ព័ត៌មានជាតិ
កម្ពុជាមានស្រ្តីជាង ៥១ ភាគរយ តែការទទួលបានការអប់រំនៅមានកម្រិត
លោកស្រី ច័ន្ទ សូរីយ៍ រដ្ឋលេខាធិការក្រសួងកិច្ចការនារីលើកឡើងថា ប្រទេសកម្ពុជាមានស្ត្រីរហូតដល់ ៥១ភាគរយនៃប្រជាជនសរុប ប៉ុន្តែជាក់ស្ដែងស្ត្រីទាំងអស់អាចទទួលបានការផ្ដល់ឱកាសអប់រំនៅមានកម្រិតនៅឡើយ ជាពិសេសពាក់ព័ន្ធសមភាពយេនឌ័រ។
លើកឡើងក្នុងវគ្គបណ្ដុះបណ្ដាលដែលរៀបចំដោយក្រសួងការងារ និងបណ្ដុះបណ្ដាលវិជ្ជាជីវៈនៅថ្ងៃទី២៣ ខែឧសភា នេះ លោកស្រីរដ្ឋលេខាធិការក្រសួងកិច្ចការនារីមានប្រសាសន៍ថា ស្ត្រីនៅកម្ពុជាអាចទទួលបានការអប់រំ នៅមានកម្រិត ហើយស្ត្រីទាំងនោះ ក៏ត្រូវការការលើកកម្ពស់សមភាពយេនឌ័រ និងលើកកម្ពស់តម្លៃឱ្យកាន់តែប្រសើរថែមទៀត។
ដូច្នេះដើម្បីគិតគូរពីស្ត្រីនៅកម្ពុជាឱ្យទទួលបានការអប់រំបានល្អប្រសើរ ទើបរាជរដ្ឋាភិបាលកម្ពុជាសម្រេចបង្កើតគណៈកម្មាធិការជាតិលើកកម្ពស់សីលធម៌ស្ត្រី និងគ្រួសារខ្មែរ គោលនយោបាយជាតិ វិធានការណ៍នានាក្នុងការលើកកម្ពស់សមភាពយេនឌ័រ និងយន្តការបញ្ជ្រាបយេនឌ័រនៅកម្ពុជា។ នៅក្នុងឆ្នាំ២០២៣ ទើបបង្កើតក្រុមប្រឹក្សាជាតិកម្ពុជាដើម្បីស្ត្រី និងដាក់ចេញផែនការសកម្មភាពការងារឆ្នាំ២០២៤ បន្ថែមផងដែរ។
ក្នុងឱកាសដដែលនោះ លោកស្រីរដ្ឋលេខាធិការក្រសួងកិច្ចការនារីបានបញ្ជាក់ដែរថា បើទោះបីជាបែបណាក៏ដោយ ក៏កម្ពុជាត្រូវការវិនិយោគបន្ថែមដើម្បីបំពេញចំណុចខ្វះខាតរបស់ស្ត្រី។ ហេតុដូច្នេះបានជាការបំពាក់បំប៉នសមត្ថភាពបន្ថែមដល់អ្នកប្រតិបត្តិរបស់ក្រសួង-ស្ថាប័ន ដែលជាសេនាធិការរបស់រាជរដ្ឋាភិបាល ដើម្បីភាពសុខដុមរមនារបស់ប្រជាជនកម្ពុជា។
សូមជម្រាបថា វគ្គបណ្ដុះបណ្ដាលដែលរៀបចំដោយក្រសួងការងារ មានរយៈពេល ៣ ថ្ងៃ ចាប់ពីថ្ងៃទី២៣-២៥ ខែឧសភា ឆ្នាំ២០២៣នេះ ដែលនឹងផ្ដល់ការចែករំលែកនូវបទពិសោធន៍ដ៏ល្អសម្បូរបែប និងមានតម្លៃ និងពង្រឹងសមត្ថភាពបន្ថែមដល់ជនបង្គោលយេនឌ័រ តាមអង្គភាពក្រោមឱវាទក្រសួងការងារ និងបណ្ដុះបណ្ដាលវិជ្ជាជីវៈ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត