Connect with us

ព័ត៌មានជាតិ

គិតត្រឹមឆ្នាំ ២០២២ កម្ពុជា ពង្រាយអគ្គិសនី ជូនពលរដ្ឋប្រើប្រាស់បាន ៩៩ភាគរយ ទូទាំងប្រទេស

បានផុស

នៅ

មន្ត្រីជាន់ខ្ពស់នៃក្រសួងរ៉ែ និងថាមពលបានមានប្រសាសន៍ថា គិតត្រឹមឆ្នាំ២០២២នេះ មានភូមិប្រមាណជាង ១៤០០០ភូមិហើយ មានបណ្តាញអគ្គិសនីប្រើប្រាស់នៅទូទាំងប្រទេសស្មើនឹងជាង៩៩%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក  ហេង គុណលាង អគ្គនាយកនៃអគ្គនាយកដ្ឋានថាមពលនៃក្រសួងរ៉ែ​និងថាមពលបានមានប្រសាសន៍​នៅព្រឹកថ្ងៃទី១៨ធ្នូនេះថា ភូមិដែលបានភ្ជាប់ខ្សែបណ្តាញផ្គត់ផ្គង់អគ្គិសនី មានចំនួន ១៤១៥១ភូមិ ស្មើនឹង៩៩,៨៨% នៃចំនួនភូមិសរុបទូទាំងប្រទេសនៅឆ្នាំ២០២២ នេះ។ ចំណែកភូមិ ដែលបណ្តាញជាតិ ផ្គត់ផ្គង់អគិ្គសនីទៅ​មិនទាន់ដល់មានចំនួន ២៤៥ភូមិ ស្មើនឹង ១,៧៣% ។

លោកបានបន្តថា ភូមិដែលមិនទាន់មានបណ្តាញអគ្គិសនីទាំងនោះ ជាភូមិដាច់ស្រយាល គ្មានផ្លូវធ្វើដំណើរ ជាតំបន់កោះ ជាភូមិបណ្តែតទឹក និងជាតំបន់លិចទឹកនៅរដូវវស្សា ដែលពិបាកក្នុងការរៀបចំខ្សែបណ្តាញអគ្គិសនីឲ្យទៅដល់។

ទោះបីជាយ៉ាងនេះក៏ដោយ រាជរដ្ឋាភិបាលបានខិតខំជួយដោះស្រាយឲ្យលំនៅដ្ឋានប្រជាពលរដ្ឋមួយចំនួន​ធំនៅក្នុងភូមិ​ដែលនៅសល់ទាំងនោះ មានអគ្គិសនីប្រើប្រាស់ជាបណ្តោះអាសន្ន តាមរយៈការផ្គល់ប្រព័ន្ធពន្លឺព្រះអាទិត្យតាមផ្ទះ ក្នុងក្របខណ្ឌជំនួយឧបត្ថម្ភនៃកម្មវិធីគាំពារសង្គម របស់មូលនិធីអគ្គិសនីភាវូបនីយកម្មជនបទ និងការវិនិយោគផ្ទាល់ខ្លួន ហើយលំនៅដ្ឋានមួយចំនួនទៀត ក៏បានប្រើប្រាស់អាគុយដែលមានកន្លែងសាកអាគុយរួមនៅក្នុងភូមិផងដែរ។

លោកបានបន្ថែមទៀតថា ក្រុមការងាររួមរបស់ក្រសួងរ៉ែ និងថាមពល អាជ្ញាធរអគ្គិសនីកម្ពុជា និងអគ្គិសនីកម្ពុជា កំពុងតែរួមគ្នាបន្តដោះស្រាយការផ្គត់ផ្គង់អគ្គិសនីឲ្យភូមិដែលនៅសល់ ទាំងនេះតាមករណីនីមួយៗរហូតដល់បញ្ចប់។

គួរបញ្ជាក់ថា ក្រសួងរ៉ែ និងថាមពលនឹងសាងសង់ស្ថានីយ៍ផលិតអគ្គិសនីខ្នាតតូច ដើរដោយពន្លឺព្រះអាទិត្យនៅ​ភូមិដាច់ស្រយាលចំនួន៩ ក្នុងនោះ នៅខេត្តរតនគីរីដែលមាន៣ភូមិ និងខេត្តកំពង់ឆ្នាំងមាន៦ភូមិ ដើម្បីឱ្យប្រជាជន​ទទួលបានអគ្គិសនីប្រើប្រាស់ប្រចាំថ្ងៃប្រកបដោយថាមពលស្អាតនិងមានតម្លៃសមរម្យ ។ គម្រោងបានចាប់ផ្តើមអនុវត្តចាប់ពីខែមីនា ឆ្នាំ២០២២ ដល់ខែកុម្ភៈ ឆ្នាំ២០២៤ដែលមានថវិកា​សរុបចំនួន​២០០​លានយេន​​ប្រហាក់ប្រហែល១,៦២លានដុល្លាអាមេរិកដើម្បីផ្តល់ឱ្យប្រជាជនចំនួន ១៣០០ខ្នងផ្ទះ​ដែលថវិកាទាំងនេះ​មានការគាំទ្ររបស់ស្ថានទូតជប៉ុនប្រចាំប្រទេសកម្ពុជា និងអនុវត្ត​ដោយកម្មវិធីអភិវឌ្ឍន៍សហប្រជាជាតិ (UNDP) ប្រចាំនៅកម្ពុជា៕ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៤ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៧ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៧ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម