ព័ត៌មានជាតិ
កសិករក្នុងភូមិរអាង ខេត្តកំពង់ចាម ចាប់ផ្ដើមប្រមូលផលប៉ិកួៈជាង ៨០ តោន ចែកចាយទីផ្សារក្នុងស្រុក
កសិករក្នុងឃុំរអាង ស្រុកកំពង់សៀម ខេត្តកំពង់ចាម បានចាប់ផ្ដើមប្រមូលផលប៉ិកួៈ ដែលមានផ្ទៃដីជាង ២០ ហិកតា នៅដើមឆ្នាំ ២០២៤នេះ។ ទិន្នផលប៉ិកួៈ ទទួលបានប្រមាណ ៤ តោន ក្នុងមួយហិកតា ដែលកសិករអាចលក់បានតម្លៃ ៧០០ រៀល ក្នុងមួយគីឡូក្រាម ទាបជាងឆ្នាំមុន ៣០០ រៀល។
![](https://www.kampucheathmey.com/wp-content/uploads/2024/01/photo_2024-01-20_09-08-12-1024x498.jpg)
លោក នួន ពេជ្រ អាយុ ៦១ ឆ្នាំ ជាកសិករដាំប៉ិកួៈ បានរៀបរាប់ឲ្យដឹងថា លោកដាំប៉ិកួៈតែកន្លះហិកតា ប្រើពូជអស់ ២០ គីឡូក្រាម អាចប្រមូលផលមកវិញជាង ២ តោន។ ប៉ិកួៈងាយដាំ តែតម្រូវឲ្យកសិករឧស្សាហ៍ព្យាយាម មានពេលវាចាំថែសម្អាតស្មៅ ស្រោចទឹក បាញ់ថ្នាំសម្លាប់សត្វល្អិត ពូនរង កាត់ត្រូយ កាត់ផ្កា ទើបវាឲ្យផលល្អ។
បច្ចេកទេសកាត់ត្រូយ កាត់ផ្កា សំខាន់បំផុត គឺជួយឲ្យប៉ិកួៈមានមើមធំល្អ ខណៈប៉ិកួៈប្រើពេលដាំ ៣ ខែ និង១០ថ្ងៃ កសិករអាចប្រមូលផលបានហើយ បើយើងចង់ប្រមូលផលជាបន្តបន្ទាប់ យើងដាំឆ្លាស់ពេលខុសៗគ្នាទៅ នោះកសិករមានប៉ិគក់លក់រហូតដល់ខែមេសាទើបអស់។
![](https://www.kampucheathmey.com/wp-content/uploads/2024/01/photo_2024-01-20_09-08-12-3-1024x498.jpg)
វាមានទីផ្សារ ងាយលក់ មានឈ្មួញចុះទិញដល់ទីចម្ការ ពិសេសគេដឹកទៅលក់នៅភ្នំពេញតែម្តង។ ប៉ិកួៈមានសារៈប្រយោជន៍ដល់មនុស្ស សត្វ អាចហូបលេង ធ្វើជាស្នូលនំប៉ាវ នំក្រូចស្នូលប្រៃ ឆ្នៃតាមចិត្តចង់ ពិសេសទៀតគេទិញឲ្យសត្វស្វាស៉ីជាអាហារទៀតផងដែរ។
លោក ម៉ន រ៉េត មេឃុំរអាង បានបញ្ជាក់ឲ្យដឹងថា ក្នុងឃុំមានចំនួន២ភូមិដែលដាំប៉ិកួៈ គឺភូមិរមូលដាំជាង៤ហិកតា និងភូមិរអាងក្រោមដាំជិត ២០ ហិកតា សរុបផ្ទៃដីអាចជាង២០ហិកតា។ យើងពិនិត្យជាក់ស្តែង ឃើញកសិករគាត់ដាំដំណាំ៤ប្រភេទរួមមាន មានប៉ិកួៈ សណ្តែកដី ពោត និងល្ង វិលជុំរាល់ឆ្នាំ ព្រោះផលដំណាំនេះ មានទីផ្សារច្បាស់លាស់ កសិកររីករាយនិងបន្តផលិតទិន្នផលនេះ ប្រកបដោយគុណភាព និងគ្មានគីមី សម្រាប់សុខភាពយើងទាំងអស់គ្នា។
![](https://www.kampucheathmey.com/wp-content/uploads/2024/01/photo_2024-01-20_09-08-12-2-1024x498.jpg)
កសិករពេញនិយមកសិកម្មនេះ ព្រោះវាបានញាំងឲ្យមានសុវត្ថិភាពសេដ្ឋកិច្ចគ្រួសារយ៉ាងប្រសើរ ក្នុងឃុំមិនសូវមានពលរដ្ឋធ្វើចំណាកស្រុកនោះទេ៕
![](https://www.kampucheathmey.com/wp-content/uploads/2024/01/photo_2024-01-20_09-08-11-1024x498.jpg)
អត្ថបទ៖ សាន វិឡែម
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ