ថៃចង់ប្ដឹងកម្ពុជារឿងទាហានជាន់មីនក្នុងដីខ្លួនទៅUN÷ មេស៊ីម៉ាក់ ពន្យុះឱ្យថៃកាន់ដៃកម្ពុជាទៅICJ តែម្តងទៅ ព្រោះជាតុលាការរបស់UNស្រាប់

ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកមជ្ឈមណ្ឌលសកម្មភាពកំចាត់មីន លោក ហេង រតនា ពន្យុះឱ្យថៃ ប្ដឹងកម្ពុជាទៅតុលាការយុត្តិធម៌អន្តរជាតិICJតែម្ដងទៅ ព្រោះICJជាតុលាការរបស់អង្គការសហប្រជាជាតិស្រាប់។ លោក ហេង រតនា ពន្យុះដូច្នេះ បន្ទាប់ពីទាហានថៃ ៣នាក់ ដើរជាន់មីនដាច់ជើងម្នាក់ បន្ទាប់មកចោទថាកម្ពុជាជាអ្នកដាក់មីន និងចង់ប្ដឹងរឿងនេះទៅអង្គការសហប្រជាតិ។

លោក ហេង រតនា សរសេរនៅលើទំព័រហ្វេសប៊ុកផ្លូវការនាថ្ងៃទី ១៩ ខែកក្កដា ក្រោយថៃចង់ប្ដឹងកម្ពុជាទៅ UN ដូច្នេះ ÷”រឿងនេះករណីចង់ប្តឹងកម្ពុជាទៅUNពិតជាល្អហេីយ ដូចនេះគួរតែបបួលគ្នាដោយកាន់ដៃកម្ពុជាទៅប្តឹងនៅICJ តែម្តង ព្រោះថាICJ ជាតុលាការរបស់UNនេះស្រាប់!”។

កាលពីថ្ងៃទី១៦ ខែកក្កដា ទាហាន៣នាក់ បានដើរជាន់មីន ទាហានថៃ ៣នាក់ ជាន់គ្រាប់មីន ដោយមានម្នាក់ដាច់ជេីងម្ខាង និងរបួសស្រាលចំនួន២នាក់។

លោក ហេង រតនា ក៏បានចាត់ទុកថាថៃបានចុះផ្សាយលាបពណ៌មួលបង្កាច់កម្ពុជា រឿងគ្រាប់មីនចាស់ និងគ្រាប់មីនដាក់ថ្មី។

អាជ្ញាធរមីនកម្ពុជា បដិសេធ និងច្រានចោលទាំងស្រុងចំពោះការចុះផ្សាយពីសំណាក់ស្ថាប័នព័ត៌មានថៃដែលថា «កម្ពុជាដាក់មីនថ្មី» និងចាត់ការផ្សាយថាកម្ពុជាដាក់មីនថ្មី គឺជាចេតនាចោទប្រកាន់ ដោយគ្មានមូលដ្ឋាន និងគ្មានការស៊ើបអង្កេតមកលើកម្ពុជា និងអំពាវនាវដល់គ្រប់ភាគីពាក់ព័ន្ធ ចៀសវាងការសន្និដ្ឋាន ឬការចោទ ប្រកាន់ណាមួយ ដោយមិនទាន់ដឹងអំពីការពិត ជំរុញឱ្យមានកិច្ចសហប្រតិបត្តិការ ក្នុងការស៊ើបអង្កេត លើឧប្បត្តិហេតុនេះ ហើយរក្សាឱ្យបាននូវស្មារតីមិត្តភាព សុវត្ថិភាព និងមិនចោទប្រកាន់គ្នាទៅវិញទៅមក ព្រោះថាសត្រូវពិតប្រាកដរបស់ប្រទេសទាំងអស់គ្នា គឺគ្រាប់មីន៕