Connect with us

ព័ត៌មានជាតិ

ឯកឧត្ដម ហ៊ុន ម៉ានី ៖ «ទោះមានតួនាទី ភារកិច្ច និងក្តីស្រមៃខុសៗ គ្នា តែទាមទារឲ្យយើងមានទស្សនៈឯកភាពជាតិមួយ ជាសញ្ជាតិមួយ»

បានផុស

នៅ

ឯកឧត្ដម ហ៊ុន ម៉ានី ប្រធាន​សហភាព​សហព័ន្ធ​យុវជន​កម្ពុជា លើក​ឡើង​ថា «ទោះបី​យើង​មាន​តួនាទី ភារកិច្ច និង​ក្តី​ស្រមៃ​ខុសៗ គ្នា តែ​វា​ទាមទារ​ឲ្យ​យើង​មាន​ទស្សនៈ​ឯកភាព​ជាតិ​មួយ ដែល​បង្ហាញ​ពី​ការ​រួបរួម​គ្នា​ក្នុងនាម​ជា​សញ្ជាតិ​មួយ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​លើក​ឡើង​នេះ ក្នុង​ឱកាស ឯកឧត្ដម ហ៊ុន ម៉ានី បាន​អញ្ជើញ​ជា​អធិបតី​ក្នុង​ពិធី​សំណេះសំណាល​ជាមួយ​សមាជិក-សមាជិកា ក្រុម​ការងារ​យុវជន​សហភាព​សហព័ន្ធ​យុវជន​កម្ពុជា ប្រចាំ​វិទ្យាស្ថាន​គរុកោសល្យ​រាជធានី​ភ្នំពេញ កាលពី​ព្រឹក​ថ្ងៃ​ទី ២១ ខែ​ឧសភា ឆ្នាំ ២០២៤ នេះ។

នា​ឱកាស​នោះ ឯកឧត្ដម ហ៊ុន ម៉ានី លើក​ឡើង​បន្ត​ថា ថ្ងៃនេះ នៅ​ក្នុង​ពិធី​សំណេះសំណាល​ជាមួយ លោកគ្រូ អ្នកគ្រូ ជា​គ្រូឧទ្ទេស និង​គរុ​និស្សិត នៃ​វិទ្យាស្ថាន​គរុកោសល្យ​ភ្នំពេញ ឯកឧត្ដម បាន​ចែករំលែក​ជូន​សមាជិក-សមាជិកា​ទាំងអស់ អំពី​បុព្វហេតុ នៃ​ការ​ចូលរួម​កិច្ចការ​សង្គម ដើម្បី​ប្រទេសជាតិ។

ឯកឧត្ដម ហ៊ុន ម៉ានី លើក​ឡើង​បន្ត​ទៀត​ថា សកម្មភាព​ដែល ស​.​ស​.​យ​.​ក បាន​រៀបចំ​កន្លងមក មិន​ថា​ការ​លើក​ស្ទួយ​វប្បធម៌ ប្រពៃណី ឬ​ព្រឹត្តិការណ៍​ណាមួយ​ទេ គឺ​បាន​បង្កើត​ឱកាស​ឲ្យ​អ្នក​ទាំងឡាយ​ដែល​មកពី​កន្លែង​ផ្សេងគ្នា ឆ្ងាយ​ពី​គ្នា និង​មិន​ដែល​ស្គាល់​គ្នា ឲ្យ​មក​ធ្វើការ​រួម​គ្នា ដើម្បី​ផ្តល់​ភាព​វិជ្ជមាន​ដល់​សង្គមជាតិ។ តាមរយៈ​ទំនាក់ទំនង​ចេញពី​ការងារ​ជាមួយ ស​.​ស​.​យ​.​ក នេះ​ហើយ ដែល​យើង​អាច​ឈាន​ទៅ​កសាង​ភាព​សុខដុមរមនា​ក្នុង​សង្គម​ឲ្យ​កាន់តែ​រឹងមាំ។

ឯកឧត្ដម ហ៊ុន ម៉ានី បន្ថែម​ថា ប្រសិនបើ​គេ​សួរ ឯកឧត្ដម ថា អ្វី​ដែល​ជា​មោទនភាព​ធំ​បំផុត​របស់ ឯកឧត្ដម ក្នុង​រយៈពេល ១២ ឆ្នាំ ជាមួយ ស​.​ស​.​យ​.​ក ឯកឧត្ដម នឹង​និយាយ​ថា គឺ​ការ​លូតលាស់​ឥត​ឈប់ឈរ នៃ​ក្រុម​គ្រួសារ​សហភាព​សហព័ន្ធ​យុវជន​កម្ពុជា ដែល​ជា​មោទនភាព​ដ៏​ធំ​មួយ​សម្រាប់ ឯកឧត្ដម ក្នុង​ការ​បំពេញ​តួនាទី​ជា​ប្រធាន​ស្ថាប័ន​មួយ​នេះ។

ឯកឧត្ដម បន្ថែម​ទៀត​ថា ឯកសណ្ឋាន​ដែល ស​.​ស​.​យ​.​ក កំពុង​ពាក់​នេះ បាន​ការ​ទទួល​ស្គាល់​ពី​ប្រជាពលរដ្ឋ និង​ទំនុក​ចិត្ត​ថា​ជា​និមិត្តរូប នៃ​អំពើ​ល្អ​ក្នុង​សង្គម។ អ្វី​ទាំងអស់​នេះ ពិត​ណាស់​បាន​កើត​ចេញ​ពី​សកម្មភាព​របស់​សមាជិក-សមាជិកា ស​.​ស​.​យ​.​ក ម្នាក់ៗ ដែល​ចូលរួម​សកម្មភាព​ជាមួយ ស​.​ស​.​យ​.​ក ប្រកប​ដោយ​ឆន្ទៈ និង​ទឹកចិត្ត​បរិសុទ្ធ ដក់​ជាប់​ក្នុង​អារម្មណ៍​របស់​ប្រជាពលរដ្ឋ​ឲ្យ​ចងចាំ​នូវ​ទង្វើ​ល្អ ហើយ​ផ្តល់​តម្លៃ​ដល់​កិច្ចការ​ដែល​ធ្វើ៕

អត្ថបទ ៖ ពិសី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣០ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤៦ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៧ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៦ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម