ព័ត៌មានជាតិ
ការជ្រើសពូជស្រូវសុទ្ធ ជួយបង្កើនទិន្នផលវិស័យកសិកម្ម និងកំណើនសេដ្ឋកិច្ចនៅកម្ពុជា
ការជ្រើសរើសពូជសុទ្ធល្អ យកទៅដាំដុះ នឹងជួយលើកកម្ពស់វិស័យកសិកម្មនៅកម្ពុជា ឱ្យទទួលបានទិន្នផលច្រើន និងគុណភាពខ្ពស់ ក្នុងការប្រកួតប្រជែងលើទីផ្សារជាតិ និងអន្តរជាតិ។ នេះជាការលើកឡើងរបស់លោក យ៉ង់ សាំងកុមារ។
ថ្លែងនៅក្នុងពិធីដាក់ឱ្យប្រើប្រាស់ពូជស្រូវក្រអូបថ្មី ចំប៉ី ៧០ កាលពីថ្ងៃទី ០៥ មេសា លោក យ៉ង់ សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ទទួលបន្ទុកផ្នែកកាត់ពូជស្រូវ បានលើកឡើងថា កន្លងមកការដាំដុះស្រូវរបស់ប្រជាកសិករប្រើប្រាស់ពូជមិនល្អ ធ្វើឱ្យទិន្នផលដែលប្រមូលបានពិបាករកទីផ្សារ ដោយឈ្មួញ និងក្រុមហ៊ុនទម្លាក់តម្លៃទាប។
ទោះយ៉ាងណា លោកថា ក្រសួងកសិកម្ម កំពុងយកចិត្តទុកដាក់ដោះស្រាយជាមួយក្រុមហ៊ុនស្រូវអង្ករ ដើម្បីកំណត់ឱ្យក្រុមហ៊ុនទាំងនោះប្រើប្រាស់ពូជសុទ្ធល្អ និងមានការទទួលស្គាល់ពីក្រសួង ទើបធ្វើឱ្យវិស័យស្រូវអង្ករនៅកម្ពុជា ទទួលបានផលវិជ្ជមានខ្ពស់ និងជោគជ័យតាមផែនការ។
ជាមួយគ្នានេះ លោក គង់ គា ប្រធាននាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានថ្លែងប្រាប់អ្នកសារព័ត៌មាន បានបញ្ជាក់ថា ការប្រើពូជស្រូវសុទ្ធ ក្នុងការដាំដុះ និងទទួលបានគុណភាពល្អ ការលូតលាស់ខ្លាំង មិនមានគ្រាប់ស្មៅ ផ្លៃទុំស្រុះគ្នា និងធ្វើឱ្យទិន្នផលកើនពី១០ ទៅ១៥ភាគរយ ខណៈតម្លៃក៏លក់បានថ្លៃខ្ពស់ផងដែរ។
ពាក់ព័ន្ធនឹងការជ្រើសរើសពូជស្រូវនេះ អូស្រ្តាលី បានចូលរួមយ៉ាងសកម្ម ដើម្បីអភិវឌ្ឍវិស័យកសិកម្មលើការដាំដុះស្រូវនៅកម្ពុជា។
លោក Justin Whyatt អគ្គរាជទូតនៃប្រទេសអូស្ត្រាលីប្រចាំកម្ពុជា រំពឹងថា ប្រជាកសិករកម្ពុជាជ្រើសរើសយកពូជស្រូវ «ចំប៉ីស៧០»ដាំដុះ ដើម្បីជួយវិស័យកសិកម្មស្រូវអង្ករនៅកម្ពុជា នឹងធ្វើឱ្យសេដ្ឋកិច្ចកាន់តែរីកចម្រើន រួមទាំងធ្វើឱ្យទំនាក់ទំនងនៃប្រទេសទាំងពីរកាន់តែមានទំនាក់ទំនងល្អថែមទៀតផង។
ពូជស្រូវ «ចំប៉ីស៧០» ជាពូជស្រូវស្រាលក្រអូប ដែលបានបញ្ចេញ និងផ្សព្វផ្សាយជូនកសិករប្រើប្រាស់ ដោយវិទ្យាស្ថានស្រាវជ្រាវ និបអភិវឌ្ឍន៍កសិកម្មកម្ពុជា នៃក្រសួងកសិកម្ម រុក្ខាប្រមាញ់ និងនេសាទ នៅចុងឆ្នាំ២០២២ ។ ពូជស្រូវនេះបានអភិវឌ្ឍឡើងក្នុងឆ្នាំ២០១៣ តាមការបង្កាត់រវាងពូជស្រូវផ្ការំដួលជាប្រភេទពូជស្រូវកណ្តលប្រកាន់រដូវ ដែលមានគុណភាពអង្ករប្រណីត ជាមួយនឹងស្រឡាយស្រូវ CNI9024 ជាស្រឡាយស្រូវស្រាលមិនប្រកាន់រដូវមានដងដើមល្អមកពីប្រទេសចិន ។
ក្រោយពីធ្វើពិសោធន៍និងជ្រើសរើសអស់រយៈពេល៩ឆ្នាំ វិទ្យាស្ថានបានសម្រេចស្នើសុំបញ្ចេញឱ្យប្រើប្រាស់ជាផ្លូវការនៅខែធ្នូ ឆ្នាំ២០២២ តាមរយៈគណៈកម្មាធិការបញ្ចេញពូជដំណាំនៃក្រសួងកសិកម្ម រុក្ខាប្រមាញ់ និងនេសាទ ។
ពូជស្រូវ «ចំប៉ីស៧០» ជាពូជស្រូវស្រាលក្រអូប មិនប្រកាន់រដូវ ដែលអាចច្រូតកាត់បានក្នុងរយៈពេល៩៣ ទៅ៩៧ថ្ងៃ ក្រោយព្រោះ ឬសាប ។ ស្រូវ «ចំប៉ីស៧០» អាចផ្តល់ផលជាមធ្យម ៤,៣ តោន ក្នុង១ហិកតា ។ ដោយសារវាមានអាយុកាលខ្លី គេអាចដាំដុះនៅដើមរដូវវស្សា (ដំណាំទីមួយនៃរដូវ ឬស្រូវដើមរដូវ) ក្នុងរដូវវស្សា(ដំណាំទីពីរនៃរដូវ) ចុងរដូវវស្សា ស្រូវប្រដេញទឹក (ដំណាំចម្លោះរដូវវស្សា និងរដូវប្រាំង) និងលក្ខខណ្ឌប្រាំងស្រោចស្រព ៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore