វៀតណាម បិទ​រោងចក្រ​ផលិត​សណ្តែកបណ្តុះ ក្រោយរកឃើញសារធាតុ​ពុល អាចឲ្យមនុស្សស្លាប់

នាយកដ្ឋាននគរបាលសេដ្ឋកិច្ចនៃនាយកដ្ឋានប៉ូលិសខេត្ត Nghe An នៃប្រទេសវៀតណាម ទើបតែកាត់ទោស និងឃុំខ្លួនមនុស្ស ៤នាក់ ពីបទរំលោភលើបទប្បញ្ញត្តិសុវត្ថិភាពចំណីអាហារ បន្ទាប់ពីរកឃើញថា ជនសង្ស័យដែលជាមុខសញ្ញាបានផលិត និងលក់សណ្តែកបណ្តុះបានចំនួន ៣,៥០០តោន ដោយប្រើទឹកចំរាញ់ចេញពីស្ករគ្រាប់ដើម្បីត្រាំ និងស្រោចលើសណ្តែកបណ្តុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលត្រូវបានចាប់ខ្លួនរួមមានៈ Luu Manh Huong, Luu Van Trung, អ្នកទាំងពីរមានទីលំនៅឃុំ Truc Hung ស្រុក Truc Ninh ខេត្ត Nam Dinh) ព្រមទាំង Tran Khac Duy និង Nguyen Van Huong អ្នកទាំងពីររស់នៅតំបន់ Vinh Tan នៃទីក្រុង Vinh ខេត្ត Nghe An) និងជា​ជា​ម្ចាស់​រោងចក្រ​ចំនួន ៤ ដែល​ផលិត​សណ្តែកបណ្តុះ​ជាង ៣.៥០០ តោន ត្រាំ​ដោយ​សារធាតុ​ពុល។

នៅទីតាំងផលិត អាជ្ញាធរបានរឹបអូសសណ្តែកបណ្តុះបានជិត ២០០០ ពាងជាច្រើនប្រភេទ ដែលមានទម្ងន់សរុបប្រហែល ២៥ តោន និងទឹកដែលលាយសារធាតុគីមីជួយជំរុញការលូតលាស់ និងការអភិវឌ្ឍន៍របស់រុក្ខជាតិចំនួន២៥ លីត្រ (6-Benzylaminopurine (6-BAP) និងទឹកដែលលាយរួចស្រេចចំនួន១៥០ សម្រាប់បម្រើដល់ការផលិតពន្លកសណ្តែក រួមជាមួយនឹងវត្ថុតាងពាក់ព័ន្ធមួយចំនួនផ្សេងទៀត។

យោងតាមអាជ្ញាធរ សារធាតុគីមី 6-Benzylaminopurine ដែលមនុស្សប្រើសម្រាប់ស្រោចទឹកសណ្តែកក្នុងអំឡុងពេលដំណើរការផលិត គឺជាសារធាតុហាមឃាត់។ នៅពេលដែលប៉ះពាល់ ការប្រើប្រាស់មានផលប៉ះពាល់ធ្ងន់ធ្ងរជាច្រើនដល់សុខភាព ករណីធ្ងន់ធ្ងរអាចនាំឲ្យកើតជំងឺស្ទះសួត ឬអាចឈានដល់ស្លាប់។ ទាំងនេះគឺនេះ​ជា​សារធាតុ​ជំរុញ​ការលូតលាស់​កោសិកា ប្រសិនបើ​មនុស្ស​ប៉ះ​ពាល់ ឬ​ទទួលទាន វា​នឹង​ប៉ះពាល់​ដល់​សុខភាពយ៉ាងធ្ងន់ធ្ងរ​។

មិនតែប៉ុណ្ណោះ ប៉ូលិសថែមទាំងបញ្ចាក់ទៀតថា សារធាតុនេះជួយឲ្យសណ្ដែកបណ្ដុះកាន់តែធំធាត់ មានឫសខ្លី និងស្អាតជាងមុន ធ្វើឲ្យងាយស្រួលលក់ និងចំណេញកាន់តែច្រើន។ ចាប់ពីឆ្នាំ ២០២៤ រហូតដល់ពេលចាប់ខ្លួន មុខសញ្ញាបានផលិត និងលក់សណ្តែកបណ្តុះបានចំនួន ៣,៥០០តោននៅលើទីផ្សារ ដោយប្រើទឹកដែលចំរាញ់ចេញពីស្ករគ្រាប់ ដើម្បីត្រាំ និងស្រោចលើសណ្តែកបណ្តុះ៕

អត្ថបទ៖ សាង ស្រីល័ក្ខ

ចុចអាន៖ថៃ ព្រមាន​ពលរដ្ឋ​ឲ្យ​ប្រុង​ប្រយ័ត្ន​ចំពោះថ្នាំ​ញៀន «Labubu» ក្រោយ​មនុស្ស​ស្លាប់​២​នាក់