ព័ត៌មានជាតិ
ទុរេនកំពតមួយហិកតាបាន ១៥ តោន ទិន្នផលឆ្នាំនេះបានជិត ២ ម៉ឺនតោន
លោក តេង វ៉ាន់ធឿន ប្រធានការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកំពតបានឲ្យដឹងថា នៅក្នុងឆ្នាំនេះអាជីវករអាចប្រមូលទិន្នផលទុរេនសរុបបានប្រមាណ ១៨ ៤៩៨ តោនប្រហាក់ប្រហែលទៅឆ្នាំមុន។
តាមរយៈប្រព័ន្ធតេឡេក្រាម លោក តេង វ៉ាន់ធឿន បានឲ្យ «កម្ពុជាថ្មី» ដឹងនារសៀលថ្ងៃទី០៥ ខែកក្កដា ឆ្នាំ២០២៣ នេះថា ចំនួនទិន្នផលក្នុងឆ្នាំនេះ មានលក្ខណៈប្រហាក់ប្រហែលគ្នាទៅនឹងទិន្នផលទុរេនសរុប ដែលប្រជាពលរដ្ឋប្រមូលបានកាលពីឆ្នាំកន្លងទៅ។ ក្នុងឆ្នាំនេះ ពលរដ្ឋអាចប្រមូលទិន្នផលធុរេនបានប្រមាណជា ១៨ ៤៩៨តោន ដោយក្នុងមួយហិកតា អាចប្រមូលផលបាន ១៥ តោន។
លោក តេង វ៉ាន់ធឿន បានញ្ជាក់ថា «មកដល់បច្ចុប្បន្ននេះទុរេនកំពតអាចប្រមូលផលបាន ៩៩%ហើយ គឺនៅសល់ប្រមាណ ១% ប៉ុណ្ណោះ ដែលមិនទាន់បានប្រមូលផលអស់។ នេះជាចំនួនដែលតិចតួចបំផុត»។
ដោយឡែក ចំពោះតម្លៃទុរេនកំពតឆ្នាំនេះ ប្រធានការិយាល័យរូបនេះបានលើកឡើងថា ហាក់មានលក្ខណៈធូរថ្លៃជាងឆ្នាំមុនៗ ដោយទុរេនពូជម៉ន-ថង អាចលក់បានក្នុងតម្លៃត្រឹមតែ ២២ ០០០រៀល តែប៉ុណ្ណោះក្នុងមួយគីឡូក្រាម និងពូជឪខាក់ អាចលក់បានក្នុងតម្លៃតែ ២ ម៉ឺនរៀលក្នុងមួយគីឡូ។ កាលពីឆ្នាំមុនទុរេនពូជ ម៉ន-ថង អាចលក់បានក្នុងតម្លៃ ២៣ ០០០រៀល ក្នុងមួយគីឡូក្រាម និងពូជឪខាក់ អាចលក់បានក្នុងតម្លៃ ២១ ០០០រៀល។
លោក តេង វ៉ាន់ធឿន បានគូសបញ្ជាក់ដែរថា នាពេលកន្លងមកទុរេនកំពតបាននាំចេញទៅកាន់ទីផ្សារមួយចំនួនដូចជា ក្នុងរាជធានីភ្នំពេញ ផ្គត់ផ្គង់ទីផ្សារក្នុងស្រុក និងមួយផ្នែកតូចទៀតនាំចេញទៅកាន់ទីផ្សារខេត្តព្រះសីហនុ។ ប៉ុន្តែបើទោះជាបែបនេះក្តី ទិន្នផលទុរេនអាចប្រមូលបានមានលក្ខណៈល្អប្រសើរក៏ពិតមែន ប៉ុន្តែទុរេនកំពតនៅមិនទាន់អាចផ្គត់ផ្គង់តម្រូវការអតិថិជនបាននៅឡើយទេ។
លោក តេង វ៉ាន់ធឿន បានអះអាងដែរថា បច្ចុប្បន្ន ការនាំចេញ ទុរេនកំពត នៅមិនទាន់មានការវាយស្លាក់សញ្ញាសម្គាល់នោះទេ ប៉ុន្តែគ្រាន់តែបានចងក្រងជាសហគមន៍ដែលមានឈ្មោះថា «សហគមន៍កសិកម្មដំណាំទុរេន» ដែលស្ថិតនៅឃុំម៉ាក ប្រាំង ស្រុកទឹកឈូ ខេត្តកំពត មានសមាជិកចូលរួមប្រមាណជា ៦៧ គ្រួសារ។
អ្វីដែលជាការកត់សម្គាល់នោះគឺ បន្ទាប់ពីការចងក្រងជាសហគមន៍នេះហើយ នាពេលអនាគតក៏មានគម្រោងបន្ថែមទៀត គឺនឹងរៀបចំឱ្យមានការចុះបញ្ជីម៉ាកសម្គាល់ភូមិសាស្ត្រក៏ដូចជា QR Code ដើម្បីសម្គាល់ថាជាទុរេនរបស់ខេត្តកំពតផងដែរ៕
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១១ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ