ព័ត៌មានជាតិ

លោកអភិបាលខណ្ឌច្បារអំពៅដឹកនាំកម្លាំងចុះលាងសំអាតស្ពានទាំងយប់

បានផុស

៥ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

ភ្នំពេញ ៖ លោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅតែងដឹកនាំកម្លាំងចុះធ្វើអនាម័យលាងសម្អាតផ្លូវនឹងស្ពានភ្លោះ ព្រះមុនីវង្សចាស់ថ្មីទាំងយប់ ទាំងថ្ងៃសឹងរកថ្ងៃសម្រាកគ្មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅយប់ថ្ងៃទី២៨ខែមករានេះលោក ចេង មុនីរ៉ា បានដឹកនាំកម្លាំងចុះធ្វើអនាម័យតាមបណ្តោយផ្លូវជាតិលេខ១រហូតដល់លើកំណាត់ស្ពានព្រះមុនីវង្ស ចាស់ ថ្មី ដើម្បីកុំឲ្យមានកំណកសំរាមនឹងកំទេចដីលើផ្លូវដែលងាយនឹងប៉ះពាល់ដល់សុខភាពពិសេសបរិស្ថានតែម្តង។

តាមប្រភពពីលោកគុយ គឹមហ៊ាង ប្រធានការិយាល័យសាធារណការ សាលាខណ្ឌច្បារអំពៅបានប្រាប់កម្ពុជាថ្មីថា ការធ្វើអនាម័យតាមដងផ្លូវគឺជាភារះកិច្ចរបស់អាជ្ញាធរហើយបើសិនជាអាជ្ញាធរមិនបោសសំអាតឬលាងសំអាតនោះទេគឺច្បាស់ជាក្លាយទៅជាវាលសំរាមបាត់ទៅហើយ។ដូច្នេះហើយទើបលោកចេង មុនីរ៉ា អភិបាលខណ្ឌច្បារអំពៅបានចាត់តាំងកម្លាំងឲ្យធ្វើអនាម័យតាមបណ្តាសង្កាត់ទាំង៨ក្នុងមូលដ្ឋានខណ្ឌច្បារអំពៅរាជធានីភ្នំពេញមិនឲ្យខកខានឡើយ។

លោកប្រធានការិយាល័យ សាធារណការខណ្ឌច្បារអំពៅបានបញ្ជាក់ទៀតថា ក្នុងពេលដែលកម្លាំងប្រជាការពារនិងមន្ត្រីរាជការសាលាខណ្ឌនឹងសាលាសង្កាត់ចុះធ្វើអនាម័យគឺលោកចេង មុនីរ៉ា តែងចុះធ្វើអនាម័យជាមួយដោយផ្ទាល់ទៀតផង។ អញ្ចឹងហើយទើបមន្ត្រីរាជការនិងប្រជាការពារនាំគ្នា សស្រាក់ សស្រាំចុះធ្វើអនាម័យព្រោះសូម្បីតែលោកអភិបាលខណ្ឌក៏មូដៃអាវ មូរជើងខោមកលាងសំអាតផ្លូវជាមួយកូនចៅផងដែរ៕

ដោយ ៖ នរា