ព័ត៌មានជាតិ
លោក ស៊ុន ចាន់ថុល ប្រាប់ពលរដ្ឋកុំទិញដីនៅតាមគម្រោងព្រែកជីកហ្វូណនតេជោ ព្រោះរដ្ឋបង្កកដីទាំងនោះហើយ
ឧបនាយករដ្ឋមន្ត្រី ស៊ុន ចាន់ថុល បានប្រាប់ទៅកាន់ប្រជាពលរដ្ឋកុំទៅទិញដីនៅតាមគម្រោងព្រែកជីកហ្វូណនតេជោ ព្រោះរាជរដ្ឋាភិបាលបានអនុក្រឹត្យបង្កកដីទាំងនោះអស់ហើយ។ ផ្ទុយទៅវិញ ចូលរួមជាមួយរាជរដ្ឋាភិបាល ធ្វើគម្រោងព្រែកជីកនេះឱ្យបាន។
លោក ស៊ុន ចាន់ថុល លើកឡើងក្នុងបទបង្ហាញ នៅព្រឹកថ្ងៃទី៤ ខែឧសភា ឆ្នាំ២០២៤នេះ ដូច្នេះថា «ក៏សូមអំពាវនាវដែរ សុំកុំរត់ទិញដីនៅតាមព្រែកជីកហ្នឹង ទិញមួយការ៉េ ៥០សេន រដ្ឋាភិបាលចង់យក លក់ឱ្យមួយការ៉េ ១០ដុល្លារ អត់ទេ ចូលរួមជាមួយជាតិយើង កុំអាលទៅទិញ តើទិញប្រយ័ត្នខុស ព្រោះចេញអនុក្រឹត្យបង្កកទាំងអស់»។
បើតាមការថ្លែងឱ្យដឹងដោយលោកឧបនាយករដ្ឋមន្ត្រី ស៊ុន ចាន់ថុល រដ្ឋបានសិក្សាផលប៉ះពាល់ពីគម្រោងព្រែកជីក ហ្វណនតេជោរួចអស់ហើយ ពោល គឺគម្រោងនេះមានផលប៉ះពាល់តិចតួចបំផុត ដោយលោក បញ្ជាក់ថា នៅតាមព្រែកជីកនេះ ភាគច្រើនជាដីវាលស្រែ។
ពាក់ព័ន្ធនឹងផលប៉ះពាល់នេះ លោកឧបនាយករដ្ឋមន្ត្រី ក៏បានបញ្ជាក់ដែរថា ក្រសួងសាធារណការ និងដឹកជញ្ជូន បានបញ្ជួនឯកសារទាំងអស់ទៅក្រសួងសេដ្ឋកិច្ច និងហិរញ្ញវត្ថុរួចហើយ ដើម្បីធ្វើការដោះស្រាយផលប៉ះពាល់ទាំងនេះទៅតាមច្បាប់ ដូចតែការអនុវត្តកន្លងរួចមកហើយចំពោះគម្រោងផ្លូវល្បឿនលឿនភ្នំពេញ-ព្រះសីហនុ ភ្នំពេញ-បាវិត និងផ្លូវផ្សេងៗទៀត ពោល គឺមិនមានបញ្ហាធំដុំនោះទេ។
លោកឧបនាយករដ្ឋមន្ត្រី ស៊ុន ចាន់ថុល បានបន្ដែមថា ពាក់ព័ន្ធនឹងការចំណាយ ក៏ដូចជាការផ្ដល់សំណងប៉ុន្មានប៉ុនណានោះ ក៏ក្រសួងសេដ្ឋកិច្ច ជាអ្នកវាយតម្លៃ ដោយរដ្ឋមិនមែនយកដីប្រជាពលរដ្ឋ ដោយគ្មានបង់កម្រៃនទេ គ្រាន់តែសំណងទាំងនេះមិនអាចទាមទារទៅតាមទីផ្សារបានឡើយ៕
-
ព័ត៌មានជាតិ២ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៦ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៥ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ជីវិតកម្សាន្ដ១ សប្តាហ៍ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានអន្ដរជាតិ៣ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ២ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
នយោបាយ១ សប្តាហ៍ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ