ព័ត៌មានជាតិ
អ្នកបង់ថ្លៃសំរាមយឺតយ៉ាវ នឹងទទួលពិន័យតាមច្បាប់ ចាប់ពីខែមករា ឆ្នាំ២០២៤
ចាប់ពីខែមករា ឆ្នាំ២០២៤ នេះតទៅ សហគ្រាសគ្រប់គ្រងសំរាម សំណល់រឹងទីប្រជុំជន រាជធានីភ្នំពេញ នឹងចាប់ផ្ដើមដំណើរការប្រតិបត្តិការការងាររបស់ខ្លួនពេញលេញ។ ដូច្នេះបើអតិថិជន បង់ថ្លៃសេវាប្រមូលសំរាម មិនបានទៀងទាត់ ឬក្រោយថ្ងៃទី១៥ នៃខែបន្ទាប់ សហគ្រាសនឹងពិន័យទៅតាមច្បាប់ និងលិខិតបទដ្ឋានគតិយុត្តិជាធរមាន។
តាមសេចក្តីជូនដំណឹងរបស់ សហគ្រាសគ្រប់គ្រងសំរាម សំណល់រឹងទីប្រជុំជន រាជធានីភ្នំពេញ (ស.ស.ភ.) បានឱ្យដឹងថា ចាប់ពីខែមករា ឆ្នាំ២០២៤ តទៅ សហគ្រាសនឹងចាប់ផ្ដើមដំណើរការប្រតិបត្តិការការងាររបស់ខ្លួនពេញលេញ។ អាស្រ័យហេតុនេះ សូមអតិថិជនទាំងអស់ចូលរួមបង់ថ្លៃសេវាប្រមូលសំរាមមកសហគ្រាសគ្រប់គ្រងសំរាម សំណល់រឹងទីប្រជុំជន រាជធានីភ្នំពេញ ឱ្យបានទៀងទាត់ និងទាន់ពេលវេលា មុនថ្ងៃទី១៥ នៃខែបន្ទាប់។ ក្រោយរយៈពេលនេះ សហគ្រាសនឹងចាប់ផ្តើមធ្វើការផាកពិន័យចំពោះអ្នកបង់យឺតទៅតាមច្បាប់ និងលិខិតបទដ្ឋានគតិយុត្តិជាធរមាន។ ដោយឡែក ចំពោះកម្រៃសេវា គឺអនុវត្តទៅតាមតារាងកម្រៃសេវា (ថ្មី) នៃសេចក្តីជូនដំណឹង លេខ០៩០/២១ សជណ.ស ចុះថ្ងៃទី២២ ខែតុលា ឆ្នាំ២០២១ ដដែល។
ចំពោះនីតិវិធី នៃការបង់ថ្លៃសេវាប្រមូលសំរាម គឺប្រជាពលរដ្ឋទាំងអស់អាចបង់ ១ខែម្តង ឬបង់ទុកមុន (Pre-Payment) ១ឆ្នាំម្ដង តាមមធ្យោបាយប្រព័ន្ធទូទាត់អេឡិចត្រូនិក (តាមទូរស័ព្ទដៃ) ឬបញ្ជរទូទាត់នៅធនាគារអេស៊ីលីដា, ហត្ថា, កាណាឌីយ៉ា ក.អ, វឌ្ឍនៈ, ស្ថាបនា, ប្រៃសណីយ៍កម្ពុជា ក.អ, ABA, WING, AMK, FTB, Woori Bank, Prince Bank, Phillip Bank, BIC Bank, BRED Bank, MAYBank, PPCBank, LOLC, Shinhan Bank, Campu Bank, CHIP MONG, ប្រាសាក់, អម្រឹត, មហានគរ ម.ក ឬតាមភ្នាក់ងារទូទាត់ផ្សេងៗទៀត ដូចជា eMONEY, TrueMONEY, CoolCash, Tang Kung Pay, CPAY, Dara Pay, លីហួរវេរលុយ និង PiPay។
សូមមើលពាក្យបង់ប្រាក់ ទឹក ភ្លើង និងសំរាម រួចជ្រើសយកឈ្មោះ “សហគ្រាសគ្រប់គ្រងសំរាម សំណល់រឹង ទីប្រជុំជន រាជធានីភ្នំពេញ (ស.ស.ភ.)” ឬ “ENTERPRISE FOR MANAGING MUNICIPAL SOLID WASTE IN PHNOM PENH (EWP)” បន្ទាប់មកបញ្ចូល លេខសំគាល់អតិថិជន ID ដែលមាននៅក្នុងវិក្កយបត្រអគ្គិសនី និងទឹកប្រាក់ ត្រូវបង់ រួចបញ្ជូនជាការស្រេច៕
អត្ថបទ៖ ស្រីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ