ព័ត៌មានជាតិ

ជម្លោះដីធ្លីនៅខេត្តព្រះវិហារ ក្រសួងយុត្តិធម៌បានបញ្ជូនមន្ត្រីជាន់ខ្ពស់ធ្វើអធិការកិច្ច

បានផុស

១ year មុន

នៅ

ថ្ងៃសៅរ៍ ៩ មីនា ២០២៤

ដោយ

ក្រោយពីមានវិវាទដីធ្លីនៅខេត្តព្រះវិហារ លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានចាត់តាំងលោក អ៊ូ រ៉ាស៊ី រដ្ឋលេខាធិការក្រសួងយុត្តិធម៌ ដឹកនាំក្រុមអធិការកិច្ចពិសេសដែលមាន លោក ទឹម ស៊ីផា អនុរដ្ឋលេខាធិការ, លោកបណ្ឌិត ធិន វុត្ថា នាយករងខុទ្ទកាល័យឧបនាយករដ្ឋមន្ត្រី និងលោក ប៊ុន ច័ន្ទកុម្ភៈ ចុះអធិការកិច្ច ពិនិត្យនិងស្រាវជ្រាវស្វែងរកការពិតកាលពីថ្ងៃទី៨ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាលទ្ធផលនៃការចុះធ្វើអធិការកិច្ចក្នុងសំណុំរឿងនេះ ក្រុមការងារអធិការកិច្ចពិសេស បានទទួលលទ្ធផលជាទីគាប់ប្រសើរ ដោយបានដោះស្រាយបញ្ចប់នូវវិវាទបានយ៉ាងឆាប់រហ័ស និងមានការសាទរយ៉ាងកក់ក្តៅ និងពេញចិត្តពីប្រជាពលរដ្ឋ។

គួរបញ្ជាក់ផងដែរថា ចំពោះករណីជម្លោះដីធ្លីនៅខេត្តព្រះវិហារនេះ ក្រុមការងារអធិការកិច្ចដែលដឹកនាំដោយលោក អ៊ូ រ៉ាស៊ី ធ្លាប់បានចុះធ្វើអធិការកិច្ច និងបានសម្របសម្រួលដោយជោគជ័យជូនប្រជាពលរដ្ឋទាំង ១៣ គ្រួសារនេះម្តងរួចមកហើយ ក្នុងសំណុំរឿងផ្សេងមួយទៀត ដែលត្រូវបានដោះស្រាយបញ្ចប់នៅសាលាឧទ្ធរណ៍ត្បូងឃ្មុំ៕