរួមក្នុងកម្មវិធី Handprint Art Challenge ក្រុមគ្រួសារទាំងអស់ នឹងមិនត្រឹមតែមានភាពសប្បាយរីករាយប៉ុណ្ណោះទេ ប៉ុន្តែពួកគេក៏នឹងមានការរួមចំណែកជាវិជ្ជមានផងដែរ»។

វត្តមានរបស់កញ្ញា Adda Angel ក្នុងព្រឹត្តិការណ៍នេះគឺជាការបន្ថែមនូវភាពរំភើបមួយ។ មាតាបិតាកុមារ នឹងយល់ថាវាផ្ដល់រង្វាន់ជាពិសេសក្នុងការនាំកូនៗរបស់ពួកគេមកជាមួយ និងទទួលបានបទពិសោធន៍ជាវិជ្ជមាន នៃភាពជាម្ដាយរបស់លោកស្រី Adda Angel។ វាជាឱកាសដ៏ល្អសម្រាប់អ្នករាល់គ្នាដើម្បីមកជួបជុំគ្នា និងធ្វើឲ្យមានភាពខុសគ្នាយូរអង្វែង។

KiddieQuest ៖ Unlock Your Child’s Potential គឺជាឱកាសមួយសម្រាប់ក្រុមគ្រួសារក្នុងការចងភ្ជាប់ និងបង្កើតអនុស្សាវរីយ៍ ហើយវាក៏មានគោលបំណងដើម្បីបណ្ដុះបណ្ដាលកុមារអំពីសារៈសំខាន់ នៃការផ្តល់ឲ្យ និងបង្កើតផលវិជ្ជមាននៅក្នុងសហគមន៍របស់ពួកគេ។ ព្រឹត្តិការណ៍នេះដើរតួជាវេទិកាមួយសម្រាប់ក្រុមគ្រួសារក្នុងការចងភ្ជាប់ និងបង្កើតអនុស្សាវរីយ៍ ក៏ដូចជាធ្វើឲ្យមានការផ្លាស់ប្ដូរនៅក្នុងជីវិតរបស់កុមារដទៃផងដែរ។ សាលាកំពុងផ្តល់រង្វាន់ និងការលើកទឹកចិត្តដល់អ្នកចូលរួម។

តាមរយៈការចូលរួមក្នុងព្រឹត្តិការណ៍នេះ ក្រុមគ្រួសារដែលចូលរួមនឹងត្រលប់ទៅវិញ ដោយដឹងថា ពួកគេបានធ្វើឲ្យមានការផ្លាស់ប្ដូរជីវិតរបស់កុមារក្រីក្រនៅកម្ពុជា។ ដូច្នេះសូមកុំខកខានព្រឹត្តិការណ៍ដ៏គួរឲ្យរំភើបនេះ ហើយចូលរួមជាមួយយើងក្នុងការជួយធ្វើឲ្យមានការផ្លាស់ប្ដូរ។

ចុះឈ្មោះឥឡូវនេះតាមរយៈ https://form.jotform.com/230371332129447

គួរបញ្ជាក់ថា សាលា Shrewsbury School UK នៃចក្រភពអង់គ្លេស គឺជាសាលាដ៏ធំជាងគេមួយក្នុងចំណោមសាលាសាធារណៈទាំងប្រាំពីរដែលកត់ត្រាទុកជាសាលាសាធារណៈដ៏ល្បីមួយក្នុងឆ្នាំ ១៨៦៨ អំពីការប្រើប្រាស់លក្ខណៈពិសេសល្អបំផុត នៃប្រព័ន្ធអប់រំរបស់ចក្រភពអង់គ្លេស។ នៅចក្រភពអង់គ្លេស សាលានេះបានឈ្នះពានរង្វាន់សាលាឯករាជ្យល្អបំផុតប្រចាំឆ្នាំ ២០២០។

ជាមួយគ្នានេះដែរ សាលានេះមានអតីតនិស្សិតល្បីៗ រួមទាំងលោក Sir Charles Darwin ផងដែរ។ សាលាអន្តរជាតិ Shrewsbury ភ្នំពេញ ត្រូវបានបង្កើតឡើងនៅក្នុង អគារពាណិជ្ជកម្ម Flatiron នឹងបើកដំណើរការជាផ្លូវការចាប់ពីខែកញ្ញា ឆ្នាំ ២០២២ ក្នុងការផ្តល់ការអប់រំស្តង់ដារអន្តរជាតិដ៏ទំនើបទាន់សម័យ សម្រាប់កុមារា និងកុមារីកម្ពុជា។ សាលា នឹងអនុលោមតាមកម្មវិធីសិក្សាពិសេសរបស់សាលា Shrewsbury នៃចក្រភពអង់គ្លេស តាមបែប Floreat ដែលផ្តល់នូវការអប់រំ សហកម្មវិធីសិក្សា និងគ្រូបង្គោលដ៏ល្អៗ ជាមួយនឹងថ្នាក់រៀនដ៏ទំនើប ការលេងកីឡា ការសម្តែង ការលេងតន្ត្រី និងសម្ភារៈដ៏ទំនើបៗទាន់សម័យ។ ភាសាអង់គ្លេស ខ្មែរ និងភាសាចិន នឹងត្រូវបានផ្ដល់ជូនដល់កូនៗរបស់លោកអ្នក។ អតីតអ្នកវិទ្យាសាស្ត្រដ៏ល្បីល្បាញ លោក ឆាលស៍ ដាវីន ក៏ជាអតីតសិស្សនៅ សាលាអន្តរជាតិ Shrewsbury នៃចក្រភពអង់គ្លេស ផងដែរ៕