ព័ត៌មានជាតិ
រោងចក្រកែច្នៃដំឡូងមី នៅឧត្តរមានជ័យប្រកាស បើកដំណើរការផ្លូវការនៅថ្ងៃទី ២១ ខែកុម្ភៈនេះ
រោងចក្រកែច្នៃដំឡូងមីដែលជាក្រុមហ៊ុនវិនិយោគមកពីប្រទេសថៃ តម្លៃជាង ១០ លានដុល្លារ ស្ថិតនៅភូមិអូរស្រម៉ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យនឹងបើកដំណើរការផ្លូវការ នៅថ្ងៃទី ២១ ខែកុម្ភៈ ឆ្នាំ ២០២៤ នេះ បន្ទាប់ពីដំណើរការសាកល្បងកន្លងមក។ នេះបើតាមការប្រកាសរបស់ក្រុមហ៊ុនរោងចក្រ ធីដាប់ប៊លយូភីស៊ី អ៊ីនវេសមិន។
![](https://www.kampucheathmey.com/wp-content/uploads/2024/02/422410878_895054599296169_8894298060579919584_n.jpg)
រោងចក្រកែច្នៃដំឡូងមី ធីដាប់ប៊លយូភីស៊ី អ៊ីនវេសមិន (ខេមបូឌា) ឯ.ក មានសមត្ថភាពទទួលទិញដំឡូងមីស្រស់ពីកសិករប្រមាណ ៦០០ តោនក្នុងមួយថ្ងៃ។
លោក អិល ឈិញ ប្រធានសមាគមដំឡូងមីខ្មែរ មានប្រសាសន៍ប្រាប់កម្ពុជាថ្មី កាលពីពេលថ្មីៗនេះថា វត្តមានរោងចក្រផលិតម្សៅដំឡូងមី នៅខេត្ដឧត្ដរមានជ័យនេះ នឹងជួយបង្កើនតម្លៃដំឡូងមីស្រស់របស់កសិករនៅតំបន់ជុំវិញរោងចក្រ ខណៈក្រុមហ៊ុនទទួលទិញដំឡូងមីនៅពេលដែលកសិករប្រមូលផលក្នុងតម្លៃទីផ្សារ។
![](https://www.kampucheathmey.com/wp-content/uploads/2024/02/422396554_895054562629506_2618104655920841645_n.jpg)
បច្ចុប្បន្ន មានរោងចក្រដំឡូងមីចំនួន ២ ដែលទទួលទិញដំឡូងមីពីករសិករ ក្រៅពីនោះ អ្នកវិនិយោគបង្កើតរោងចក្រ និងដាំដោយខ្លួនឯង។ លោក អិល ឈិញ បញ្ជាក់ថា រោងចក្រដែលទទួលទិញពីកសិករគឺនៅខេត្តរតនគិរី និងខេត្តឧត្តរមានជ័យដែលជារោងចក្រថ្មីនេះ។
តម្លៃដំឡូងមីស្រស់នៅខេត្តឧត្តរមានជ័យជាមធ្យមទទួលបាន ៣៥០ រៀល ក្នុងមួយគីឡូ ដែលកសិករអះអាងថា ជាតម្លៃល្អនៅដើមឆ្នាំនេះ។
![](https://www.kampucheathmey.com/wp-content/uploads/2024/02/422949729_895054639296165_8261367865642883978_n.jpg)
បើយោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា នៅឆ្នាំ២០២៣ កម្ពុជានាំចេញដំឡូងមីស្រស់ ដំឡូមីក្រៀម និងម្សៅដំឡូងមី សរុបជាង៣លានតោន។
ក្នុងនោះនាំចេញដំឡូងមីស្រស់ជិត ២ លានតោន (១ ៩៦១ ៣៧៥) កើនឡើង ២៦ ភាគរយ, ចំណិតដំឡូងមីក្រៀមមានចំនួនជាង ១ លានតោន (១ ២៨៩ ៧៣៩.០៤) ធ្លាក់ចុះ ៣៧.៦៤% និងម្សៅដំឡូងមីមានចំនួន ៣៦ ២៥៦.៨០តោន ធ្លាក់ចុះ៤៥.៣៩%៕
![](https://www.kampucheathmey.com/wp-content/uploads/2024/02/photo_2024-01-15_17-02-24-1024x768.jpg)
![](https://www.kampucheathmey.com/wp-content/uploads/2024/02/422419034_895054722629490_3700748181402519686_n.jpg)
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី