Connect with us

ព័ត៌មានជាតិ

រដ្ឋលេខាធិការក្រសួងសេដ្ឋកិច្ចចំនួន៣រូប មានតំណែងជារដ្ឋមន្ត្រីប្រតិភូអមនាយករដ្ឋមន្ត្រី  

បានផុស

នៅ

បច្ចុប្បន្ន ក្រសួងសេដ្ឋកិច្ច និងហិរញ្ញវត្ថុ ដឹកនាំដោយលោកឧបនាយករដ្ឋមន្ត្រី អូន ព័ន្ធមុនីរ័ត្ន ជារដ្ឋមន្ត្រី។ ក្នុងនោះ មានរដ្ឋលេខាធិការ និងអនុរដ្ឋលេខាធិការមួយចំនួនទៀត ជាសេនាធិការ និងជាជំនួយការក្នុងការជួយការងារលោករដ្ឋមន្ត្រី ដើម្បីធានានូវប្រក្រតីភាពនៃការបំពេញការងាររបស់ក្រសួងសេដ្ឋកិច្ច និងហិរញ្ញវត្ថុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការចាប់អារម្មណ៍ខ្លាំងនោះ គឺមានរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុចំនួន៣រូប ត្រូវបានទទួលការតែងតាំងមុខតំណែងបន្ថែមជារដ្ឋមន្ត្រីប្រតិភូអមនាយករដ្ឋមន្ត្រី។ រដ្ឋមន្ត្រីប្រតិភូអមនាយករដ្ឋមន្ត្រីទាំង៣រូបនេះ គឺសុទ្ធសឹងតែជាបញ្ញាជនពូកែៗដែលបានបញ្ចប់ការសិក្សាថ្នាក់បណ្ឌិតផ្នែកវិទ្យាសាស្ត្រសេដ្ឋកិច្ចនៅប្រទេសរុស្ស៊ី និងអ៊ុយក្រែន។ ឥស្សរជនជាន់ខ្ពស់ទាំង៣រូបនេះ រួមមាន៖

១/ លោក វង្សី វិស្សុត

លោក វង្សី វិស្សុត ដែលជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ត្រូវបានសម្ដេចវិបុលសេនាភក្តី សាយ ឈុំ ប្រមុខរដ្ឋស្ដីទី តែងតាំងជារដ្ឋមន្ត្រីប្រតិភូអមនាយករដ្ឋមន្ត្រី កាលពីខែតុលា ឆ្នាំ២០២០។ បន្ថែមពីមុខតំណែងជារដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ លោក វង្សី វិស្សុត មានតួនាទីជាអនុប្រធានឧត្តមក្រុមប្រឹក្សាសេដ្ឋកិច្ចជាតិ។ លោក វង្សី វិស្សុត បានផ្ដើមបម្រើការជាមន្ត្រីនៅក្រសួងសេដ្ឋកិច្ច តាំងពីឆ្នាំ ១៩៩៥ ហើយលោកបានទទួលតួនាទីជាបន្តបន្ទាប់ ជាអាទិ៍ អនុប្រធាននាយកដ្ឋាន ប្រធាននាយកដ្ឋាន អគ្គលេខាធិការ រង និងក្រោយមកឡើងជាអគ្គលេខាធិកានៃក្រសួងសេដ្ឋកិច្ច។

លោក វង្សី វិស្សុត បានបញ្ចប់ការសិក្សាសញ្ញាបត្របរិញ្ញាបត្រជាន់ខ្ពស់ និងបណ្ឌិតទស្សនវិជ្ជា (PhD) ផ្នែកវិទ្យាសាស្ត្រសេដ្ឋកិច្ច នៅវិទ្យាស្ថានមូស្គូសម្រាប់ការទំនាក់ទំនងអន្តរជាតិ នៃប្រទេសរុស្ស៊ី។ សមត្ថភាពភាសាបរទេស គឺលោក វង្សី វិស្សុត ចេះ៣ភាសា គឺអង់គ្លេស បារាំង និងភាសារុស្ស៊ី។

២/ លោក ជូ វិជិត្ត

លោក ជូ វិជិត្ត គឺជារដ្ឋលេខាធិការទី២ នៃក្រសួងសេដ្ឋកិច្ច និងហិរញ្ញវត្ថុ ដែលទទួលបានការតែងតាំងមុខតំណែងជារដ្ឋមន្ត្រីប្រតិភូអមនាយករដ្ឋមន្ត្រី បន្ថែមលើមុខងារបច្ចុប្បន្ន។ សព្វថ្ងៃ លោក ជូ វិជិត្ត ក៏មានតួនាទីជាអនុប្រធានឧត្តមក្រុមប្រឹក្សាសេដ្ឋកិច្ចជាតិ និងជាសមាជិកពេញសិទ្ធិនៃក្រុមប្រឹក្សាបណ្ឌិតសភាចារ្យផងដែរ។ មុនទទួលបានតំណែងជាន់ខ្ពស់ទាំងនេះ លោក ជូ វិជិត្ត ធ្លាប់បានបម្រើការជាមន្ត្រីនៃខុទ្ទកាល័យក្រសួងសេដ្ឋកិច្ច និងហិរញ្ញវត្ថុ តាំងពីឆ្នាំ១៩៩៥ ហើយជាបន្តបន្ទាប់មក លោកក៏បានកាន់តួនាទីជាអនុប្រធាននាយកដ្ឋានទ្រព្យសម្បត្តិរដ្ឋ ជាអគ្គលេខាធិការរង និងជានាយកខុទ្ទកាល័យលោក គាត ឈន់ អតីតរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅចន្លោះឆ្នាំ១៩៩៧ ដល់ឆ្នាំ២០១៣។

លោក ជូ វិជិត្ត បានបញ្ចប់ការសិក្សាសញ្ញាបត្របណ្ឌិតវិទ្យាសាស្ត្រសេដ្ឋកិច្ច នៅសាកលវិទ្យាល័យ ទីមីរាហ្សេវ ទីក្រុងមូស្គូ ប្រទេសរុស្ស៊ី។

៣/ លោក ហ៊ាន សាហ៊ីប

លោក ហ៊ាន សាហ៊ីប ដែលជាបណ្ឌិតទស្សនវិជ្ជាផ្នែកវិទ្យាសាស្ត្រសេដ្ឋកិច្ច មកពីប្រទេសអ៊ុយក្រែន បានកាន់តំណែងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ តាំងពីឆ្នាំ២០១៣ ខណៈពេលបច្ចុប្បន្ននេះ លោកក៏មានតួនាទីជាអនុប្រធានអចិន្ត្រៃយ៍នៃឧត្តមក្រុមប្រឹក្សាសេដ្ឋកិច្ចជាតិ ដែលមានឋានៈស្មើទេសរដ្ឋមន្ត្រី។ លុះក្នុងឆ្នាំ២០២២ កន្លងទៅនេះ លោក ហ៊ាន សាហ៊ីប ក៏ត្រូវបានទទួលការតែងតាំងមុខតំ​ណែងជាន់ខ្ពស់មួយទៀតជារដ្ឋមន្ត្រីប្រតិភូអមនាយករដ្ឋមន្ត្រី។

អតីតកាល គឺលោក ហ៊ាន សាហ៊ីប ធ្លាប់ធ្វើជាអនុប្រធាននាយកដ្ឋាននៅក្រុមប្រឹក្សាអភិវឌ្ឍន៍កម្ពុជា (CDC) ជានាយកវិទ្យាស្ថានសេដ្ឋកិច្ច និងហិរញ្ញវត្ថុ ក្នុងឆ្នាំ១៩៩៧ ជាអគ្គលេខាធិការរងក្រសួងសេដ្ឋកិច្ច និងហិរញ្ញវត្ថុ អគ្គលេខាធិការរងនៃឧត្តមក្រុមប្រឹក្សាសេដ្ឋកិច្ចជាតិ និងធ្លាប់ធ្វើជាទីប្រឹក្សាសម្ដេចតេជោនាយករដ្ឋមន្ត្រី ជាដើម៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១០ នាទី មុន

ក្រោយត្រូវមិត្តប្រុសស្គាល់គ្នា១០ឆ្នាំបោះបង់ចោល Fan Bingbing វិលមកវិញកាន់តែខ្លាំង

ព័ត៌មានជាតិ១៩ នាទី មុន

​ចរាចរប្រាក់រៀល​កើនឡើង ១៥ ភាគរយ​ ក្នុងមួយឆ្នាំ​ នាអំឡុង២ទសវត្សរ៍ចុងក្រោយ​

សន្តិសុខសង្គម៣២ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ៤៥ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ១ ម៉ោង មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

Sokha Hotels

ព័ត៌មានពេញនិយម