ព័ត៌មានជាតិ
អាជ្ញាធរចុះរុះរើបែចិញ្ចឹមត្រី ក្នុងស្ទឹងសង្កែ ដើម្បីថែរក្សាអនាម័យបរិស្ថាន និងសម្អាតប្រភពទឹក
បន្ទាប់ពីមន្ទីរពាក់ព័ន្ធបានប្រកាសឱសានុវាទ និងដោយអនុវត្តតាមការណែនាំរបស់លោក សុខ លូ អភិបាល នៃគណៈអភិបាលខេត្តបាត់ដំបងរួចមកនៅព្រឹកថ្ងៃ ១៣ ខែកុម្ភៈ ឆ្នាំ២០២៤ លោក នាង ច័ន្ទថារ៉ា អភិបាលស្រុកសង្កែ បានដឹកនាំក្រុមការងារចុះពិនិត្យការរុះរើបែចិញ្ចឹមត្រី នៅតាមបណ្តោយដងស្ទឹងសង្កែ ពិសេសនៅឃុំវត្តតាមិម ឱ្យរុះរើចេញ ដើម្បីថែរក្សាអនាម័យបរិស្ថាន និងសម្អាតប្រភពទឹកនៅផ្នែកខាងលើស្ថានីយបូមទឹកឆៅផលិតទឹកស្អាត។
បើតាមការបញ្ជាក់របស់លោក នាង ចន្ទថារ៉ា អភិបាលស្រុកសង្កែបានអះអាងថា សម្រាប់បែចិញ្ចឹមត្រីក្នុងភូមិសាស្រ្ដស្រុកសង្កែមានចំនួន៤៤បែ ហើយម្ចាស់បែចិញ្ចឹមត្រីទាំងនោះបានសហការបញ្ឈប់ការចិញ្ចឹម និងរុះរើបែរចេញជាបន្តបន្ទាប់ ក្នុងនោះដែរប្រជាពលរដ្ឋដែលជាម្ចាស់បែចិញ្ចឹមត្រីបានបង្ហាញការតាំងចិត្តជាមួយអាជ្ញាធរស្រុក ក្នុងការអនុវត្តតាមការណែនាំ ដោយពួកគាត់នឹងរុះរើបែចិញ្ចឹមត្រីទាំងអស់ចេញពីស្ទឹងសង្កែ។
ជាលទ្ធផលបែត្រីទាំងអស់នៅចំណុចខាងលើនេះត្រូវបានធ្វើការរុះរើរួចរាល់ជាស្ថាពរ ដោយឡែកសម្រាប់ត្រីចំនួន៥គ្រួសារ ដែលត្រូវបានរុះរើត្រើងត្រីរួច តែមិនទាន់បានលក់អស់ បានយកត្រីទៅដាក់ក្នុងស្បៃប្រស់ ក្នុងស្ទឹងសង្កែ ដែលនៅសល់ប្រមាណ ៤,៥ តោន ហើយត្រីដែលនៅសេសសល់នោះដែរ ក្រុមការងារនឹងបន្តតាមដានរហូតដល់លក់អស់។
ជាដំណោះស្រាយចំពោះមុខ បន្ទាប់ពីប្រជាពលរដ្ឋដែលជាម្ចាស់បែចិញ្ចឹមត្រីបានយល់ព្រមរុះរើបញ្ឈប់ការចិញ្ចឹមត្រីនៅក្នុងស្ទឹងសង្កែ អាជ្ញាធរស្រុកសង្កែកំពុងខិតខំជួយរកទីតាំងចិញ្ចឹមនៅលើគោកព្រមទាំងផ្ដល់ជំនួយបច្ចេកទេសនៃការចិញ្ចឹមថែមទៀតផង៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ