ក្រសួងអប់រំកំពុងជ្រើសរើសយុវជន ១០រូប ចូលរួមកម្មវិធី នាវាអាស៊ីអាគ្នេយ៍ និងជប៉ុន នៅតូក្យូ

អគ្គនាយកដ្ឋានយុវជន នៃក្រសួងអប់រំ យុវជន និងកីឡា នឹងធ្វើការជ្រើសរើសប្រតិភូយុវជន ១០នាក់ ដើម្បីចូលរួមកម្មវិធី នាវាយុវជនអាស៊ីអាគ្នេយ៍ និងជប៉ុន លើកទី៤៧ ដែលមានឱកាសបានចូលរួមនៅជប៉ុន។

សេចក្តីជូនដំណឹង ត្រូវបានបង្ហោះនៅលើទំព័រហ្វេសប៊ុកក្រសួងអប់រំ យុវជន និងកីឡា កាលពីថ្ងៃទី៤ ខែសីហា ឆ្នាំ២០២៣។ លក្ខខណ្ឌនៃការជ្រើសរើសមានដូចជា៖

• មានសញ្ជាតិខ្មែរ អាយុចាប់ពី១៨ ទៅ៣៣ឆ្នាំ
• មានចំណេះដឹងជ្រៅជ្រះទាក់ទងនឹងប្រវត្តិសាស្ត្រ ភូមិសាស្ត្រ វប្បធម៌ និងរដ្ឋាភិបាលនៅប្រទេសកម្ពុជា ជប៉ុន និងអាស៊ាន
• ត្រូវមានលិខិតឆ្លងដែន ដែលមានសុពលភាព ដល់ថ្ងៃទី៥ ខែសីហា ឆ្នាំ២០២៤
• ត្រូវធ្វើសកម្មភាពតាមកាលវិភាគកម្មវិធី ដោយសណ្តាប់ធ្នាប់ និងមានស្ថានភាពផ្លូវកាយ ផ្លូវចិត្តល្អ ប្រកបដោយស្មារតីក្រុម។

កម្មវិធីនេះ នឹងឈប់ទទួលពាក្យនៅថ្ងៃទី ១៣ ខែសីហា ឆ្នាំ២០២៣។ អាចដាក់ពាក្យបានតាមរយ៖ https://forms.gle/qgQFmhYhgW8P4wRR7  ។ ចំពោះការសម្ភាស នឹងធ្វើនៅថ្ងៃទី១៦​ ខែសីហា ឆ្នាំ២០២៣ និងប្រកាសលទ្ធផលនៅថ្ងៃទី២០ ខែសីហា ឆ្នាំ២០២៣។

កម្មវិធីត្រូវបែងចែកជា២ គឺថ្ងៃទី១៩ ខែវិច្ឆិកា ឆ្នាំ២០២៣ ធ្វើតាមប្រព័ន្ធអនឡាញ ចំណែក ថ្ងៃទី២៩ ខែវិច្ឆិកា ឆ្នាំ២០២៣ ធ្វើនៅទីក្រុងតូក្យូ ប្រទេសជប៉ុន៕