ព័ត៌មានជាតិ
កោះខ្យង ជាតំបន់ទេសចរណ៍ដ៏តូចច្រឡឹងមួយ នៅស្រុកស្រែអំបិល ខេត្តកោះកុង
កោះខ្យង កំពុងត្រូវបានអ្នកទេសចរដាក់ងារឲ្យថា ជាតំបន់ទេសចរណ៍តូចច្រឡឹងមួយដ៏សែនមនោរម្យ សម្រាប់ការកម្សាន្តបែបធម្មជាតិឆ្នេរសមុទ្រ ទោះបីជាលើកោះនេះ មិនទាន់ការអភិវឌ្ឍអ្វីធំដុំក៏ដោយ។

កោះខ្យង ស្ថិតនៅក្នុងភូមិខ្សាច់ក្រហម ឃុំជីខក្រោម ស្រុកស្រែអំបិល ខេត្តកោះកុង ដែលមានរយៈចម្ងាយ ១០គីឡូម៉ែត្រ ពីទីរួមស្រុកស្រែអំបិល។ កោះខ្យង គឺជាប្រជុំកោះតូចៗចំនួន ៣ជាប់ៗគ្នា ដែលរំលេចខ្លួន នៅលើផ្ទៃសមុទ្រយ៉ាងខៀវស្រងាត់។

លោក ជា ចាន់កញ្ញា អភិបាលស្រុកស្រែអំបិល បានឲ្យកម្ពុជាថ្មីដឹង នៅថ្ងៃទី ១៦ ខែមករា ឆ្នាំ ២០២៣ថា នៅលើកោះខ្យង មានដើមដូងខ្ពស់ទាបជាច្រើន ដែលដុះដេរដាសនៅលើកូនកោះទាំងនេះ។ រីឯទឹកសមុទ្រវិញថ្លាឈ្វេងដូចកញ្ចក់ អមដោយខ្យល់អាកាសបរិសុទ្ធដ៏សែនមនោរម្យ គួរជាទីគាប់ចិត្ត។

បើតាមលោកអភិបាលស្រុកស្រែអំបិល គ្រប់អ្នកទេសចរ អាចបោះតង់សម្រាកលំហែកាយ បានយ៉ាងមានសុវត្ថិភាពផងដែរ ខណៈមានពលរដ្ឋសហគមន៍នៅទីនោះ រង់ចាំទទួលស្វាគមន៍ និងបម្រើសេវាកម្មផ្សេងៗដូចជា៖ ដឹកជញ្ចូនភ្ញៀវទេសចរងូតទឹក ទៅលេងប្រជុំកោះក្បែរគ្នា ព្រមទាំងផ្តល់សេវាកម្មអាហារស្រស់ទៀតផង។

ជាទូទៅ អ្នកទេសចរ ចំណាយតែ ៥០០០រៀលប៉ុណ្ណោះ សម្រាប់ជិះទូកទៅកាន់កោះខ្យង តាមរយៈទូកប្រជាសហគមន៍។ សព្វថ្ងៃនេះ កោះខ្យង មិនទាន់មានការអភិវឌ្ឍជឿលឿនធំដុំអ្វីឡើយ។ ប៉ុន្តែកន្លងទៅធ្លាប់លេចឮថាព័ត៌មានថា មានក្រុមហ៊ុនធំក្នុងស្រុក កំពុងចាប់អារម្មណ៍លើការវិនិយោគលើកោះដ៏តូចច្រឡឹងមួយនេះ ដើម្បីលើកកម្ពស់វិស័យទេសចរណ៍ ក្រោយរាជរដ្ឋាភិបាលកម្ពុជា សម្រេចបើកប្រទេសស្តារសង្គម-សេដ្ឋកិច្ចឡើងវិញ៕
អត្តបទ៖ សិរីវឌ្ឍនៈ

-
ព័ត៌មានអន្ដរជាតិ២ ថ្ងៃ មុន
វេបសាយ ថៃ ចុះផ្សាយពីម្ហូបអាហារនៅស៊ីហ្គេមរបស់កម្ពុជាថា មានច្រើនមុខរាប់មិនអស់
-
ជីវិតកម្សាន្ដ៦ ថ្ងៃ មុន
ធ្លាយវីដេអូស្និទ្ធស្នាលរវាង Pinky និង Tui ក្រោយល្បីថារស់នៅក្រោមដំបូលតែមួយ
-
ជីវិតកម្សាន្ដ៤ ថ្ងៃ មុន
ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran
-
ជីវិតកម្សាន្ដ៥ ថ្ងៃ មុន
Matt ទម្លាយថា នាងបែកគ្នាជាមួយមិត្តប្រុសយូរហើយ និងគ្មានជនទីបីពាក់ព័ន្ធ
-
ព័ត៌មានជាតិ១ សប្តាហ៍ មុន
ប្អូនប្រុសរបស់លោក ស៊ន តារា អះអាងថា នឹងព្យាយាមពន្យល់បងប្រុសឲ្យចាកចេញពីក្រុមឧទ្ទាមក្បត់ជាតិ
-
ព័ត៌មានជាតិ១ សប្តាហ៍ មុន
ក្រុមហ៊ុន ប៊ូ យ៉ុង ផ្ដល់ជំនួយរថយន្តក្រុង ១ ០០០ គ្រឿងដល់កម្ពុជា
-
ជីវិតកម្សាន្ដ៥ ថ្ងៃ មុន
កូនស្រីជាទូតសុឆន្ទៈឱ្យប្រេន CELINE ទាំងមូល តែម្ដាយ Lisa ប្រើការបូបតម្លៃថោកៗ
-
ព័ត៌មានជាតិ៦ ថ្ងៃ មុន
សម្ដេចតេជោ ហ៊ុន សែន ៖ បើសិនជាខ្ញុំមិនរឹងទេ ឃួង ស្រេង អត់បានចូលអាណត្តិទី ២ទេ