ព័ត៌មានជាតិ
ពលរដ្ឋក្នុងស្រុកកំពង់ត្រឡាចសម្ដែងការអរគុណចំពោះសម្តេចតេជោ ដែលយកចិត្តទុកដាក់លើសុខុមាលភាព
ពេញមួយថ្ងៃនាថ្ងៃទី២០ ខែមិថុនា ឆ្នាំ២០២៣នេះ ប្រជាពលរដ្ឋប្រមាណជាង៤០០នាក់ទៀត រស់នៅក្នុងឃុំតាជេស ស្រុកកំពង់ត្រឡាច ខេត្តកំពង់ឆ្នាំង បានមកពិនិត្យព្យាបាលជំងឺដែលក្រុមគ្រូពេទ្យបង្អែកខេត្ត បានចុះទៅពិនិត្យព្យាបាលដល់មូលដ្ឋាន និងបានសម្ដែងការអរគុណដល់សម្តេចតេជោ ហ៊ុន សែន ដែលបានយចិត្តទុកដាក់លើសុខុមាលភាពប្រជាពលរដ្ឋគ្រប់ទីកន្លែង និងគ្រប់ពេលវេលា ដើម្បីធានាបាននូវសុខុមាលភាពនៅក្នុងសង្គមអោយកាន់តែមានភាពប្រសើរឡើង ។
តំណាងប្រជាពលរដ្ឋបានអោយដឹងថា ពួកគាត់ពិតជាសប្បាយចិត្តណាស់ ក្រោយឃើញវត្តមានរបស់ក្រុមគ្រូពេទ្យជំនាញនៃមន្ទីរពេទ្យបង្អែកខេត្តកំពង់ឆ្នាំង ដែលដឹកនាំដោយលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង, និងលោកវេជ្ជបណ្ឌិត ទុំ សម្បត្តិ ប្រធានមន្ទីរពេទ្យបង្អែកខេត្ត ចុះមកពិនិត្យព្យាបាលជូនប្រជាពលរដ្ឋដល់មូលដ្ឋានបែបនេះ ដោយមិនគិតសេវា ឬប្រាក់កម្រៃអ្វីឡើយ។ ការចុះមកពិនិត្យព្យាបាលជូនប្រជាពលរដ្ឋបែបនេះ គឺប្រជាពលរដ្ឋទាំងអស់ទទួលបានប្រយោជន៍ច្រើនណាស់ គឺមិនចាំបាច់ចំណាយថវិការក្នុងការធ្វើដំណើរទៅកាន់មន្ទីរពេទ្យ មិនបាច់ធ្វើដំណើរឆ្លងកាត់គ្រោះថ្នាក់តាមផ្លូវ មិនបាច់ចំណាយថវិការលើថ្នាំសង្កូវ និងបានប្រាស្រ័យទាក់ទងគ្នាល្អជាមួយក្រុមគ្រូពេទ្យទាំងអស់ទៀតផង។ ក្នុងនាមប្រជាពលរដ្ឋ សុំថ្លែងអំណរគុណដល់សម្តេចតេជោ ហ៊ុន សែន នាយករដ្ឋមន្ត្រី ឯកឧត្តម ស៊ុន សុវណ្ណារិទ្ធិ អភិបាលខេត្ត លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល និងលោក ទុំ សម្បត្តិ ប្រធានមន្ទីរពេទ្យបង្អែកខេត្ត ដែលបានយកចិត្តទុកដាក់ដល់សុខុមាលភាពប្រជាពលរដ្ឋនៅតាមជនបទបែបនេះ។
លោកវេជ្ជបណ្ឌិត ប្រាក់ វ៉ុន បានឱ្យដឹងថា ក្រុមគ្រូពេទ្យជំនាញនៃមន្ទីរសុខាភិបាលខេត្តកំពង់ឆ្នាំង រួមនឹងរថយន្តគ្លីនិក ដែលភ្ជាប់ជាមួយឧបករណ៍បរិក្ខាពេទ្យទំនើប បានចុះមកពិនិត្យ និងព្យាបាលជំងឺជូនប្រជាពលរដ្ឋដោយឥតគិតថ្លៃ ការនាំយកនូវសេវាសុខាភិបាលមកដល់មូលដ្ឋាន ដើម្បីចូលរួមលើកកម្ពស់សុខមាលប្រជាពលរដ្ឋឱ្យកាន់តែប្រសើរឡើង។
នៅក្នុងការផ្តល់សេវាសុខាភិបាលនៅមូលដ្ឋាននេះ គឺក្រុមគ្រូពេទ្យបង្អែកខេត្តបានធ្វើមួយចំណែករួចមកហើយ ដូចជានៅតាមមណ្ឌលសុខភាព មន្ទីរពេទ្យបង្អែកស្រុកប្រតិបត្តិ ចំពោះការចុះមកពេលនេះ ដើម្បីផ្តល់នូវភាពងាយស្រួលបន្ថែមទៀតជូនប្រជាពលរដ្ឋធ្វើយ៉ាងណាឱ្យសុខភាពប្រជាពលរដ្ឋកាន់តែភាពប្រសើរឡើងថែមទៀត និងបានចូលរួមកាត់បន្ថយជាមួយការចំណាយផងដែរ៕
អត្ថបទ៖ វ៉ាន់ សេដ្ឋា
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ