Connect with us

ព័ត៌មានជាតិ

​ពាណិជ្ជកម្មកម្ពុជា-អន្តរជាតិ ​មានទំហំទឹកប្រាក់ជាង ៨ ពាន់លានដុល្លារ កើនឡើងជិត ២០ ភាគរយ​

បានផុស

នៅ

ទំហំពាណិជ្ជកម្មកម្ពុជា-អន្តរជាតិសម្រេចបានទឹកប្រាក់ជាង ៨ ពាន់លានដុល្លារ​នៅក្នុងរយៈពេល ២ ខែដើមឆ្នាំ ២០២៤ កើនឡើងជិត ២០ ភាគរយ បើធៀបរយៈពេលដូចគ្នា ឆ្នាំ ២០២៣ ខណៈការ​នាំចេញទំនិញ​របស់កម្ពុជាបានទឹកប្រាក់ជិត ៤ ពាន់លានដុល្លារ (៣.៩៨៥.៤៨២)កើន ២២ ភាគរយ។ នេះបើយោងតាមទិន្នន័យពីអគ្គនាយកដ្ឋាន​គយ និង​រដ្ឋាករកម្ពុជាចេញផ្សាយនៅថ្ងៃទី ១១ ខែមីនា ឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​របាយការណ៍ដដែលបង្ហាញថា ចាប់ពីខែមករា ដល់ខែកុម្ភៈ ឆ្នាំ ២០២៤ ការនាំចេញ នាំចូល​ទំនិញ​របស់​កម្ពុជា-អន្តរជាតិ គិតជាទឹកប្រាក់ជាង ៨,១២ ពាន់លានដុល្លារ កើនឡើង ១៩,២ ភាគរយ បើធៀប​រយៈពេលដូចគ្នា ឆ្នាំ ២០២៣។

​លោក ឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានឱ្យដឹងថា ​កំណើននៃការផលិត ​របស់រោងចក្រសហគ្រាស ​មានភាពល្អប្រសើ​ ដែលធ្វើឱ្យការផលិតទំនិញមានការកើនឡើង ​ទាំង​ផលិត​ផលកសិកម្ម ​និងវាយភណ្ឌកាត់ដេរ កាបូប ស្បែកជើង គ្រឿងបរិក្ខាអគ្គិសនីជាដើម។

លោក លឹម ហេង បញ្ជាក់ថា ​សេដ្ឋកិច្ចនៅឆ្នាំ ២០២៤ នឹងមានភាពល្អប្រសើជាងឆ្នាំមុន ដោយសារវិស័យ​ពាណិជ្ជកម្ម ទេសចរណ៍ និងកសិកម្ម និងឧស្សាហកម្មមានភាពល្អប្រសើរ។

​អ្នកវិភាគសេដ្ឋកិច្ចលោក ចាន់ សុផល យល់ឃើញថា ​វិស័យទេសចរណ៍ ​និងកសិកម្ម​មានការ​កើន​ឡើង ​គួរឱ្យកត់ស្គាល់នៅឆ្នាំ ២០២៤ ​ខណៈពលរដ្ឋក៏ខិតខំបង្កើន​ផលិតកម្ម​ស្រូវកាន់តែច្រើន។ ​

​លោកថា ការនាំចេញទំនិញរបស់កម្ពុជាសម្រាប់បំពេញតម្រូវការទៅប្រទេសផ្សេងៗនៅពិភពលោក ​ដូច្នេះការកើនឡើងក៏អាស្រ័យលើស្ថានភាពសេដ្ឋកិច្ចនៅលើពិភពលោកផងដែរ ខណៈលោកអះ​អាងថា ស្ថានភាពសេដ្ឋកិច្ចនឹងរើបឡើងវិញក្នុងកម្រិត១ មិនទាន់ខ្ពស់នោះទេ ដោយសារតែសង្គ្រាម​នៅអូសបន្លាយ ​នយោបារូបិយវត្ថុអាមេរិកនៅតឹងតែង មិនបញ្ចេញលុយទៅលើទីផ្សារច្រើន និងអត្រាការប្រាក់ខ្ពស់ ដូច្នេះបរិយាកាសជំរុញការវិនយោគខ្ពស់មិនទាន់កើតឡើងនៅឆ្នាំនេះទេ។ ប៉ុន្តែទោះយ៉ាងណាក៏ប្រសើរជាងឆ្នាំកន្លងទៅ។​

ទំនិញសំខាន់ៗ ដែលកម្ពុជា នាំចេញរួមមាន៖ សម្លៀកបំពាក់ ស្រូវ អង្ករ ស្វាយចន្ទី កៅស៊ូ កង់ ម៉ាស៊ីន និងឧបករណ៍អគ្គិសនី គុជខ្យងធម្មជាតិ ឬចិញ្ចឹម ត្បូងថ្ម ស្បែកជើង ស្រោមជើង និងទំនិញផ្សេងៗដទៃទៀត៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group
ព័ត៌មានជាតិ៤៣ នាទីutes មុន

អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ

ព័ត៌មានអន្ដរជាតិ៤៩ នាទីutes មុន

ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?

ព័ត៌មានជាតិ១ ម៉ោង មុន

ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ

ព័ត៌មានជាតិ១ ម៉ោង មុន

ក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀមប្រគេនទៀនព្រះវស្សា និងទេយ្យទាន ព្រះសង្ឃគង់នៅវត្តហាន់ជ័យ

សន្តិសុខសង្គម២ ម៉ោង មុន

នគរបាលខណ្ឌពោធិ៍សែនជ័យ មិនទាន់បង្ក្រាបក្រុមក្មេងទំនើងបង្ហោះម៉ូតូក្នុងភូមិទួលពង្រ ខណៈកំពុងអុកឡុកស្ទើររាល់យប់

Sokha Hotels

ព័ត៌មានពេញនិយម