ព័ត៌មានជាតិ

សមត្ថកិច្ចបញ្ជូនខ្លួន ឧកញ៉ា ឡេង ចាន់ណា និងបក្ខពួក ២ នាក់ទៅតុលាការនៅព្រឹកនេះ

បានផុស

៧ ថ្ងៃ មុន

នៅ

ថ្ងៃពុធ ១៣ មីនា ២០២៤

ដោយ

ប្រភពព័ត៌មានពីសមត្ថកិច្ចខេត្តសៀមរាបបានឱ្យដឹងថា ឧកញ៉ា ឡេង ចាន់ណា អគ្គនាយកក្រុមហ៊ុនប្រ៊ីលានស៊ីធីវើល និងបក្ខពួក ២ នាក់ ទៀត ត្រូវបានសមត្ថកិច្ចបញ្ជូនទៅតុលាការនៅព្រឹកថ្ងៃពុធទី ១៣ ខែមីនា នៅឆ្នាំ ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ្ញ៉ា ឡេង ចាន់ ណា និងបក្ខពួក ត្រូវបានសមត្ថកិច្ចឃាត់ខ្លួនកាលពីល្ងាចថ្ងៃទី ១២ ខែមីនា តាមពាក្យបណ្ដឹងរបស់ប្រជាពលរដ្ឋ ពាក់ព័ន្ធនឹងបទល្មើសឆបោក រំលោភលើទំនុកចិត្ត និងចេញមូលប្បទានបត្រគ្មានសាច់ប្រាក់។

ជនសង្ស័យទាំង ៣ នាក់ ទី១ ឈ្មោះ ឡេង ចាន់ណា ភេទស្រី អាយុ ៣៥ ឆ្នាំ ទី២ ឈ្មោះ ចាន់ ឃីន អាយុ ៣០ ឆ្នាំ និងម្នាក់ទៀតឈ្មោះ ផុន សាមាន អាយុ ៣១ ឆ្នាំ។

កន្លងមក ឧកញ៉ា ឡេង ចាន់ណា និងបក្ខពួករបស់ខ្លួន ត្រូវបានប្រជាពលរដ្ឋចោទថា បានបោកលុយរាប់លានដុល្លារ ក្នុងរូបភាពទិញដី ផ្ទះ និងការវិនិយោគបានការប្រាក់ខ្ពស់ តែទីបំផុតអ្នកខ្លះបានការស៊ីតែប៉ុន្មានខែ ក៏លែងបានរហូត។

ប្រជាពលរដ្ឋជាច្រើននាក់ បានចាញ់បោកឧកញ៉ា ឡេង ចាន់ណា ដោយខ្លះខ្ចីលុយពីធនាគារ ដើម្បីមកនិវិយោគជាមួយ ដែលរហូតពេលនេះត្រូវសងធនាគារវិញយ៉ាងលំបាក៕