បញ្ចប់មុខតំណែងឧត្ដមសេនីយ៍ទោ ឈឿន ប៊ុនឆន ចេញពីប្រធាននាយកដ្ឋានវិទ្យុទាក់ទង 

សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញអនុក្រិត្យបញ្ចប់មុខតំណែងលោកឧត្ដមសេនីយ៍ទោ ឈឿន ប៊ុនឆន អត្តលេខ ៥៤៤៣៣ ចេញពីប្រធាននាយកដ្ឋានវិទ្យុទាក់ទង។ នេះបើតាមអនុក្រិត្យ លេខ ១៦៣ អនក្រ តត ចុះថ្ងៃទី៨ ខែកុម្ភៈ ឆ្នាំ២០២៣ ដែលក្រុមការងារទើបទទួលបាននៅថ្ងៃទី២៧ ខែកុម្ភៈ ឆ្នំា២០២៣នេះ។

លោកឧត្តមសេនីយ៍ទោ ឈឿន ប៊ុនឆន ធ្លាប់កាន់មុខតំណែងជាអធិការស្រុកកោះធំ ខេត្តកណ្ដាល និងផ្លាស់មកជាអនុប្រធាននាយកដ្ឋានសន្ដិសុខផ្ទៃក្នុង។ លោកត្រូវបានប្រមុខរាជរដ្ឋាភិបាលតែងតាំងជាប្រធាននាយកដ្ឋានវិទ្យុទាក់ទង ចំណុះអគ្គស្នងការដ្ឋាននគរបាលជាតិ កាលពីថ្ងៃទី២៧ ខែកញ្ញា ឆ្នាំ២០២១ ជំនួសឧត្តមសេនីយ៍ទោ សៅ​ ច័ន្ទកុសល្យ ដែលចេញពីប្រធាននាយកដ្ឋានវិទ្យុទាក់ទង ទៅជាអនុប្រធាននាយកដ្ឋានកណ្ដាលនគរបាលព្រំដែន។

បើតាមអនុក្រឹត្យ លោកឧត្តមសេនីយ៍ទោ ផាន់ សុផល ត្រូវបានតែងតាំងជាប្រធាននាយកដ្ឋានវិទ្យុទាក់ទង ជំនួសលោកឧត្តមសេនីយ៍ទោ ឈឿន ប៊ុនឆន ខណៈឧត្តមសេនីយ៍ទោ ឈឿន ប៊ុនឆន មិនត្រូវបានបញ្ជាក់ក្នុងអនុក្រឹត្យថានឹងទៅកាន់មុខតំណែងអ្វីនៅឡើយនោះទេ៕