ព័ត៌មានជាតិ
មន្ត្រី៖ សណ្ដែកកួរឡើងថ្លៃមិនមែនមកពីការចូលពីក្រៅប្រទេសនោះទេ
អ្នកនាំពាក្យក្រសួងកសិកម្ម រឿងសណ្ដែកកួរមានការឡើងថ្លៃខ្ពស់ មិនមែនមកពីការនាំចូលពីក្រៅប្រទេសនោះឡើយ ខណៈដែរអាកាសធាតុកើនឡើងកម្ដៅខ្លាំង ដែលវាធ្វើឱ្យដំណាំផ្សេងៗ មានការខូចខាតអស់ជាច្រើន ស្ទើរគ្រប់តំបន់ទាំងអស់ក្នុងប្រទេសកម្ពុជា។
លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ប្រាប់ កម្ពុជាថ្មី ដឹងថា មូលហេតុចម្បងដែលធ្វើឱ្យសណ្ដែកកួរមានការឡើងថ្លៃខ្ពស់នេះ មិនមែនមកពីការនាំចូលមកពីប្រទេសជិតខាងនោះទេ តែដោយសារតែ ទិន្នផលនៃការដាំដុះរបស់ប្រជាកសិករខ្មែរនៅទូទាំងប្រទេស មានការធ្លាក់ចុះ រហូត ៨០% ទៅ ៩០% ពីព្រោះតែបញ្ហាអាកាសធាតុកើនឡើងកម្ដៅខ្លាំង ដែលធ្វើឱ្យដំណាំរបស់កសិករមានការខូចខាតអស់យ៉ាងច្រើន និងមិនអាចផ្គត់ផ្គង់តម្រូវការទីផ្សារក្នុងស្រុក បានផងដែរ។
លោក ឃឹម ហ្វីណង់ បានបន្តទៀតថា ករណីរឿងសណ្ដែកកួរឡើងថ្លៃនេះដែរ មានគណនី Tik Tok ឈ្មោះ vimean899 បានបង្ហោះវីឌីអូថាសណ្ដែកកួរនាំចូលលក់បានតម្លៃថ្លៃខ្ពស់ជាងរបស់នៅក្នុងស្រុក ដែលធ្វើឱ្យបងប្អូនប្រជាពលរដ្ឋមានការយល់ច្រឡំ ដែលនេះមិនមែនជាការបកស្រាយត្រឹមត្រូវនោះឡើយ ផ្ទុយទៅវិញ មានតែនាំឱ្យកសិករ និងមហាជនទូទៅ មានការភ័ន្ដច្រឡំ ពិសេសកសិករអាចនឹងនាំគ្នាដាំសណ្ដែកកួរតាមក្រោយទៀត គិតថាបានតម្លៃខ្ពស់ដូចពេលបច្ចុប្បន្ននេះ។
ជាមួយគ្នានេះ លោកបានគូសបញ្ជាក់ថា៖ «កុំថាឡើយតែដំណាំ សូម្បីតែមនុស្សនិងសត្វក៏ធ្លាក់ឈឺពិបាកទ្រាំដែរ តាមពិតទៅយើងមានតែជួយត្រេកអរដល់កសិករយើងទៅវិញទេ ដែលបានថ្លៃល្អហ្នឹងហើយគ្រាន់បានទប់កុំឱ្យសូវខាតនោះ បើសណ្តែកកួរនាំចូលពិតជាមានតម្លៃ ១គីឡូ ៤ម៉ឺនរៀល ហើយសណ្តែកកួរក្នុងស្រុកមិនបាន៥០០រៀលដូចការលើកឡើងមែន ម៉្លេះសមមានអ្នកធ្វើសេដ្ឋីបាត់ទៅហើយ ព្រោះថាកសិករខ្មែរមិនអន់ដល់ថ្នាក់ដាំសណ្តែកកួរមិនបាននោះទេ ម្តេចមិនដើរប្រមូលទិញយកទៅលក់នៅផ្សារដើមគរទៅ? គោលការណ៍នៃសេដ្ឋកិច្ចទីផ្សារគឺដូច្នេះឯង តែបរិមាណផ្គត់ផ្គង់ថយចុះភ្លាមៗយ៉ាងគំហុកបែបនេះ ប្រាកដជារុញឱ្យថ្លៃកើនឡើងហើយតែក៏នៅមិនយូរដែរ តែថ្លៃល្អបែបនេះប្រាកដជាមានអ្នកសម្រុកនាំចូលពីក្រៅ និងអ្នកសម្រុកដាំ ហើយវានឹងទាញថ្លៃឱ្យថយចុះវិញមិនខាន។ អ្នកហូបទៀតសោតក៏ប្រហែលនឹងប្តូរទៅហូបអីផ្សេងដែរ ព្រោះមិនមែនមានន័យថាយើងអត់ហូបសណ្តែកកួរមិនបានឯណា?»។
ទន្ទឹមនឹងនេះ លោក ឃឹម ហ្វីណង់ ក៏សូមអំពាវនាវដល់ប្រជាពលរដ្ឋទាំងអស់ គួរតែជួយចូលរួមរកវិធីដោះស្រាយ ដោយមិនមែនប្រឹងផ្សព្វផ្សាយឱ្យរឹតតែច្របូកប្របល់នោះទេ ហើយលោកសង្ឃឹមថា ម្ចាស់គណនីរូបនេះ ដែលមានឈ្មោះថា វិមាន នឹងធ្វើការកែតម្រូវកំហុសមួយនេះ ឡើងវិញ៕
អត្ថបទ ៖ សួស សិត
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៩ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ