កីឡា

លោក Munoz ស្នើសុំពេលវេលាសមរម្យដើម្បីត្រៀមខ្លួនវគ្គផ្តាច់ព្រ័ត្រ AFC Challenge League

បានផុស

១ year មុន

នៅ

ថ្ងៃអាទិត្យ ២០ មេសា ២០២៥

ដោយ

រដូវកាល២០២៤-២៥ ក្លិបបាល់ទាត់ព្រះខ័នរាជស្វាយរៀងអាចត្រូវបានចាត់ទុកជាក្រុមដែលរវល់ខ្លាំងបំផុតតាំងពីដើមរដូវកាលរហូតដល់ចុងរដូវកាលនៅក្នុងប្រវត្តិក្លិបបាល់ទាត់កម្ពុជាទាំងក្នុងពានរង្វាន់ជាតិ និងអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីដើមរដូវកាល ព្រះខ័នរាជស្វាយរៀង បានប្រកួតក្នុងពានរង្វាន់៤ផ្សេងគ្នាគឺ ខេមបូឌានព្រីមៀរលីគ ពានរង្វាន់សម្តេចតេជោ ហ៊ុន សែន ពានរង្វាន់ក្លិបអាស៊ាន (ASEAN Club Championship) និងពានរង្វាន់ក្លិបអាស៊ីលំដាប់ទី៣ (AFC Challenge League)។ រហូតដល់ចុងរដូវកាលនេះ ក្លិបតំណាងកម្ពុជាមួយនេះបានរបូតតែពានរង្វាន់មួយប៉ុណ្ណោះគឺ ASEAN Club Championship ខណៈកំពុងសម្លឹងឆ្ពោះទៅរកការឈ្នះជើងឯក៣ផ្សេងគ្នាក្នុងមួយរដូវកាល។

ពានរង្វាន់៣ដែលនៅសល់គឺសុទ្ធតែឈានដល់វគ្គសំខាន់។ ការប្រកួតលីគនៅសល់៥ប្រកួតទៀត ពានរង្វាន់សម្តេចតេជោ ហ៊ុន សែន ឈានដល់វគ្គពាក់កណ្តាលផ្តាច់ព្រ័ត្រ និងពានរង្វាន់ AFC Challenge League ឈានដល់វគ្គផ្តាច់ព្រ័ត្រ។

សម្រាប់ពេលវេលាប្រកួតពានរង្វាន់ទាំងនេះសុទ្ធតែមមាញឹកខ្លាំងមែនទែន។ លោក Pep Munoz គ្រូបង្វឹកព្រះខ័នរាជស្វាយរៀង បានលើកឡើងក្នុងសន្និសីទសារព័ត៌មានកាលពីល្ងាចថ្ងៃទី១៩ ខែមេសា ឆ្នាំ២០២៥ថា លោកសង្ឃឹមគណៈកម្មការរៀបចំការប្រកួតនៃសហព័ន្ធកីឡាបាល់ទាត់កម្ពុជាយោគយល់ និងផ្តល់ពេលវេលាសមរម្យសម្រាប់ត្រៀមខ្លួនប្រកួតវគ្គផ្តាច់ព្រ័ត្រពានរង្វាន់ AFC Challenge League ជាមួយក្រុម FK Arkadag នៅថ្ងៃទី១០ ខែឧសភា ឆ្នាំ២០២៥។

លោកបានលើកឡើងថា ៖«ដោយសារយើងទើបតែដឹងមានការប្រកួតវគ្គផ្តាច់ព្រ័ត្រ នៅថ្ងៃទី១០ ខែឧសភា ពីព្រោះប្រកួតវគ្គពាក់កណ្តាលផ្តាច់ព្រ័ត្រចប់កាលពីថ្ងៃព្រហស្បតិ៍ទើបយើងដឹងថា យើងឡើងវគ្គផ្តាច់ព្រ័ត្រ។ ការប្រកួតវគ្គផ្តាច់ព្រ័ត្រគឺជាការប្រកួតដ៏សំខាន់ សង្ឃឹមថា ក្រុមផ្សេង និង CPL យោគយល់ និងលើកការប្រកួត។ យើងចង់មានពេលវេលាសមរម្យក្នុងការត្រៀមខ្លួន ដូច្នេះសង្ឃឹមថា ពួកគាត់លើកការប្រកួតសម្រាប់យើង»។

លោកបន្តថា ៖«បើនិយាយកាលវិភាគដែលយើងរវល់គឺយើងធ្លាប់ឆ្លងកាត់កន្លងមក។ ជាពិសេសកាលពីខែមករា យើងមាន៨ទៅ៩ប្រកួត ហើយឥឡូវនេះ ចុងរដូវកាលគឺជាពេលវេលាដ៏មានសារសំខាន់សម្រាប់ពួកយើង។ កីឡាករមានអារម្មណ៍រំភើបក្នុងរដូវកាលនេះដូចគ្នា»។

កម្មវិធីប្រកួតដែលនៅសល់

ប៉ះ បឹងកេត ថ្ងៃទី២០ មេសា ក្នុងលីគ
ប៉ះ បឹងកេត ថ្ងៃទី២៣ មេសា ពានសម្តេចតេជោ វគ្គពាក់កណ្តាលផ្តាច់ព្រ័ត្រ ជើងទី១
ប៉ះ អង្គរថាយហ្គឺរ ថ្ងៃទី២៧ មេសា ក្នុងលីគ
ប៉ះ វិសាខា ថ្ងៃទី៣ ឧសភា ក្នុងលីគ
ប៉ះ បឹងកេត ថ្ងៃទី៧ ឧសភា ពានសម្តេចតេជោ វគ្គពាក់កណ្តាលផ្តាច់ព្រ័ត្រ ជើងទី២
ប៉ះ ណាហ្គាវើលដ៍ ថ្ងៃទី១០ ឧសភា ក្នុងលីគ
ប៉ះ FK Arkadag ថ្ងៃទី១០ ខែឧសភា វគ្គផ្តាច់ព្រ័ត្រ AFC Challenge League
ប៉ះ ភ្នំពេញក្រោន ថ្ងៃទី១៨ ឧសភា ក្នុងលីគ

អត្ថបទ៖ វីរបុត្រ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា