ព័ត៌មានជាតិ
បណ្ដឹងតវ៉ារបស់បក្សភ្លើងទៀន និងបក្សមហាសាមគ្គីជាតិខ្មែរ បានដល់ដៃក្រុមប្រឹក្សាធម្មនុញ្ញហើយ
នៅថ្ងៃទី ២៣ ខែឧសភា ឆ្នាំ ២០២៣នេះ អ្នកនាំពាក្យរបស់ក្រុមប្រឹក្សាធម្មនុញ្ញ លោក ព្រហ្ម វិចិត្រអក្ខរា បានបញ្ជាក់ថា គណបក្សភ្លើងទៀន និងគណបក្សមហាសាមគ្គីជាតិខ្មែរ បានដាក់ពាក្យបណ្ដឹងតវ៉ាជាផ្លូវការមកកាន់ក្រុមប្រឹក្សាធម្មនុញ្ញ រួចហើយ។
ការសម្រេចដាក់ពាក្យបណ្ដឹងតវ៉ានេះ គឺធ្វើឡើងបន្ទាប់ពីគណៈកម្មាធិការជាតិរៀបចំការបោះឆ្នោត (គ.ជ.ប) បានបដិសេធមិនចុះឈ្មោះគណបក្សភ្លើងទៀន និងគណបក្សមហាសាមគ្គីជាតិខ្មែរ ទៅក្នុងបញ្ជីគណបក្សឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។ បើតាម គ.ជ.ប ការច្រានចោលពាក្យសុំចុះបញ្ជីគណបក្សឈរឈ្មោះនេះ ដោយហេតុថា គណបក្សទាំងពីរមិនបានបំពេញនូវចំណុចខ្វះខាតតាមលក្ខខណ្ឌដែលច្បាប់កំណត់ ពោលគឺមិនបានភ្ជាប់ មកជាមួយនូវប្រកាសស្ដីពីការចុះឈ្មោះក្នុងបញ្ជីគណបក្សនយោបាយនៅក្រសួងមហាផ្ទៃ ដែលមានបញ្ជាក់នីត្យានុកូលកម្ម។
ថ្លែងប្រាប់សារព័ត៌មានកម្ពុជាថ្មី នៅថ្ងៃអង្គារ៍នេះ លោក ព្រហ្ម វិចិត្រអក្ខរា បានបញ្ជាក់យ៉ាងដូច្នេះថា «ក្រោយ គ.ជ.ប សម្រេចបដិសេធការចុះបញ្ជីនេះ គណបក្សទាំងពីរ បានដាក់ពាក្យបណ្ដឹងហើយមកក្រុមប្រឹក្សាធម្មនុញ្ញប្ដឹងតវ៉ានឹងការសម្រេចរបស់ គ.ជ.ប»។ លោក បន្តថា អគ្គលេខាធិការដ្ឋាននៃក្រុមប្រឹក្សាធម្មនុញ្ញបានបញ្ជូនពាក្យបណ្ដឹងជាលក្ខណៈបច្ចេកទេសទៅក្រុមប្រឹក្សាធម្មនុញ្ញរួចហើយ ដើម្បីរងចាំការពិនិត្យ និងសម្រេច។
បើតាមអ្នកនាំពាក្យរូបនេះ ក្រោយទទួលបានពាក្យបណ្ដឹងតវ៉ា គឺក្រុមប្រឹក្សាធម្មនុញ្ញ មានរយៈពេល១០ថ្ងៃក្នុងការពិនិត្យ និងសម្រេចទៅលើពាក្យបណ្ដឹងតវ៉ារបស់គណបក្សភ្លើងទៀន និងគណបក្សមហាសាមគ្គីជាតិខ្មែរ។ ដូច្នេះ ជាលទ្ធផលយ៉ាងណានោះ គឺរង់ចាំសេចក្ដីសម្រេចជាផ្លូវការរបស់ក្រុមប្រឹក្សាធម្មនុញ្ញ នៅពេលខាងមុខ។
គួរជម្រាបថា យោងតាមនីតិវិធីដែលច្បាប់បានកំណត់ ប្រសិនបើក្រុមប្រឹក្សាធម្មនុញ្ញយល់ព្រមលើបណ្ដឹងតវ៉ា គឺ គ.ជ.ប ត្រូវតែចុះឈ្មោះគណបក្សទៅក្នុងបញ្ជីគណបក្សឈរឈ្មោះបោះឆ្នោតជ្រើសតាំងតំណាងរាស្ត្រជាបន្ទាន់។ ក៏ប៉ុន្តែករណី ក្រុមប្រឹក្សាធម្មនុញ្ញសម្រេចបដិសេធលើពាក្យបណ្តឹងតវ៉ានេះ គឺមានន័យថា នេះជាសេចក្តីសម្រេចចុងក្រោយបិទផ្លូវតវ៉ា ហើយ គ.ជ.ប នឹងត្រូវបិទបញ្ចប់ការចុះបញ្ជីគណបក្សឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជាស្ថាបពរ៕
ដោយ៖ ធឿន វ៉ាន់សុង
-
ព័ត៌មានជាតិ២ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម២ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៥ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៤ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៥ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
សេដ្ឋកិច្ច១ សប្តាហ៍ ago
តូតាល់អេនើជី ខួប១០០ឆ្នាំ
-
ព័ត៌មានជាតិ៣ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
ជីវិតកម្សាន្ដ៥ ថ្ងៃ ago
Carman Lee ត្រូវគេរើសអើង ពេលនៅលីវ និងគ្មានកូនដូចគេក្នុងអាយុ ៥៨ ឆ្នាំ