Connect with us

ព័ត៌មានជាតិ

តើយុវជនមិនមែនមកពីគ្រួសារក្រីក្រ និងរង​ហានិភ័យ អាចចុះឈ្មោះចូលរៀនកម្មវិធីបណ្តុះបណ្តាលជំនាញវិជ្ជាជីវៈបានដែរឬទេ?

បានផុស

នៅ

រាជរដ្ឋាភិបាលបានប្រកាសដាក់ឱ្យអនុវត្តផ្លូវការកម្មវិធីបណ្តុះបណ្តាលយុវជនមកពីគ្រួសារក្រីក្រ និងគ្រួសារងាយរង​ហានិភ័យ១លាន៥សែននាក់ នៅថ្ងៃទី១៤ ខែវិច្ឆិកា ឆ្នាំ២០២៣នេះតទៅ ដើម្បីផ្តល់ឱកាសឱ្យយុវជនមានជំនាញឆាប់រហ័ស និងអាចមានការងារ មុខរបរសមរម្យក្នុងគោលបំណងលើកកម្ពស់ជីវភាពគ្រួសារកាន់តែប្រសើរ។

តើយុវជនមិនមែនមកពីគ្រួសារក្រីក្រ និងរងហានិភ័យ អាចចុះឈ្មោះចូលរៀនកម្មវិធីបណ្តុះបណ្តាលជំនាញវិជ្ជាជីវៈរបស់រាជរដ្ឋាភិបាលនេះបានដែរឬទេ?

លោក កត្តា អ៊ន អ្នកនាំពាក្យក្រសួងការងារនិងបណ្តុះបណ្តាលវិជ្ជាជីវៈ បានពន្យល់ថា កម្មវិធីបណ្តុះបណ្តាលនេះ មិន​មែន​សម្រាប់តែយុវជនមកពីគ្រួសារក្រីក្រ និងគ្រួសារងាយរងហានិភ័យនោះទេ ពោលគឺយុវជនស្ថិតក្នុងសេដ្ឋកិច្ចក្នុងឬក្រៅប្រព័ន្ធ ឬកម្មករនិយោជិតដែលមានបំណងចង់សិក្សាជំនាញបន្ថែមក៏អាចចុះឈ្មោះចូលរៀនបានដែរ ចាប់ពីថ្ងៃទី១៤វិច្ឆិកានេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងនោះយុវជនមកពីគ្រួសារក្រីក្រ១ និងក្រ២ ត្រូវមានអត្ថសញ្ញាណបណ្ណសញ្ជាតិខ្មែរ ឬសំបុត្រកំណើត មានបណ្ណបញ្ជាក់មកពីគ្រួសារក្រ១ ក្រ២ ឬគ្រួសារងាយរងហានិភ័យអាចចុះឈ្មោះចូលរៀននៅតាមគ្រឹះស្ថានបណ្តុះបណ្តាលនិងបច្ចេកទេសនៅតាមរាជធានី ខេត្ត ទូទាំងប្រទេស ដោយឥតគិតថ្លៃ និងតាមរយៈប្រព័ន្ធឌីជីថលដោយខ្លួនឯង ឬដោយពឹងបុគ្គលណាមួយលើកម្មវិធីទូរស័ព្ទដៃ (TVET 1.5M),ឬមជ្ឈមណ្ឌលការងារនៅតាមរាជធានី-ខេត្ត
ចំនួន១៤ និងមជ្ឈមណ្ឌលការងារចល័តចំនួន ៥។

លោកបានបន្តទៀតថា ចំណែកយុវជនដែលស្ថិតក្នុងសេដ្ឋកិច្ចក្នុង និងក្រៅប្រព័ន្ធ និងកម្មករនិយោជិតដែលមានបំណងចង់សិក្សាជំនាញវិជ្ជាជីវៈត្រូវមានអត្ថសញ្ញាណបណ្ណសញ្ជាតិខ្មែរ ឬសំបុត្រកំណើតក៏អាចចុះឈ្មោះចូលរៀនដោយឥតគិតថ្លៃបានដែរ។ ប៉ុន្តែមិនទទួលបានប្រាក់ឧបត្ថម្ភដូចយុវជនមកពីគ្រួសារក្រីក្រ និងគ្រួសារងាយរងហានិភ័យទេ។ លោកបានបន្តទៀតថា ដើម្បីឱ្យយុវជនចុះឈ្មោះចូលរៀនឱ្យបានច្រើន ក្រសួងក៏មានការផ្សេព្វផ្សាយនៅតាមប្រព័ន្ធព័ត៍មាននានា
និងធ្វើការសហការជាមួយអាជ្ញាធរដែនដីពាក់ព័ន្ធ និងអង្គការសង្គមស៊ីវិលដើម្បីឱ្យយុវជនបានជ្រូតជ្រាបពីការចុះឈ្មោះចូលរៀនវគ្គបណ្តុះបណ្តាលនេះលើកទឹកចិត្តពួកគាត់ឱ្យចូលរៀន។ ព្រោះថា កម្មវិធីបណ្តុះបណ្តាលនេះមានគុណប្រយោជន៍ណាស់សម្រាប់យុវជនអាចទទួលបានការងារភ្លាមៗ នៅពេលរៀនចប់ដោយសារវគ្គសិក្សាខ្លីនេះតម្រូវឱ្យរៀនបណ្តើរ ចុះធ្វើកម្មសិក្សា ឬហាត់នៅតាមរោងចក្រក្រុមហ៊ុនសហគ្រាសដែលមាន៧០០០ជាដៃគូដែលបានចុះអនុស្សារណៈ​យោគយល់គ្នាជាមួយក្រសួងការងារកាលពីថ្ងៃទី១១វិច្ឆិកា រួមមានសភាពាណិជ្ជកម្ម និងសមាគម១៨។

លោកបានបន្ថែមថា មុខជំនាញសម្រាប់ជំហានដំបូងមានចំនួន៣៨មុខជំនាញនៅក្នុងវិស័យអាទិភាពចំនួន១០រួមមាន៖ សំណង់ អគ្គិសនី និងថាមពល អេឡិចត្រូនិក បរិក្ខារត្រជាក់ និងកម្ដៅ កម្មន្តសាល មេកានិកទូទៅ/មេកានិករថយន្ត,​ទេសចរណ៍, សេវាកម្ម, កសិកម្ម និងកសិ-ឧស្សាហកម្ម, និងធុរកិច្ច និងព័ត៌មាន។

គួរបញ្ជាក់ថា កម្មវិធីបណ្តុះបណ្តាលយុវជនមកពីគ្រួសារក្រីក្រ និងគ្រួសារងាយរងហានិភ័យ១លាន៥សែននាក់ត្រូវបានប្រកាសដាក់ឱ្យអនុវត្តជាផ្លូវការដោយសម្តេចមហាបវរធិបតី ហ៊ុន ម៉ាណែត នៅថ្ងៃទី១៤ ខែវិច្ឆិកា ឆ្នាំ២០២៣៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

បេក្ខជនជិត ២ពាន់នាក់ នឹងត្រូវចូលរួមប្រឡងជ្រើសរើសគ្រូអប់រំកាយ និងកីឡា ខណៈជ្រើសរើសតែ ១០០នាក់ប៉ុណ្ណោះ

ព័ត៌មានជាតិ២ ម៉ោង មុន

លោក លី ធុជ ចូលប្រជុំនៅស្វីស ដើម្បីសម្រេចគោលដៅអាទិភាព ពេលកម្ពុជារៀបចំកិច្ចប្រជុំស្ដីពីពិភពលោកគ្មានមីន

ព័ត៌មានជាតិ៣ ម៉ោង មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ៣ ម៉ោង មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

កីឡា៤ ម៉ោង មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម