ព័ត៌មានអន្ដរជាតិ

ការធ្វើដំណើរពីបរទេសទៅអាមេរិក ធ្លាក់ចុះខ្លាំងក្រោយ ត្រាំ ឡើងកាន់អំណាច

បានផុស

៤ សប្តាហ៍ មុន

នៅ

ថ្ងៃអាទិត្យ ២០ មេសា ២០២៥

ដោយ

ការធ្វើដំណើរពីបរទេសទៅកាន់សហរដ្ឋអាមេរិក បានធ្លាក់ចុះយ៉ាងខ្លាំងរាប់ចាប់តាំងពីលោកប្រធានាធិបតី ដូណាល់ ត្រាំ វិញត្រឡប់មកកាន់អំណាចនៅអាណត្តិទី២ ដោយរំពឹងថា នឹងបង្កការខាតបង់ប្រាក់រាប់ប៊ីលានដុល្លារ ជាពិសេសក្នុងវិស័យទេសចរណ៍។ នេះបើតាមការចុះផ្សាយរបស់កាសែតវ៉ាស៊ីនតោនប៉ុស្តិ៍ និងបណ្ដាញទូរទស្សន៍ CNBC។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញបានលើកឡើងថា ហេតុផលសំខាន់ៗដែលបណ្ដាលឱ្យមានការធ្លាក់ចុះ គឺគោលនយោបាយពន្ធគយរបស់លោក ត្រាំ វោហាសាស្រ្តបែបអរិភាពនៃមន្រ្តីរដ្ឋបាល ត្រាំ លើប្រទេសដទៃ ការរឹតបណ្ដឹងការធ្វើដំណើរចូលស្រុកអាមេរិក ក៏ដូចជារបាយការណ៍ស្ដីការឃុំខ្លួន និងការនិរទេសជនបរទេសជាដើម។

កាលពីខែមុន ចំនួនភ្ញៀវបរទេសទៅសហរដ្ឋអាមេរិក បានធ្លាក់ចុះជិត ១២ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមទិន្នន័យពីរដ្ឋបាលពាណិជ្ជកម្មអន្តរជាតិ ដែលជាទីភ្នាក់ងារចំណុះឱ្យក្រសួងពាណិជ្ជកម្មអាមេរិក។ កាលពីខែកុម្ភៈ តួលេខដដែលបានធ្លាក់ចុះ ២ ភាគរយ ដែលជាការធ្លាក់ចុះធ្ងន់ធ្ងរបំផុតក្រោយវិបត្តិជំងឺរាតត្បាតកូវីដ១៩។

CNBC ផ្សាយថា ក្រុមហ៊ុនមួយ នៅ Wall Street បានព្យាករថា ប្រាក់ចំណូលរបស់សហរដ្ឋអាមេរិកអាចនឹងធ្លាក់ចុះរហូតដល់ទៅ ៩០ ប៊ីលានដុល្លារ នៅឆ្នាំ ២០២៥ នេះ ប្រសិនបើគិតការធ្លាក់ចុះនៃការធ្លាក់ចុះការធ្លាក់ដំណើរចូលស្រុកអាមេរិក ដែលប៉ះខ្លាំងដល់វិស័យទេសចរណ៍ និងការធ្វើពហិការលើផលិតផលរបស់អាមេរិក។

បើគិតទៅតាមប្រទេស ឬតំបន់ ការធ្លាក់ចុះនៃភ្ញៀវពីបរទេសមានសភាពធ្ងន់ធ្ងរខ្លាំងនៅខែមីនា។ យោងតាមទិន្នន័យរបស់រដ្ឋបាលពាណិជ្ជកម្មអន្តរជាតិ ភ្ញៀវពីអឺរ៉ុបខាងលិចបានធ្លាក់ចុះ ១៧ ភាគរយ អាមេរិកកណ្ដាល ២៤ ភាគរយ និងតំបន់ការ៉ាអ៊ីប ២៦ ភាគរយ។ នេះបើតាមសម្រង់ព័ត៌មានរបស់កាសែតវ៉ាស៊ីនតោនប៉ុស្តិ៍។

ទិន្នន័យរបស់ទីភ្នាក់ងារនេះ បានមកពីទម្រង់ I-94 ដែលអ្នកធ្វើដំណើរបំពេញនៅព្រំដែន។ វារាប់បញ្ចូលទាំងជនមិនមែនជាពលរដ្ឋអាមេរិក និងជនមិនមែនជាអន្តោប្រវេសន៍មកពីបរទេស ដែលស្នាក់នៅយ៉ាងហោចណាស់ ១ យប់ សម្រាប់វិស្សមកាល អាជីវកម្ម ឬទៅលេងគ្រួសារ។

វាគឺជាទិន្នន័យបឋម ព្រោះរដ្ឋបាលពាណិជ្ជកម្មអន្តរជាតិមិនទាន់បានរាប់បញ្ចូនតួលេខពីកាណាដា និងម៉ិកស៊ិក នៅឡើយទេ។ ប៉ុន្តែបើតាម CNBC ទិន្នន័យអ្នកធ្វើដំណើរពីគយ និងការការពារព្រំដែនសហរដ្ឋអាមេរិកបានបង្ហាញថា ភ្ញៀវដែលចូលមកឆ្លងកាត់ព្រំដែនភាគខាងជើង (កាណាដា) បានធ្លាក់ចុះ ១២,៥ ភាគរយ ក្នុងខែកុម្ភៈ និង ១៨ ភាគរយ នៅខែមីនា។

កាណាដា និងម៉ិកស៊ិក គឺជាប្រភពភ្ញៀវទេសចរសំខាន់ៗរបស់សហរដ្ឋអាមេរិក ដោយឆ្នាំមុន មានភ្ញៀវទេសចរ ២០ លាននាក់ពីកាណាដា បានទៅលេងនៅអាមេរិក (ជាមួយនឹងការចំណាយជាង ២០ ប៊ីលានដុល្លារ) និងជាង ១៤,៥ លាននាក់ មកពីម៉ិកស៊ិក។ ក្រៅពីនេះ ភាគច្រើននៃអ្នកធ្វើដំណើរមកពីប្រទេសបារាំង អាល្លឺម៉ង់ អ៊ីតាលី អេស្ប៉ាញ អង់គ្លេស ជប៉ុន កូរ៉េខាងត្បូង ចិន ឥណ្ឌា អូស្ត្រាលី ប្រេស៊ីល និងកូឡុំប៊ី។

ចំនួនអ្នកទស្សនាមកពីប្រទេសទាំងនេះ ស្ទើរតែទាំងអស់បានធ្លាក់ចុះនៅក្នុងខែមីនា ធៀបនឹងរយៈពេលដូចគ្នាកាលពីឆ្នាំមុន។ ចំនួនអ្នកធ្វើដំណើរមកពីប្រទេសកូឡុំប៊ីបានធ្លាក់ចុះ ៣៣ ភាគរយ អាល្លឺម៉ង់ ២៨ ភាគរយ និងអេស្ប៉ាញ ២៥ ភាគរយ។

សមាគមទេសចរណ៍សហរដ្ឋអាមេរិក ដែលជាក្រុមជំនាញបានប៉ាន់ប្រមាណថា ការធ្វើដំណើរបានចាក់បញ្ចូលទឹកប្រាក់ចំនួន ១,៣ ទ្រីលានដុល្លារ ទៅក្នុងសេដ្ឋកិច្ចអាមេរិក ដោយបង្កើនការងារប្រមាណ ១៥ លានកន្លែង កាលពីឆ្នាំមុន។