Connect with us

ព័ត៌មានជាតិ

០៩ ខែ ឆ្នាំនេះ ខណ្ឌរដ្ឋបាលជលផលកណ្ដាល បង្ក្រាបបទល្មើសនេសាទខុសច្បាប់បាន ៩៩ ករណី

បានផុស

នៅ

រយៈពេល ០៩ ខែ នៃ​ឆ្នាំ ២០២៣ នេះ ខណ្ឌ​រដ្ឋបាល​ជលផល​កណ្ដាល បាន​ធ្វើការ​សហការ​ជាមួយ​អាជ្ញាធរ​គ្រប់​លំដាប់​ថ្នាក់ ក្នុង​ភូមិសាស្ត្រ​ខេត្ត​កណ្ដាល បង្ក្រាប​បទល្មើស​នេសាទ​ខុសច្បាប់​បាន​ចំនួន ៩៩ ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពី​ថ្ងៃ​ទី ០២ ខែ​តុលា ឆ្នាំ ២០២៣ នេះ លោក ហេង សុភារិទ្ធិ នាយ​ខណ្ឌ​រដ្ឋបាល​ជល​ផល​កណ្ដាល សហការ​ជាមួយ​លោក ថោ ឡូ នាយ​អធិការដ្ឋាន​រដ្ឋបាល​ជលផល​ចតុមុខ និង​កងកម្លាំង​គណៈ​បញ្ជាការ​ឯកភាព​ស្រុក​ពញាឮ ដឹកនាំ​ដោយ លោក ថន សុវណ្ណា អភិបាល នៃ​គណៈ​អភិបាល​ស្រុក​ពញាឮ បាន​ចុះ​បង្ក្រាប​បទល្មើស​នេសាទ​ខុស​ច្បាប់​ត្រង់​ចំណុច​ឃុំ​កំពង់​អុស ស្រុក​ពញាឮ ខេត្ត​កណ្ដាល។

កិច្ច​ប្រតិបត្តិការ​នេះ កម្លាំង​ចម្រុះ បាន​រុះរើ​សា​យក​បទល្មើស​នេសាទ ១ ករណី ក្នុង​នោះ​រួមមាន ៖ លូ​ស្បៃ​មុង​ចំនួន ១៥០ មាត់ របាំង​ស្បៃ​មុង ១០១៦៨ ម៉ែត្រ បង្គោល ៧២០ ដើម ដើម្បី​ដុត​បំផ្លាញ​ឧបករណ៍​នេសាទ​ខុសច្បាប់​ទាំងនេះ​នៅ​នឹង​កន្លែង​កើតហេតុ និង​លែង​កូន​ត្រី ១៥០ គីឡូក្រាម​ចូល​ក្នុង​បឹង​ធម្មជាតិ​វិញ។

លោក ហេង សុភារិទ្ធិ នាយ​ខណ្ឌ​រដ្ឋបាល​ជលផល​កណ្ដាល បាន​ឲ្យ​ដឹង​ថា នេះ​គឺជា​ការ​ចុះ​បង្ក្រាប​លើក​ទី ២ ហើយ ដែល​ខណ្ឌ​រដ្ឋបាល​ជលផល​កណ្ដាល សហការ​ជាមួយ​អាជ្ញាធរ​ស្រុក​ពញាឮ ដោយ​អនុវត្ត​តាម​បទបញ្ជា​យ៉ាង​ម៉ឺងម៉ាត់​របស់​លោក គង់ សោភ័ណ្ឌ អភិបាល នៃ​គណៈ​អភិបាល​ខេត្ត​កណ្ដាល បាន​ណែនាំ​ដល់​ខណ្ឌ​រដ្ឋបាល​ជលផល​កណ្តាល រួម​សហការ​គ្នា​ជាមួយ​អាជ្ញាធរ​គ្រប់​លំដាប់​ថ្នាក់ ធ្វើការ​បង្ក្រាប​រាល់​បទល្មើស​នេសាទ​នៅ​ក្នុង​ភូមិសាស្ត្រ​ខេត្ត​កណ្ដាល ឲ្យ​មាន​ប្រសិទ្ធភាព​ខ្ពស់ បើ​ទោះជា​បើក​នៅ​រដូវ​នេសាទ​ក្ដី ក៏​ប្រជាពលរដ្ឋ​មិន​ត្រូវ​ប្រើប្រាស់​ឧបករណ៍​ហាម​ឃាត់​នេសាទ ចំណុច​ភូមិសាស្ត្រ​ខេត្ត​កណ្ដាល​ឡើយ។

លោក​នាយ​ខណ្ឌ​រដ្ឋបាល​ជលផល​កណ្ដាល បាន​បន្ត​ថា «ក្នុង​រយៈពេល ០៩ ខែ ក្នុង​ឆ្នាំ ២០២៣ នេះ ខណ្ឌ​រដ្ឋបាល​ជលផល​កណ្ដាល បាន​ធ្វើការ​សហការ​ជាមួយ​អាជ្ញាធរ​គ្រប់​លំដាប់​ថ្នាក់ នៅ​ក្នុង​ភូមិសាស្ត្រ​ខេត្ត​កណ្ដាល បាន​បង្ក្រាប​បទល្មើស​នេសាទ​ខុសច្បាប់​ចំនួន ៩៩ ករណី ផង​ដែរ»។

ជាមួយ​គ្នា​នេះ លោក​ក៏បាន​ក្រើនរំលឹក​ដល់​អ្នក​ប្រព្រឹត្ត​បទល្មើស​នេសាទ​ទាំងអស់ សូម​បញ្ឈប់​រាល់​សកម្មភាព​នេសាទ​ខុសច្បាប់​ទាំងអស់ ដែល​កើតមាន​ក្នុង​ភូមិសាស្ត្រ​ខេត្ត​កណ្ដាល នៅ​ពេល​មាន​ការ​បង្ក្រាប​បទល្មើស​ទាំងនោះ នឹង​ត្រូវ​អនុវត្ត​ទៅ​តាម​ច្បាប់​ដោយ​គ្មាន​ការ​យោគយល់​ឡើយ។ ទន្ទឹម​នោះ ខណ្ឌ​រដ្ឋបាល​ជលផល​កណ្ដាល នឹង​ចុះ​ធ្វើការ​បង្ក្រាប​ដូច​ភ្លៀងរលឹម ធ្វើ​យ៉ាងណា​ដើម្បី​ឲ្យ​ខេត្ត​កណ្ដាល​គ្មាន​បទល្មើស​នេសាទ​ខុសច្បាប់​ឡើយ។

លោក​ក៏បាន​ស្នើ​អាជ្ញាធរ​ឃុំ-ភូមិ ពិសេស​ប្រជាពលរដ្ឋ សូម​ធ្វើការ​សហការ​ជាមួយ​ខណ្ឌ​រដ្ឋបាល​ជលផល​កណ្ដាល ដោយ​រាយការណ៍​បទល្មើស​នេសាទ​ទាំងអស់​ដែល​កើតមានឡើង​ក្នុង​ភូមិសាស្ត្រ​របស់​ខ្លួន ដើម្បី​ឲ្យ​ខណ្ឌ​រដ្ឋបាល​ជលផល ក៏ដូចជា​អាជ្ញាធរ​ស្រុក ធ្វើការ​ចុះ​បង្ក្រាប​ឲ្យ​បាន​ទាន់​ពេលវេលា សំដៅ​ធានា​នូវ​ធនធាន​ជលផល​ស្តុក​ក្នុង​បឹង​ទន្លេ​ធម្មជាតិ​ឲ្យ​បាន​ល្អ ជា​ផល​ប្រយោជន៍​ពលរដ្ឋ​ក្នុង​មូលដ្ឋាន​របស់​ខ្លួន៕

អត្ថបទ ៖ ពិសី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម