ព័ត៌មានជាតិ
តើក្នុងអំឡុងចូលព្រះវស្សា ព្រះសង្ឃអាចនិមន្តបិណ្ឌបាតបានដែរ ឬទេ?
ពិធីបុណ្យចូលព្រះវស្សា ជាវិន័យកិច្ចមួយបញ្ញត្តិដោយព្រះសម្មាសម្ពុទ្ធ ដែលទ្រង់បានកំណត់ឲ្យភិក្ខុសង្ឃគង់ចាំព្រះវស្សានៅក្នុងវត្ត។ ការចូលព្រះវស្សានេះទៀតសោត គឺមានរយ:ពេល៣ខែ ចាប់ពីថ្ងៃ១រោច ខែអាសាឍ ដល់ ១៥កើត ខែអស្សុជ។ តើក្នុងអំឡុងពេលចូលព្រះវស្សានេះ ព្រះសង្ឃអាចនិមន្តបិណ្ឌបាតបានដែរ ឬទេ?
![](https://www.kampucheathmey.com/wp-content/uploads/2023/09/IMG_4077-1024x585.jpg)
នៅក្នុងកិច្ចសម្ភាសជាមួយ«កម្ពុជាថ្មី» ព្រះមុនីកោសលបណ្ឌិត យ៉ន សេងយៀត ព្រះសាកលវិទ្យាធិការរង នៃសាកលវិទ្យល័យព្រះសីហនុរាជ បានឲ្យដឹងថា អំំឡុងពេលចូលព្រះវស្សានេះ ព្រះសង្ឃនៅតែអាចនិមន្តបិណ្ឌបាតបាន ព្រោះការនិមន្តបិណ្ឌបាតនេះ គឺជាការចិញ្ចឹមជីវិតដោយកម្លាំងស្មង (ព្រះសម្មាសម្ពុទ្ធអនុញ្ញាតឲ្យភិក្ខុសង្ឃនិមន្តបិណ្ឌបាត)។ ព្រះអង្គមានសង្ឃដីការបន្តថា នៅក្នុងកិច្ចការរបស់ព្រះពុទ្ធជាម្ចាស់ប្រចាំថ្ងៃ ដែលហៅថាពុទ្ធកិច្ច ឬការងារប្រចាំថ្ងៃរបស់ព្រះអង្គ មានមួយ គឺព្រះអង្គបិណ្ឌបាតនៅពេលព្រឹក។ ហេតុនេះ ការបិណ្ឌបាតរបស់ព្រះសង្ឃនៅក្នុងពេលចាំព្រះវស្សា មិនបានខុសនឹងវិន័យសង្ឃនោះឡើយ។
![](https://www.kampucheathmey.com/wp-content/uploads/2023/09/IMG_4075-1024x573.jpg)
![](https://www.kampucheathmey.com/wp-content/uploads/2023/09/IMG_4080-1024x574.jpg)
ដោយឡែក នៅក្នុងរយ:ពេល៣ខែ នៃការចាំព្រះវស្សារបស់ភិក្ខុសង្ឃ គឺមិនអាចធ្វើដំណើរឲ្យកន្លងរាត្រីនៅក្រៅវត្តបានទេ (សឹងក្រៅវត្ត)។ ប៉ុន្តែ មានលក្ខខណ្ឌដែលអាចឲ្យព្រះសង្ឃសឹងក្រៅវត្តបាន ក្នុងករណីដូចជា ត្រូវបានគេនិមន្តទៅពិធីបុណ្យ មានអាពាធ ឬមានមហន្តរាយណាមួយកើតឡើង នោះភិក្ខុសង្ឃ អាចលើកកិច្ចនិមន្តនេះបាន៦រាត្រី។
![](https://www.kampucheathmey.com/wp-content/uploads/2023/09/IMG_4078-1024x576.jpg)
សូមបញ្ជាក់ថា ព្រះសម្មាសម្ពុទ្ធបានបញ្ញត្តិឲ្យមានការចាំព្រះវស្សានេះ ដោយសានៅរដូវវស្សាជារដូវភ្លៀងធ្លាក់ដែលធ្វើឲ្យព្រះសង្ឃពិបាកធ្វើដំណើរចេញទៅក្រៅ ហើយនេះ ក៏ជាពេលវេលាមួយអាចឲ្យភិក្ខុសង្ឃ សម្ងំនៅក្នុងវត្តបដិបត្តិសិក្សាធម៌វិន័យផងដែរ៕
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ