ប្រមុខរដ្ឋស្ដីទី បញ្ចប់គោរមងា «ឧកញ៉ា» ឡេង ចាន់ណា

ព្រះរាជក្រឹត្យត្រាស់បង្គាប់ចេញផ្សាយនៅថ្ងៃទី ១៤ ខែមីនា ឆ្នាំ ២០២៤ នេះ បញ្ចប់គោរមងារ ឧកញ៉ា ឡេង ចាន់ណា។

ជនសង្ស័យ ​ឡេង ចាន់ ណា ​និងបក្ខពួក​ពីរនាក់ត្រូវបានសមត្ថកិច្ចឃាត់ខ្លួន និងបានបញ្ជូនទៅតុលាការ នៅថ្ងៃទី ១៣ ខែមីនា ឆ្នាំ ២០២៤ តាមពាក្យបណ្ដឹងរបស់ប្រជាពលរដ្ឋ ​ពាក់ព័ន្ធនឹងបទល្មើសឆបោក រំលោភលើទំនុកចិត្ត និងចេញមូលប្បទានបត្រគ្មានសាច់ប្រាក់។

កន្លងមក ឧកញ៉ា ឡេង ចាន់ណា និងបក្ខពួករបស់ខ្លួន ត្រូវបានប្រជាពលរដ្ឋចោទថា បានបោក​លុយរាប់​លាន​ដុល្លារ ក្នុងរូបភាពទិញដី ផ្ទះ និងការវិនិយោគបានការប្រាក់ខ្ពស់ តែទីបំផុត​អ្នក​ខ្លះ​បាន​ការ​ស៊ី​តែ​ប៉ុន្មាន​ខែ ​ក៏លែងបានរហូត។

តុលាការសាលាដំបូងខេត្តសៀមរាបបានកាលពីថ្ងៃទី ១៣ ខែមីនា បានសម្រេចចោទប្រកាន់ជនសង្ស័យឈ្មោះ ឡេង ចាន់ណា អគ្គនាយិកាក្រុមហ៊ុន ទ្រីលានស៊ីធី ​​និងអគ្គនាយករងក្រុមហ៊ុន២នាក់ទៀត ពីបទឆបោកមានស្ថានទម្ងន់ទោស​ ​មិន​បំពេញ​កាតព្វកិច្ច ឧបករណ៍​ដែល​អាចជួញដូរ​បាន ​និ​ងសម្អាតប្រាក់។

កាលពីថ្ងៃទីពុធទី ១៣ ម្សិលមិញ សមាគមឧកញ៉ាកម្ពុជា ក៏បានប្រកាសថា ខ្លួនកំពុងសិក្សាពីលទ្ធភាពក្នុងការចាត់វិធានការផ្លូវច្បាប់លើបុគ្គលមួយចំនួន ដែលយកងាជា ឧកញ៉ា ទៅប្រព្រឹត្តខុសច្បាប់ធ្វើឱ្យប៉ះពាល់ដល់គោរមវន្តឧកញ្ញាដ៍ទៃទៀត៕