ព័ត៌មានជាតិ
សម្ដេចតេជោ ហ៊ុន សែន កំណត់ថ្ងៃជួបមេដឹកនាំគណបក្សភ្លើងទៀនក្រោយការបោះឆ្នោត
សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ព្រឹកថ្ងៃទី ៣០ ខែកក្កដា ឆ្នាំ ២០២៣ ក្រោយការបោះឆ្នោតជ្រើសតាំងតំណាងរាស្ត្រនិតិកាលទី ៧ ជួបមេដឹកនាំគណបក្សភ្លើងទៀត នៅវិមានសន្ដិភាព។
ការកំណត់ថ្ងៃជួបមេដឹកនាំគណបក្សភ្លើងទៀត បន្ទាប់ពីគណបក្សភ្លើងទៀនបានសរសេរលិខិតមួយស្នើសុំជួបសម្ដេចតេជោ ហ៊ុន សែន ដើម្បីសម្ដែងការគួសម និងអបអរសាទរព្រឹត្តិការកីឡាស៊ីហ្គេម ព្រមទាំងទទួលបានការសំណេះសំណាលអំពីដំណើរការនៃការបោះឆ្នោតជ្រើសតាំងតំណាងរាស្ត្រ នីតិកាលទី៧។
សម្ដេចតេជោ ហ៊ុន សែន មានប្រសាសន៍ខ្លឹមសារទាំងស្រុងថា៖ «ថ្ងៃនេះជាមួយនឹងសារគំរាមបង្កចលាចលទូរទាំងប្រទេសក្រោមហេតុផលតស៊ូមតិដោយសេចក្តីប្រកាសព័ត៌មានផង និងដោយការប្រកាសរបស់ រ៉ុង ឈុនផងខ្ញុំក៏ទទួលបានលិខិតរបស់ប្រធានគណបក្សភ្លើងទៀនសុំជួបសំដែងការគួរសមដែលនាំមកដោយ ជា ប៉ូច»។
សម្ដេចតេជោ ហ៊ុន សែន ចោទឡើងជាសំនួរថា តើភ្លើងទៀនចង់បានអ្វីពិតប្រាកដបានជាបញ្ជូនសារដ៏ច្របូកច្របល់បែបនេះ? បង្កចលាចលមុនការបោះឆ្នោត? បំផ្លាញការបោះឆ្នោត? ពហិការមិនចូលរួមការបោះឆ្នោតតែទម្លាក់កំហុសឲ្យគ.ជ.ប ឬក្រុមប្រឹក្សាធម្មនុញ្ញក្នុងករណីស្ថាប័នទាំងពីរបដិសេដមិនឲ្យចុះឈ្មោបោះឆ្នោតដែលវាជាកំហុសរបស់គណបក្សផ្ទាល់។
សម្ដេចតេជោ បានឱ្យដឹងថា សម្រាប់លិខិតសុំជួបបែរជាប្រើ ជា ប៉ូច ដែលជាមនុស្សទើបបានប្តេជ្ញាចិត្តផ្តួលរំលំសម្ដេចប្រមាណ ២ ខែមុន ខណៈសម្ដេចក៏ចង់បានការពន្យល់ពី ជា ប៉ូច តើរបៀបទម្លាក់សម្ដេចដោយវិធីណា។
តាមលិខិតស្នើសុំជួបសម្ដេច ហ៊ុន សែន របស់គណបក្សភ្លើងទៀន សមាភាពដែលនឹងចូលជួបមាន លោក ទាវ វណ្ណុល ប្រធានគណបក្សភ្លើងទៀន លោក ចេប គឹម អ៊ាង អនុប្រធានគណបក្ស លោក សុខ ហាច អនុប្រធានគណបក្ស លោក កែត ឃី សមាជិកគណៈកម្មាធិការអចិន្ត្រៃយ៍គណបក្ស និងលោក ជា ប៉ូចសមាជិកគណៈកម្មាធិការអចិន្ត្រៃយ៍គណបក្ស៕
អត្ថបទ៖ ឡេង ដេត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ