ព័ត៌មានអន្ដរជាតិ

ឥណ្ឌូណេស៊ីកំណត់គោលដៅចម្រាញ់ប្រេង ១ លានបារ៉ែល/ថ្ងៃ

បានផុស

១ year មុន

នៅ

ថ្ងៃព្រហស្បតិ៍ ១៣ មីនា ២០២៥

ដោយ

រដ្ឋាភិបាលឥណ្ឌូណេស៊ីបានប្តេជ្ញាបង្កើនផលិតកម្មប្រេងឆៅ និងឧស្ម័នក្នុងស្រុក និងសាងសង់រោងចក្រចម្រាញ់ប្រេង ដែលមានសមត្ថភាពទាញយកប្រេងចម្រាញ់ ១ លានបារ៉ែល/ថ្ងៃ ចំពេលមាននិន្នាការធ្លាក់ចុះនៃផលិតកម្មប្រេង និងឧស្ម័ននារយៈពេលប៉ុន្មានឆ្នាំថ្មីៗនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋ Antara។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុរដ្ឋមន្ត្រីក្រសួងថាមពល និងធនធានរ៉ែឥណ្ឌូណេស៊ី លោក Yuliot Tanjung បានថ្លែងឱ្យដឹងកាលពីថ្ងៃពុធថា៖ «យើងកំពុងព្យាយាមបង្កើនផលិតកម្មក្នុងស្រុក ដោយការពន្លឿនការរុករក»។

លោកបានបន្ថែមថា តាមរយៈការបង្កើនការទាញយកប្រេង និងឧស្ម័ន រដ្ឋាភិបាលឥណ្ឌូណេស៊ីមានគោលបំណងទប់ស្កាត់កំណើននៃការនាំចូលប្រេងឆៅពីបរទេស ដោយសារតែការរីកចម្រើននៃសមត្ថភាពចម្រាញ់ក្នុងស្រុក។

មុនការឱ្យដឹងរបស់លោក Yuliot រដ្ឋមន្ត្រីថាមពល និងធនធានរ៉ែ លោក Bahlil Lahadalia បានប្រកាសពីផែនការរបស់រដ្ឋាភិបាលក្នុងការសាងសង់រោងចក្រចម្រាញ់ប្រេង ដែលមានសមត្ថភាពទាញយកប្រេងចម្រាញ់ ១ លានបារ៉ែល/ថ្ងៃ ពោលគឺកើនឡើងពីគោលដៅចាស់ ៥០ ម៉ឺនបារ៉ែល/ថ្ងៃ។

រោងចក្រចម្រាញ់ប្រេង នឹងត្រូវបានសាងសង់ឡើងនៅក្នុងតំបន់ជាច្រើន រួមមានកោះស៊ូម៉ាត្រា កាលីម៉ាន់តាន់ ជ្វា ស៊ូឡាវ៉េស៊ី និងម៉ាលូគុ-ប៉ាពួ ដើម្បីធានាបាននូវការចែកចាយប្រេងស្មើៗគ្នា៕