ព័ត៌មានជាតិ
រោងចក្រសហគ្រាសជិត៥០០បិទទ្វារលែងដំណើរការខណៈរោងចក្របើកថ្មីជិត៤ពាន់
ក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា ឆ្នាំ២០២២ មានរោងចក្រសហគ្រាសជិត ៥០០ សហគ្រាសមានកម្មករនិយោជិតប្រមាណជិត ៦ម៉ឺន នាក់បានបិទទ្វារលែងដំណើរការ ខណៈរោងចក្របើកថ្មីមានរហូតដល់ទៅជិត៤ពាន់និងមានជាង ១០០ កំពុងព្យួរកិច្ចសន្យាការងារផងដែរ។
យោងតាមរបាយការណ៍របស់ក្រសួងការងារ និងបណ្តុះបណ្តាលវិជ្ជាជីវៈដែលទើបចេញផ្សាយនាពេលថ្មីៗនេះបានឱ្យដឹងថា ស្ថានភាពរោងចក្រសហគ្រាសបិទ និងព្យួរកិច្ចសន្យាការងារនៅឆ្នាំ ២០២២ មានចំនួន ៤៩១ សហគ្រាសមានកម្មករនិយោជិតចំនួន ៥៩ ៣៦៩ នាក់ ស្រី ៤៦ ២៦៩ នាក់ ក្នុងនោះវិស័យកាត់ដេរមានចំនួន ១៣២ សហគ្រាសស្មើនឹង ២៦,៨៨ ភាគរយ មានកម្មករនិយោជិតចំនួន៥២៥០២នាក់ស្មើនឹង ៨៨,៤៣ ភាគរយស្រី ៤២ ៤០៨នាក់។
វិស័យក្រៅពីកាត់ដេរមានចំនួន៣៥៩សហគ្រាសស្មើនឹង ៧៣,១២ ភាគរយ មានកម្មករនិយោជិតចំនួន ៦ ៨៦៧ នាក់ស្មើនឹង ១១,៥៧ ភាគរយស្រីមាន ២៨៦១ នាក់។ ចំណែករោងចក្រសហគ្រាសកំពុងព្យួរកិច្ចសន្យាការងារមានចំនួន១០២ សហគ្រាសមានកម្មករនិយោជិតចំនួន ៤៤ ១៨៩ នាក់ស្រី៣៥៤៥៩នាក់។
របាយការណ៍បានបន្តថា យ៉ាងណាក៏ដោយនៅឆ្នាំ ២០២២ កន្លងទៅមានរោងចក្រសហគ្រាសបើកថ្មីចំនួន ៣ ៧៤៨សហគ្រាសមានកម្មនិយោជិតចំនួន ១៤៧ ១៣៩ នាក់ ស្រី៨៥៣៣១នាក់ក្នុងនោះវិស័យកាត់ដេរមានចំនួន ២៣៤សហគ្រាសស្មើនឹង ៦,២៤ ភាគរយមានកម្មករនិយោជិតចំនួន ៧២ ១៥៤ នាក់ស្មើនឹង ៤៩,០៤ ភាគរយស្រី ៥២ ០៧៧នាក់និងវិស័យក្រៅពីកាត់ដេរមានចំនួន ៣៥១៤ សហគ្រាសស្មើនឹង ៩៣,៧៦ ភាគរយមានកម្មករនតិយោជិតចំនួន៧៤ ៩៨៥នាក់ស្មលនឹង៥០,៩៦ភាគរយស្រី៣៣២៥៤នាក់។
គិតត្រឹមឆ្នាំ២០២២ក្រសួងការងារនិងបណ្តុះបណ្តាលវិជ្ជាជីវៈបានចុះបញ្ជីរោងចក្រសហគ្រាសសេដ្ឋកិច្ចក្នុងប្រព័ន្ធបានចំនួន១៦៨២៨សហគ្រាសមានកម្មករនិយោជិត ១ ៥២៨ ៣៨៣ នាក់ដោយទទួលបានប្រាក់ឈ្មួលជាមធ្យមប្រមាណ៣,៩៨ប៊ីលានដុល្លារអាមេរិកក្នុងនោះរោងចក្រសហគ្រាសវិស័យកាត់ដេរចំនួន ១ ៣២១ សហគ្រាសកើន ៨,៣៧ ភាគរយមានកម្មករនិយោជិត៨៨៤ ១៥១ នាក់ ស្រី ៦៩៨ ២៦៦នាក់ និងរោងចក្រសហគ្រាសក្រៅពីវិស័យកាត់ដេរចំនួន ១៥ ៥០៧ សហគ្រាសកើនឡើង២៥,៥៤ ភាគរយមានកម្មករនិយោជិតចំនួន ៦៤៤ ២៣២នាក់ ស្រី២៧៥ ៣៩៩នាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង