សន្តិសុខសង្គម

សមត្ថកិច្ចរកឃើញទីតាំងកែច្នៃគ្រឿងញៀនបន្ទាប់ពីចុះពិនិត្យ Online Scam នៅបាវិត

បានផុស

២២ វិនាទី មុន

នៅ

ថ្ងៃសៅរ៍ ១៩ កក្កដា ២០២៥

ដោយ

កម្លាំងចម្រុះខេត្តស្វាយរៀងបានឃាត់ខ្លួនមនុស្សមួយចំនួនពាក់ព័ន្ធនឹងការកែច្នៃ ជួញដូរ និងប្រើប្រាស់គ្រឿងញៀនក្រោយបានចុះពិនិត្យទីតាំងសង្ស័យប្រពឹត្តិបទល្មើស Online Scam ចំនួន០២ទីតាំងនៅក្រុងបាវិត នារសៀលថ្ងៃទី១៨ខែកក្កដា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះពិនិត្យនោះធ្វើឡើងនៅទីតាំងចំនួន ០២ ដែលទីតាំងទី១ នៅសណ្ឋាគារ៤រដូវ និងទីតាំងទី២ អគារម៉ារីណា ស្ថិតនៅភូមិបាវិតកណ្តាល សង្កាត់បាវិត ក្រុងបាវិត។ នៅក្នុងប្រតិបត្តិការនោះ បានរកឃើញជនបរទេសកំពុងរស់នៅសរុបជិត២០០នាក់ ក្នុងនោះជនជាតិចិនមានចំនួន៩០នាក់ ស្រ្តី២៧នាក់, ជនជាតិវៀតណាម ៣៥នាក់ ស្រ្តី៤២នាក់, ជនជាតិមីយ៉ាន់ម៉ា១៥នាក់ ស្ត្រី១៣នាក់, ឡាវចំនួន០១នាក់ស្ត្រី។

ក្រោយចុះពិនិត្យសមត្ថកិច្ចបានរកឃើញថាមានការលួចលាក់កែច្នៃ ជួញដូរ ប្រើប្រាស់និងរក្សាទុកគ្រឿងញៀន ដែលជាអំពើខុសច្បាប់។

បច្ចុប្បន្នវត្ថុតាង និងអ្នកពាក់ព័ន្ធទាំងអស់ត្រូវបានបញ្ជូនទៅអធិការដ្ឋាននគរបាលក្រុងបាវិត ដើម្បីបន្តអនុវត្តនីតិវិធីផ្លូវច្បាប់៕