ព័ត៌មានជាតិ

លោក ឌិត ទីណា៖ អង្ករកម្ពុជាក្រៅពីគុណភាព ត្រូវវេចខ្ចប់ឲ្យទាក់ទាញ ដើម្បីប្រកួតប្រជែងលើទីផ្សារ

បានផុស

៣ years មុន

នៅ

ថ្ងៃព្រហស្បតិ៍ ២៥ ឧសភា ២០២៣

ដោយ

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ដើម្បីងាយស្រួលប្រកួតប្រជែងនៅលើទីផ្សារអង្ករកម្ពុជា ក្រៅពីផលិតភាពខ្ពស់ និងគុណភាពល្អ ក៏ត្រូវគិតគូរបន្ថែមទៀតលើការវេចខ្ចប់ឱ្យមានភាពទាក់ទាញ បង្ហាញពីអត្តសញ្ញាណ ស្លាកយីហោអង្កររបស់យើងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើកឡើងចំពោះមុខម្ចាស់អាជីវកម្មនៃ «សហភាពសហគមន៍កសិកម្មខេត្តព្រះវិហារមានជ័យ» ដែលស្ថិតនៅភូមិឯកភាព ប៉ាលហាល ក្រុងព្រះវិហារ ខេត្តព្រះវិហារ នាព្រឹកថ្ងៃទី២៥ ខែឧសភា ឆ្នាំ២០២៣ នេះ លោក ឌិត ទីណា មានប្រសាសន៍ថា ក្នុងនាមជាម្ចាស់នៃ «សហភាពសហគមន៍កសិកម្មខេត្តព្រះវិហារមានជ័យ» គួរតែយកចិត្តទុកដាក់សិក្សាពីខ្សែច្រវាក់តម្លៃ និងត្រូវមានផែនការផលិតឲ្យច្បាស់លាស់។

ជាក់ស្ដែង គឺត្រូវជំរុញការធ្វើស្រូវសរីរាង្គតាមរយៈការប្រើប្រាស់ពូជស្រូវសុទ្ធ ដើម្បីផលិតភាពខ្ពស់ គុណភាពល្អ តម្លៃល្អ និងងាយប្រកួតប្រជែង។ ជាពិសេសក៏ត្រូវគិតគូរបន្ថែមទៅលើការវេចខ្ចប់អង្ករផងដែរ ដើម្បីបង្ហាញពីអត្តសញ្ញាណ ស្លាកយីហោអង្កររបស់យើង។

លោក រដ្ឋមន្ត្រី បានបន្តទៀតថា «សហភាពសហគមន៍កសិកម្ម» ត្រូវធ្វើការជាមួយគ្នាសហការគ្នាឱ្យបានល្អ ដោយតម្កល់ផលប្រយោជន៍ជាតិជាធំ ពង្រឹងគុណភាព និងខ្សែច្រវាក់ផ្គត់ផ្គង់ បង្កើនការនាំចេញ បង្កើនចំណូល មានចំណេញ មានប្រសិទ្ធភាពសេដ្ឋកិច្ច និងភាពរីកចម្រើនផងដែរ។

ក្នុងឱកាសដដែល លោក ឌិត ទីណា ក៏បានអះអាងថា ក្រសួងនឹងជួយគាំទ្រក៏ដូចជាជួយសម្រួលដល់កសិករ ដើម្បីទទួលបានផលចំណេញពីផលិតកម្ម៕

Related Topics:លោក ឌិត ទីណា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា