ព័ត៌មានជាតិ
សំណុំរឿងបាត់ប្រេងជិត ៣០ ម៉ឺនបារ៉ែល បិទបញ្ចប់ដោយលក់ប្រេងបានប្រាក់ ២៥ លានដុល្លារ កម្ពុជាបានជាងពាក់កណ្ដាល
លោក កែវ រតនៈ រដ្ឋមន្រ្តីក្រសួងរ៉ែ និងថាមពលបានឱ្យដឹងនៅថ្ងៃទី ២១ ខែវិច្ឆិកា ឆ្នាំ ២០២៣ នេះថា សំណុំរឿងបាត់ប្រេងចំនួន ២៨ ម៉ឺនបារ៉ែល ដែលក្រុមហ៊ុនសាំងហ្គាពួលួចដឹកចេញពីកម្ពុជានាពេលកន្លងមកត្រូវបានបញ្ចប់ការដោះស្រាយដោយលក់បាននូវទឹកប្រាក់ ២៥ លានដុល្លារ ហើយកម្ពុជាទទួលបានទឹកប្រាក់ជាងពាក់កណ្ដាលប្រមាណជាង ១៤ លានដុល្លារ។
![](https://www.kampucheathmey.com/wp-content/uploads/2023/11/MT-Strovolos.2e16d0ba.fill-960x540-1.jpg)
ក្រុមហ៊ុន គ្រីសអេនើជី (KrisEnergy) ដែលមានទីតាំងនៅប្រទេសសិង្ហបុរី ទទួលបានសិទ្ធិរុករក និងបូមប្រេងឆៅពីកម្ពុជាជួបបញ្ហាក្ស័យធន ហើយបានជួលនាវា MT Strovolos លួចដឹកប្រេងពីម្ពុជា កាលពីថ្ងៃទី១៩ ខែមិថុនា ឆ្នាំ២០២១ ដោយបាននាំយកទៅជាមួយនូវប្រេងឆៅរបស់កម្ពុជាចំនួន ២៨ ម៉ឺនបារ៉ែល។
នៅអំឡុងចុងខែកក្កដា ឆ្នាំនោះ នាវា និងនាវឹកជាច្រើននាក់ ត្រូវបានអាជ្ញាធរឥណ្ឌូនេស៊ីឃាត់ខ្លួន បន្ទាប់ពីចូលចតនៅដែនសមុទ្ររបស់ឥណ្ឌូនេស៊ី ដោយគ្មានការអនុញ្ញាត។
![](https://www.kampucheathmey.com/wp-content/uploads/2023/11/tanker-2.jpg)
លោក កែវ រតនៈបញ្ជាក់នៅក្នុងវេទិកា ពិភាក្សា គោលនយោបាយរ៉ែ និងថាមពលនៅនៅព្រឹកថ្ងៃអង្គារ៍ទី ២១ វិច្ឆិកានេះថា ការវិនិយោគរបស់ក្រុមហ៊ុន គ្រីសអេនើជី មិនជោគជ័យទៅតាមផែនការ។ ដោយសារក្រុមហ៊ុនក្ស័យធន ហើយក៏បោះបង់ការបូបប្រេងឆៅនៅប្លុក A។
លោកបញ្ជាក់ថា ការដោះស្រាយជាមួយក្រុមហ៊ុន កប៉ាល់ដឹកប្រេងដែលចាប់បានដោះស្រាយចែកគ្នាទៅលក់ប្រេងបានប្រាក់ ២៥ លានដុល្លារ ចែកជាងពាក់កណ្ដាលមកកម្ពុជា បានជាង ១៤ ម៉ឺនដុល្លារ។
លោក កែវ រតនៈ បញ្ជាក់ថា បច្ចុប្បន្ន កម្ពុជាបើកចំហ និងកំពុងស្វែងរកក្រុមហ៊ុនវិនិយោគពីបរទេស ដើម្បីចុះកិច្ចព្រមព្រៀងពិនិត្យលទ្ធភាពលើការបូមប្រេងបន្ថែមទៀតនៅក្នុងប្លុក A និងប្លុកផ្សេងៗទៀត៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់