Connect with us

ព័ត៌មានជាតិ

មន្ត្រីនគរបាលខេត្តព្រៃវែង១១រូប ត្រូវបញ្ជូនទៅមណ្ឌលព្យាបាលបន្សាបគ្រឿងញៀន

បានផុស

នៅ

នៅថ្ងៃទី២ ខែវិច្ឆិកា ឆ្នាំ២០២៣ ស្នងការដ្ឋាននគរបាលខេត្តព្រៃវែង បានចេញមកបំភ្លឺជុំវិញការឃាត់ខ្លួនមន្ត្រីនគរបាលចំនួន១១រូប ពាក់ព័ន្ធបទល្មើសគ្រឿងញៀន ក្រោយរកឃើញថា មន្ត្រីនគរបាលទាំងនេះ បានប្រើប្រាស់គ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបំភ្លឺរបស់ស្នងការដ្ឋានខេត្តព្រៃវែង ដោយហេតុថា នៅពេលថ្មីៗនេះ មានការចែករំលែកព័ត៌មានមិនច្បាស់លាស់លើបណ្ដាញសង្គមស្ដីពីការឃាត់ខ្លួនមន្ត្រីនគរបាលខេត្តព្រៃវែងចំនួន១១នាក់ ពាក់ព័ន្ធបទល្មើសគ្រឿងញៀន ហើយបញ្ជូនទៅមណ្ឌលស្តារនីតិសម្បទា។

ពាក់ព័ន្ធករណីខាងលើនេះ ស្នងការដ្ឋាននគរបាលខេត្តព្រៃវែង តាមរយៈសេចក្ដីបំភ្លឺរបស់ខ្លួន នៅថ្ងៃទី២ ខែវិច្ឆិកា នេះ បានឱ្យដឹងថា ដោយមានការចង្អុលដឹកនាំពីលោកនាយឧត្តមសេនីយ៍ ស ថេត អគ្គស្នងការនគរបាលជាតិកម្ពុជា គឺចាប់ពីថ្ងៃទី៩ ខែតុលា ឆ្នាំ២០២៣ ស្នងការដ្ឋាននគរបាលខេត្តព្រៃវែង បានបើកយុទ្ធនាការធ្វើតេស្តស្វែងរកសារធាតុគ្រឿងញៀនពីលោកស្នងការ លោក-លោកស្រីជាស្នងការរង លោកនាយការិយាល័យ បណ្តាអធិការដ្ឋាននគរបាលក្រុង-ស្រុកទាំង១៣ វរនគរបាលការពារព្រំដែនលេខ៦០៧ ប៉ុស្តិ៍នគរបាលរដ្ឋបាលទាំង១១៦ និងមន្ត្រីនគរបាលទូទាំងខេត្តព្រៃវែង។

ជាលទ្ធផល ក្រោយការតេស្តរកសារធាតុញៀន គឺគិតត្រឹមថ្ងៃទី៣០ ខែតុលា ឆ្នាំ២០២៣ ក្រុមការងារបានស្វែងរកឃើញមន្ត្រីនគរបាលដែលជាអ្នកប្រើប្រាស់គ្រឿងញៀនចំនួន១១នាក់។ ដោយអនុវត្តតាមបទបញ្ជារបស់នាយឧត្តមសេនីយ៍ ស ថេត អគ្គស្នងការនគរបាលជាតិកម្ពុជា ស្នងការដ្ឋាននគរបាលខេត្តព្រៃវែង បានបញ្ជូនមន្ត្រីនគរបាលទាំង១១រូបនេះ ទៅកាន់មណ្ឌលស្តារនីតិសម្បទា និងព្យាបាលបន្សាបអ្នកញៀនគ្រឿងញៀន ក្នុងស្រុកកណ្តាលស្ទឹង ខេត្តកណ្តាល។

តែយ៉ាងណា បើតាមសេចក្ដីបំភ្លឺដដែលនេះ ស្នងការដ្ឋាននគរបាលខេត្តព្រៃវែង នឹងអនុវត្តវិន័យឱ្យបានម៉ឺងម៉ាត់បំផុតតាមគោលការណ៍សម្រេចពីថ្នាក់ដឹកនាំ នៅពេលក្រោយជុំវិញករណីនេះ។ ស្នងការដ្ឋាននគរបាលខេត្តព្រៃវែង បានអរគុណ និងស្វាគមន៍ទទួលយករាល់កិច្ចសហការ មតិរិះគន់ស្ថាបនាពីប្រជាពលរដ្ឋគ្រប់មជ្ឈដ្ឋាន ជាពិសេសតាមបណ្ដាញសារព័ត៌មាន ដែលកន្លងមក បានចូលរួមសហការ និងបន្តសហការក្នុងការបង្ការ បង្ក្រាបបទល្មើសគ្រឿងញៀន។

កន្លងមក លោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង បានបញ្ជាក់ថា ការតេស្តពិនិត្យស្វែងរកសារធាតុញៀនពីមន្ត្រីនគរបាលទូទាំងខេត្តព្រៃវែងនេះ គឺមិនមែនធ្វើតែម្ដងនេះឡើយ គឺស្នងការដ្ឋាននគរបាលខេត្តព្រៃវែង នឹងរៀបចំធ្វើយុទ្ធនាការនេះជាបន្តបន្ទាប់ទៀត ដោយមិនមានការជូនដំណឹងទុកជាមុនឡើយ។ លោកឧត្តមសេនីយ៍ទោ ឈឿន ប៊ុនឆន បានអះអាងថា ស្នងការដ្ឋាននគរបាលខេត្តព្រៃវែង នឹងប្រកាសអាសន្នភ្លាមៗ បើករណីមន្ត្រីនគរបាលរូបណាគេចវេស ឬអវត្តមានមិនមកធ្វើតេស្ត នោះក្រុមការងារត្រួតពិនិត្យ អាចសន្និដ្ឋានបានថា មន្ត្រីនគរបាលរូបនោះ មានជាប់ពាក់ព័ន្ធនឹងគ្រឿងញៀន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

សហភាព​សហជីព​រក្សា​សិទ្ធិ​កម្មករ​កម្ពុជា​ ប្តឹង​មន្ត្រី​អង្គការ​សង់​ត្រា​ល់​ទៅ​តុលាការ​ទាមទារ​សំណង​ជំងឺ​ចិត្ត​១០០​លាន​រៀល

ព័ត៌មានជាតិ៣ ម៉ោង មុន

សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ

ព័ត៌មានជាតិ៣ ម៉ោង មុន

ការងារ​ស្ថិតិ និង​អត្រានុកូលដ្ឋាន ជា​កិច្ចការ​ដ៏​មាន​សារៈសំខាន់ និង​ជា​សេវា​ដែល​ប្រជាពលរដ្ឋ​ត្រូវការ​ក្នុង​ជីវភាព​ប្រចាំថ្ងៃ​

ព័ត៌មានជាតិ៤ ម៉ោង មុន

ប្រឡាយ​ធម្មជាតិ​ចំនួន​៣ ​ដែល​ប្រឈម​នឹង​កកស្ទះ​ចរន្តទឹក​ហូរ​ចេញ​ត្រូវ​បាន​ជីក​ស្តារ

ព័ត៌មានជាតិ៤ ម៉ោង មុន

លោកស្រី មិថុនា ភូ​ថង​ ៖ អាជ្ញាធរ​មូលដ្ឋាន​គប្បី​ចូលរួម​ឱ្យ​សកម្ម​លើ​ការគ្រប់គ្រង​គ្រោះមហន្តរាយ​

Sokha Hotels

ព័ត៌មានពេញនិយម