Connect with us

ព័ត៌មានជាតិ

ស្ពានមិត្តភាពកម្ពុជា-កូរ៉េ ពីផ្សារចាស់-​ជ្រោយចង្វា, ជ្រោយចង្វា-អរិយក្សត្រ គ្រោងសាងសង់ នៅពាក់កណ្តាលឆ្នាំ ២០២៤

បានផុស

នៅ

គម្រោងកសាងស្ពានមិត្តភាពកម្ពុជា-កូរ៉េ ចាប់ពីផ្សារចាស់-ជ្រោយចង្វារ, ជ្រោយចង្វារ-អរិយក្សត្រ គ្រោងបើកការ​ដ្ឋានសាងសង់ នៅពាក់កណ្តាលឆ្នាំ ២០២៤ ខាងមុខនេះ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់អ្នកសារព័ត៌មាន នៅក្នុងពិធីបើកការដ្ឋានសាងសង់ ផ្លូវល្បឿនលឿនភ្នំពេញ-បាវិត និងបើកការដ្ឋានសាងសង់​ស្ពាន​ឆ្លងកាត់ទន្លេមេគង្គ ព្រឹកថ្ងៃទី ០៧ ខែ មិថុនា ឆ្នាំ ២០២៣ លោក ស៊ុន ចាន់ថុល បានឱ្យដឹងថា គម្រោងស្ពាន​មិត្តភាព​កម្ពុជា និងកូរ៉េនេះ មានសាងសង់ស្ពានពីរ ទី១ ពីផ្សារចាស់ឆ្លងទន្លេសាបទៅជ្រោយចង្វា និងទី២ ពីជ្រោយចង្វា​ទៅអរិយក្សត្រឆ្លងទន្លេមេគង្គ។

លោកបានបន្តថា« ខ្ញុំថា ប្រហែលពាក់កណ្តាលឆ្នាំ ២០២៤ យើងអាចបើកការដ្ឋានសាងសង់ស្ពានមិត្តភាពកម្ពុជា-កូរ៉េ នៅភ្នំពេញបាន»។

លោករដ្ឋមន្រ្តី បានបន្ថែមដូច្នេះថា« យើងកំពុងតែជ្រើសរើសក្រុមហ៊ុនទីប្រឹក្សាបច្ចេកទេស ទាំងអស់មានក្រុមហ៊ុន ១២ ដាក់ដេញថ្លៃ ហើយខាងភាគីកូរ៉េ បានសម្រិតសម្រាំងរួចនៅសល់ចំនួន៥ក្រុមហ៊ុន ដោយកូរ៉េបានឱ្យយើងពិនិត្យក្រុម​ហ៊ុន៥នេះ ដោយដេញថ្លៃ និងជ្រើសរើសក្រុមហ៊ុនមួយ ធ្វើការសាងសង់ស្ពាននេះ»។

សូមបញ្ជាក់ថា រដ្ឋាភិបាលកម្ពុជា​ និងរដ្ឋាភិបាលកូរ៉េ បានចុះហត្ថលេខាលើប្រាក់កម្ចីជិត ២៥០ លានដុល្លារ សម្រាប់ការសាងសង់ស្ពានមិត្ដភាពកម្ពុជា-កូរ៉េ ដែលតភ្ជាប់ពីផ្សារចាស់ទៅជ្រោយចង្វារ និងជ្រោយចង្វារទៅអរិយក្សត្រ កាលពីចុងឆ្នាំ ២០២២ កន្លងទៅ ។

ស្ពាននេះ នឹងជួយសម្រួលដល់ការធ្វើដំណើររបស់ប្រជាពលរដ្ឋ កាត់បន្ថយការកកស្ទះចរាចរណ៍ចេញ​ចូលរាជធានី​ភ្នំពេញ និងតភ្ជាប់ទៅតំបន់អភិវឌ្ឍន៍អរិយក្សត្រ ស្វាយជ្រុំផងដែរ៕

អត្ថបទ៖ ផល ធារិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

រដ្ឋមន្ត្រី៖ បំពេញការងារត្រូវប្រកាន់ក្រមសីលធម៌វិជ្ជាជីវៈជាមន្រ្តីអធិការកិច្ច ឈរលើគោលការណ៍ច្បាប់

ព័ត៌មានអន្ដរជាតិ២៨ នាទី មុន

មន្ទីរពេទ្យនៅភាគខាងជើង អ៊ីស្រាអែល យកចំណតរថយន្តក្រោមដីធ្វើជា​បន្ទប់ព្យាបាលអ្នកជំងឺ

ព័ត៌មានជាតិ៤៥ នាទី មុន

បង្ក្រាបក្លឹបកម្សាន្តមួយកន្លែង ដោយបានឃាត់ខ្លួនមនុស្សជាង១០០នាក់ ពាក់ព័ន្ធគ្រឿងញៀន

ព័ត៌មានជាតិ១ ម៉ោង មុន

អគ្គមេបញ្ជាការរង៖ ការហ្វឹកហ្វឺនកងទ័ព គឺបានឆ្លើយតបក្នុងការពង្រឹងសមត្ថភាពដល់កងទ័ព

ព័ត៌មានជាតិ១ ម៉ោង មុន

នាវាខ្នាតយក្ស ១ គ្រឿងដឹកភ្ញៀវទេសចរជាង ​១​ពាន់​នាក់ ចូលចតនៅកំពង់ផែក្រុងព្រះសីហនុ

Sokha Hotels

ព័ត៌មានពេញនិយម