Connect with us

ព័ត៌មានជាតិ

កសិករចិញ្ចឹមកណ្ដូបអាចលក់ពងពូជសម្រាប់ភ្ញាស់ក្នុង១គីឡូក្រាមតម្លៃ២០០ដុល្លារ

បានផុស

នៅ


ក្រៅពីមុខរបរធ្វើស្រែចំការ កសិករក្នុងភូមិព្រែកតូច ឃុំជីរោទិ៍១ ស្រុក/ខេត្តត្បូងឃ្មុំ បានឆ្លៀតចិញ្ចឹមកណ្តូបលក់ រកប្រាក់មកផ្គត់ផ្គង់គ្រួសារ ព្រោះកណ្តូបងាយចិញ្ចឹមវាស៉ីស្មៅជាអាហារ ហើយប្រើរយៈពេលខ្លីតែ៤៥ថ្ងៃ អាចប្រមូលផលបានជាមួយនឹងតម្លៃ៤ម៉ឺនរៀលក្នុង១គីឡូក្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចិញ្ចឹមកណ្ដូបបានលើកឡើងថា កណ្តូបមិនពិបាកលក់ទេ ព្រោះគេអាចយកវាធ្វើជាម្ហូបជាមួយបាយ លីង បំពងយ៉ាងឆ្ងាញ់ពិសារគុណភាពមិនចាញ់ចង្រិតឡើយ។ កត្តាទាំងអស់នេះ វាបានញាំងឲ្យគ្រួសារពួកគាត់មានកំណើនសេដ្ឋកិច្ចគ្រួសារគួរឲ្យកត់សម្គាល់។

លោក លី ព្រី អាយុជិត៤០ឆ្នាំ រស់នៅភូមិព្រែកតូច ឃុំជីរោទ៍ទី១ ស្រុក/ខេត្តត្បូងឃ្មុំ បានឲ្យដឹងថា គាត់បានចិញ្ចឹមកណ្តូបនេះរយៈពេលជិតកន្លះឆ្នាំមកហើយ ដោយទៅរៀនបច្ចេកទេសចិញ្ចឹមពីខេត្តបាត់ដំបង គឺចិញ្ចឹមពូជកណ្តូប ប៉ាឡាំងហ្គា វាងាយចិញ្ចឹមណាស់ កសិករប្រើពេលតែ៤៥ថ្ងៃ យើងចាប់ប្រមូលផលហើយ វាស៉ីស្មៅ ត្រេង ស្លឹកដូង ស្លឺកចេក និងស្លឹកឈើខ្ចីជាអាហារ ពិសេសវាធននឹងអាកាសធាតុ មិនពិបាកចិញ្ចឹមនោះទេ។

កសិកររូបនេះបន្ថែមថា ដើម្បីឲ្យរឹតតែងាយស្រួល យើងដាំស្មៅឲ្យវាស៉ីជាអាហារ ចិញ្ចឹមដាក់ក្នុងមុង ដែលក្នុង១មុងអាចដាក់បាន៣គីឡូក្រាមពង ហើយយើងប្រមូលផលបានមិនក្រោម៧០គីឡូក្រាមកណ្តូបធំនោះទេ គ្រួសារគាត់ចិញ្ចឹមបាន៣មុងដែរ ទីផ្សារក្នុងស្រុកមិនពិបាកលក់សំខាន់ឲ្យតែយើងផលិតបាន។ ក្នុងនោះ យើងអាចលក់ពងពូជសម្រាប់ភ្ញាស់ក្នុង១គីឡូក្រាមតម្លៃ២០០ដុល្លារ ផលនៃការងារនេះ យើងអាចដោះស្រាយជីវភាពគ្រួសារបាន។

លោក លី រូល ជាមេភូមិព្រែកតូច បានឲ្យដឹងដែរថា ក្នុងភូមិមានកសិករចិញ្ចឹមចំនួន៥គ្រួសារដែរ ការចិញ្ចឹមឃើញថា កសិករមានការីកចំរើនព្រោះតំបន់នេះ មានអំណោយផលពីធម្មជាតិណាស់ សំបូរចំណីព្រោះជាតំបន់ព្រៃរនាម អាកាសធាតុល្អ គាត់បានណែនាំដល់បងប្អូនប្រជាពលរដ្ឋក្នុងភូមិ អំពីសារៈប្រយោជន៍ដ៏សំខាន់នេះ ព្រោះវាបានផ្តល់ចំណូលសម្រាប់អភិវឌ្ឍន៍គ្រួសារពួកគាត់ឲ្យប្រសើរឡើង។ មិនមានអ្វីពិបាកទេ ដោយសារមានការបង្រៀន និងផ្តល់បច្ចេកទេសពីអ្នកដែលបានចិញ្ចឹមខាងលើនេះស្រាប់។ បងប្អូនយើងមានចំណាប់អារម្មណ៍ក្នុងរបរនេះណាស់ នឹងអាចមានកសិករក្នុងភូមិចិញ្ចឹមជាបន្តបន្ទាប់ទៀត៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ នាទី មុន

បើកទំព័រប្រវត្តិសាស្ត្រថ្មី! កម្ពុជា-រុស្ស៊ី ចុះអនុស្សរណៈនៃការយោគយល់ ពង្រឹងកងទ័ពជើងគោកទ្វេភាគី

សន្តិសុខសង្គម១ ម៉ោង មុន

ក្រុមទម្លាក់យោងម្នាក់ ក្នុងចំណោមបក្ខពួក​៣នាក់ ត្រូវនគរបាលខេត្តកំពង់ស្ពឺឃាត់ខ្លួន

ព័ត៌មានជាតិ២ ម៉ោង មុន

គម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់

ព័ត៌មានជាតិ២ ម៉ោង មុន

ព្រះវិហារ ដ៏ចំណាស់អាយុជាង ១០០ឆ្នាំ ក្នុងវត្តដំណាក់ កំពុងទទួលបានការជួសជុល អភិរក្ស

ព័ត៌មានជាតិ២ ម៉ោង មុន

កម្ពុជាប្រារព្វទិវាអន្តរជាតិប្រយុទ្ធប្រឆាំងគ្រឿង ញៀនដ៏ធំប្រចាំឆ្នាំ ដើម្បីលើកកកម្ពស់ការអប់រំ

ព័ត៌មានជាតិ២២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៤ ម៉ោង មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ២០ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ២៣ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានជាតិ១៩ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

Sokha Hotels

ព័ត៌មានពេញនិយម