​រាជរដ្ឋាភិបាល​មានផែនការកសាងអគារសាលារៀនថ្មីជំនួសឱ្យអាគារចាស់ទ្រុឌទ្រោម​

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា មានប្រសាសន៍ថា កម្ពុជាមានតម្រូវការ​អគារ​សាលា​រៀនថ្មី ដែលមានគុណភាពសម្រាប់សិស្ស ជំនួសឱ្យអគារចាស់ទ្រុឌទ្រោម ដែលកំពុងអស់​អាយុ​កាល​ប្រើប្រាស់ជាបណ្ដើរៗ។

​សម្ដេចតេជោ ហ៊ុន សែន បានលើកឡើង​នៅក្នុងពិធីប្រគល់សញ្ញាបត្រដល់គរុសិស្ស និស្សិត បុគ្គលិកអប់រំជាង ២ ពាន់នាក់ នៅព្រឹកថ្ងៃទី ២៥ ខែមេសា ឆ្នាំ ២០២៣នេះថា «​សាលាចាស់មួយចំនួនវាអស់អាយុកាលប្រើប្រាស់ហើយ​ ជួសជុលតទៅទៀតក៏វាលំបាក អញ្ចឹងយើង​ត្រូវកសាងថ្មី»។

​សម្ដេចតេជោ ហ៊ុន សែន បានបន្តថា ពីមុនយើងធ្វើសាលារៀន​ដែលមានអាគារ១ ខ្នងៗ ​ប៉ុន្តែឥឡូវនេះ អាគារទាំងនោះ កំពុងតែខូចបណ្ដើរៗ ដែលយើងត្រូវដាក់ជំនួសដោយអគារថ្មី ដែលមានកម្ពស់ខ្ពស់ និងគុណភាពរក្សាសុខភាពរបស់សិស្សបានល្អជាង ខណៈចំនួនប្រជាជន​កើនឡើង​តម្រូវការអគារសាលារៀន​ក៏កើនឡើងដែរ៕

អត្ថបទ៖ ឡេង ដេត