ព័ត៌មានអន្ដរជាតិ

តម្លៃប្រេងអន្តរជាតិធ្លាក់ចុះ ជុំវិញគម្រោងបង្កើនផលិតកម្មប្រេងអាមេរិក របស់ ត្រាំ

បានផុស

១ year មុន

នៅ

ថ្ងៃពុធ ២២ មករា ២០២៥

ដោយ

តម្លៃប្រេងអន្តរជាតិបានធ្លាក់ចុះនៅពេលបញ្ចប់ការជួញដូរកាលពីថ្ងៃអង្គារ បន្ទាប់ពីប្រធានាធិបតីសហរដ្ឋអាមេរិកថ្មី លោក ដូណាល់ ត្រាំ បានប្រកាស «អាសន្នថាមពលជាតិ» ដើម្បីបង្កើនផលិតកម្មប្រេងក្នុងស្រុក ដែលបង្កក្ដីបារម្ភពីការផ្គត់ផ្គង់លើសតម្រូវលើទីផ្សារអាមេរិកឆ្នាំនេះ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានធ្លាក់ចុះ ៨៦ សេន ឬ ១,១ ភាគរយ ដោយបញ្ចប់ការជួញដូរនៅតម្លៃ ៧៩,២៩ ដុល្លារ/បារ៉ែល។ ចំណែកឯតម្លៃប្រេងឆៅអាមេរិក ម៉ាក West Texas Intermediate (WTI) បានធ្លាក់ចុះ ១,៩៩ ដុល្លារ ឬ ២,៦ ភាគរយ ដោយបញ្ចប់ការជួញដូរនៅ ៧៥,៨៩ ដុល្លារ/បារ៉ែល។

អ្នកវិភាគលើកឡើងប្រាប់រ៉យទ័រថា មិនមានកង្វះខាតនៃការផ្គត់ផ្គង់ប្រេងទេ ដោយលើកឡើងពីកម្រិតខ្ពស់នៃផលិតកម្មប្រេងនៅអាមេរិក ខណៈអង្គការនៃប្រទេសនាំចេញប្រេងកាត និងសម្ព័ន្ធមិត្ត (OPEC+) បន្តកាត់បន្ថយផលិតកម្មរបស់ខ្លួន ដើម្បីរក្សាតម្លៃប្រេងឱ្យនៅខ្ពស់។

ខណៈ ត្រាំ ជំរុញការបង្កើនផលិតកម្មក្នុងស្រុក គេរំពឹងថា ទីផ្សារប្រេងនឹងជួបនូវការផ្គត់ផ្គង់លើសតម្រូវការក្នុងឆ្នាំនេះ ដោយសារតែកម្សោយនៃសកម្មភាពសេដ្ឋកិច្ច និងកិច្ចខិតខំប្រឹងប្រែងផ្លាស់ប្តូរថាមពលបៃតង ដែលដាក់សម្ពាធលើតម្រូវការក្នុងប្រទេសធំៗរួមមាន សហរដ្ឋអាមេរិក និងចិន។

ជាមួយគ្នានោះផងដែរ រដ្ឋបាលព័ត៌មានថាមពលរបស់សហរដ្ឋអាមេរិក (EIA) បានរំឭកឡើងវិញកាលពីថ្ងៃអង្គារថា តម្លៃប្រេងអាចនឹងធ្លាក់ចុះទាំងនៅឆ្នាំនេះ និងឆ្នាំក្រោយ។ អ្នកសេដ្ឋកិច្ច EIA បានសរសេរថា៖ «កំណើនសេដ្ឋកិច្ចពិភពលោកដ៏រឹងមាំនៅក្នុងការផលិតប្រេង និងវត្ថុរាវផ្សេងទៀត និងកំណើនតម្រូវការយឺតៗ ធ្វើឱ្យតម្លៃធ្លាក់ចុះ»៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា