ព័ត៌មានជាតិ

អត់ការងារធ្វើ ក្មេងស្ទាវបង្ហោះម៉ូតូមួយក្រុម ត្រូវសមត្ថកិច្ចឃាត់ខ្លួនមកណែនាំទាំងយប់

បានផុស

៥ years មុន

នៅ

ថ្ងៃព្រហស្បតិ៍ ២១ មករា ២០២១

ដោយ

សមត្ថកិច្ចនៃអធិការដ្ឋាននគរបាលខណ្ឌសែនសុខ ល្បាតនៅក្នុងមូលដ្ឋាន ដើម្បីថែរក្សា សន្តិសុខ សុវត្ថិភាព សណ្ដាប់ធ្នាប់របៀបរៀបរយ ជូនប្រជាពលរដ្ឋ ឃាត់បានក្រុមបង្ហោះម៉ូតូនាពេលយប់មួយក្រុម ក្រោយពីធ្វើការអប់រំ ណែនាំ ទើបអនុញ្ញាតឲ្យពួកគេត្រឡប់ទៅផ្ទះវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលខណ្ឌសែនសុខ ប្រាប់ឲ្យដឹងថា បន្ទាប់ពីទទួលបានបទបញ្ជាពី លោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ និង លោកវរសេនីយ៍ឯក ហួរ ម៉េងវ៉ាង អធិការដ្ឋាននគរបាលខណ្ឌសែនសុខ កម្លាំងសមត្ថកិច្ចទាំងអស់ចំណុះអធិការដ្ឋាននគរបាលខណ្ឌសែនសុខ តែងតែល្បាតជាប្រចាំនៅក្នុងមូលដ្ឋាន ដើម្បីថែរក្សា សន្តិសុខ សុវត្ថិភាព សណ្តាប់ធ្នាប់របៀបរៀបរយ ជូនប្រជាពលរដ្ឋ ឃាត់បានក្រុមបង្ហោះម៉ូតូនាពេលយប់មួយក្រុម ក្រោយពីធ្វើការ អប់រំ ណែនាំ ទើបអនុញ្ញាតឲ្យត្រឡប់ទៅផ្ទះវិញ ។

ក្នុងការបង្ក្រាបក្រុមបង្ហោះម៉ូតូនាពេលយប់ទាំងនេះ សមត្ថកិច្ចបានដោះមុខម៉ូតូឲ្យពួកគេកាន់ម្នាក់មួយៗ និងឲ្យពួកគេទាំងនោះ ស្រែកឮៗថា ពួកខ្ញុំឈប់បង្ហោះម៉ូតូទៀតហើយ …ពួកខ្ញុំរៀងហើយ… បើបង្ហោះលើកក្រោយទៀត នឹងឲ្យប៉ូលិសចាប់ពួកគេដាក់គុក ៕