ព័ត៌មានជាតិ
កម្ពុជា តែងតាំងឯកអគ្គរាជទូតថ្មី១០រូប ក្នុងនោះ ២រូបចេញពីរដ្ឋលេខាធិការក្រសួងការបរទេស
ដើម្បីបន្តរឹតចំណងការទូតប្រកបដោយមិត្តភាព និងកិច្ចសហប្រតិបត្តិការកាន់តែជិតស្និទ្ធិជាមួយបណ្ដាប្រទេសជាមិត្ត នានានៅលើពិភពលោក នៅឆ្នាំ២០២៣នេះ កម្ពុជា បានសម្រេចបញ្ជូនឯកអគ្គរាជទូតថ្មីចំនួន១០រូប ដើម្បីទៅបំពេញភារកិច្ចនៅតាមបណ្តាប្រទេសនានា បន្ទាប់ពីឯកអគ្គរាជទូតចាស់បានចប់អាណត្តិបេសកកម្មការទូត។
ឯកអគ្គរាជទូតកម្ពុជាដែលទើបទទួលបានការតែងតាំងថ្មីទាំង១០រូប ហើយត្រៀមចេញដំណើរទៅបំពេញបេសកកម្មការទូតនៅតាមបណ្តាប្រទេសគោលដៅ រួមមាន៖
១/ លោក កុយ គួង ជាឯកអគ្គរាជទូតកម្ពុជាប្រចាំនៅប្រទេសឥណ្ឌា ជំនួសលោក អ៊ុង ស៊ាន ដែលទើបចប់អាណត្តិបេសកកម្ម។ មុនទទួលភារកិច្ចជាឯកអគ្គរាជទូតនេះ លោក កុយ គួង មានតំណែងជារដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរ។
២/ លោក ស្មាន ម៉ាណាន ដែលមានតំណែងជារដ្ឋលេខាធិការក្រសួងការបរទេស និងសហប្រតិបត្តិការអន្តរ ត្រូវបានតែងតាំងជាឯកអគ្គរាជទូតកម្ពុជាប្រចាំប្រទេសគុយវ៉ែត ជំនួសលោក ហ៊ុន ហាន។ កាលពីអំឡុងឆ្នាំ២០១៥ លោក ស្មាន ម៉ាណាន ក៏ធ្លាប់ត្រូវបានតែងតាំងជាឯកអគ្គរាជទូតកម្ពុជាប្រចាំរដ្ឋគុយវ៉ែតម្ដងរួចមកហើយ។
៣/ លោក ហ៊ុន សារឿន តែងតាំងជាឯកអគ្គរាជទូតកម្ពុជាប្រចាំនៅប្រទេសថៃ ជំនួសលោក អ៊ូក សោភ័ណ្ឌ ដែលត្រូវបានទទួលតំណែងជាអនុរដ្ឋលេខាធិការក្រសួងការបរទេស។
៤/ លោក ជឺនបូរាណ ច័ន្ទបុរី តែងតាំងជាឯកអគ្គរាជទូតកម្ពុជាប្រចាំនៅប្រទេសអូស្រ្តាលី និងនូវែលហ្សេទ្បង់ ជំនួសលោក ចាន់ រតនា ដែលទទួលការតែងតាំងជាអនុរដ្ឋលេខាធិការក្រសួងការបរទេស។
៥/ លោក ជា ធីរៈ ជាឯកអគ្គរាជទូតកម្ពុជាប្រចាំប្រទេសគុយបា ជំនួសលោកស្រី បាន បូរ៉ុម ដែលចប់អាណត្តិការទូត។
៦/ លោក ពេជ្រឃុន បញ្ញា ជាឯកអគ្គរាជទូតកម្ពុជាប្រចាំប្រទេសរុស្ស៊ី ជំនួសលោក អ៊ាត សីលា ដែលត្រូវតែងតាំងជាអនុរដ្ឋលេខាធិការក្រសួងការបរទេស។
៧/ លោក អ៊ិន តារា តែងតាំងជាឯកអគ្គរាជទូតកម្ពុជាប្រចាំប្រទេសស្វីស ជំនួសលោក អាន សុខខឿន ដែលត្រូវទទួលតំណែងជាអនុរដ្ឋលេខាធិការ និងជាអ្នកនាំពាក្យក្រសួងការបរទេស។
៨/ លោក ជុំ អង្គវិចិត្រ ជាឯកអគ្គរាជទូតកម្ពុជាប្រចាំប្រទេសមីយ៉ាន់ម៉ា ជំនួសលោក ឈូក ប៊ុណ្ណា ដែលត្រូវទទួលតួនាទីជាអគ្គនាយកនៃអគ្គនាយកដ្ឋានអឺរ៉ុប អាមេរិក និងអាហ្វ្រិក-មជ្ឈិមបូព៌ា។
៩/ លោក លឹម ហុកសេង ជាឯកអគ្គរាជទូតកម្ពុជាប្រចាំប្រទេសប្រ៊ុយណេ ជំនួសលោក ហុក សុភា។
១០/ លោក អ៊ុក ចាន់ដារ៉ា ជាឯកអគ្គរាជទូតកម្ពុជាប្រចាំនៅប្រទេសម៉ាឡេស៊ី ជំនួសលោក ចឺយ វិចិត្ត ដែលត្រូវតែងតាំងជាប្រធានវិទ្យាស្ថានជាតិការទូត និងទំនាក់ទំនងអន្តរជាតិ៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)