ព័ត៌មានជាតិ
យុវជន សាន សម្ភស្ស ថា «TVET បានធ្វើឱ្យខ្ញុំមានការងារល្អ និងក្លាយជាជនបង្គោលក្នុងគ្រួសារ»
យុវជន សាន សម្ភស្ស តូចចិត្តនឹងការមើលងាយពីមិត្តភ័ក្ដិរួមការងារ បានខំប្រឹងស្រវាចាប់យកជំនាញ តបណ្ដាញអគ្គិសនីក្នុងអគារនៅវិទ្យាស្ថានពហុបច្ចេកទេសខេត្តកំពង់ស្ពឺ ដើម្បីពង្រឹងសមត្ថភាពរបស់ខ្លួន និងប្រែក្លាយជាជនបង្គោលក្នុងគ្រួសារ។
យុវជនរូបនេះ បាននិយាយថា «ខ្ញុំធ្លាប់បានឆ្លងកាត់ការមើលងាយពីមិត្តភ័ក្ដិរួមការងារ ហើយពួកគេបានបញ្ជាខ្ញុំឱ្យធ្វើការងារច្រើនជំនាញជំនួសពួកគេ ដោយសារពួកគាត់យល់ឃើញថា ខ្ញុំគ្មានជំនាញ គ្មានប្រាជ្ញាលើការងារទាំងនោះច្បាស់លាស់ទេ។ ដូច្នេះពួកគេបានបញ្ជាឱ្យធ្វើការងារគ្មានពេលវេលាសម្រាក ហើយថែមទាំងចំអកឱ្យខ្ញុំទៀតផង»។
លោកបន្តថា «ខ្ញុំមានអារម្មណ៍ឈឺចាប់ដែលមិត្តភ័ក្ដិមិនសូវឱ្យតម្លៃ ដោយសារយើងគ្មានជំនាញណាមួយពិតប្រាកដ។ ដូច្នេះខ្ញុំដេកគិតម្ដងហើយម្ដងទៀត គឺខ្ញុំត្រូវតែរកជំនាញគោលណាមួយឱ្យច្បាស់លាស់ ទើបខ្ញុំសម្រេចចិត្តមកចុះឈ្មោះចូលសិក្សាតាមរយៈកម្មវិធី TVET ជាមួយមិត្តភ័ក្ដិផ្សេងទៀត»។
យុវជន សម្ភស្ស បានសិក្សារៀនសូត្រជាមួយលោកគ្រូ អ្នកគ្រូ នៅវិទ្យាស្ថានពហុបច្ចេកទេសខេត្តកំពង់ស្ពឺអស់រយៈពេល ៤ ខែ បូករួមទាំងមានទេពកោសល្យពីកំណើតផងនោះ ធ្វើឱ្យយុវជន រូបនេះ យល់ដឹងពីជំនាញ តបណ្ដាញអគ្គិសនី នៅតាមអគារបានយ៉ាងជោគជ័យ។
យុវជនរូបនេះ បានធ្វើឱ្យជីវិតរបស់ខ្លួនប្រែប្រួលស្ទើរតែមិននឹកស្មានដល់ ហើយថែមទាំងមានឱកាសរកប្រាក់ចំណូលសមល្មមដែលដោះស្រាយជីវភាពប្រចាំថ្ងៃរបស់ខ្លួន។ លើសពីនេះ យុវជនរូបនេះ បានក្លាយជាមនុស្សម្នាក់ដ៏សំខាន់នៅក្នុងរង្វង់ក្រុមគ្រួសាររបស់គាត់ និងក្លាយជាយុវជនគំរូសម្រាប់សង្គមជាតិផងដែរ។
យុវជន សម្ភស្ស បានកែប្រែពីការមើលងាយរបស់មិត្តភ័ក្ដិ ឱ្យក្លាយជាឱកាសមាសដ៏កម្រមួយដែលអាចជួយដោះស្រាយបញ្ហាជីវភាពគ្រួសារ និងក្លាយជាយុវជនគំរូរបស់សង្គមជាតិ។ បច្ចុប្បន្ន យុវជន សម្ភស្ស បានប្រើប្រាស់ជំនាញរបស់ខ្លួនឱ្យក្លាយជាឱកាសបញ្ជាទៅមិត្តរួមការងារផង និងបានណែនាំដល់យុវជនផ្សេងៗ ទៀត ទាក់ទងនឹងជំនាញតបណ្ដាញអគ្គិសនីតាមអគារផងដែរ៕
-
ព័ត៌មានអន្ដរជាតិ៣ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា១ សប្តាហ៍ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម២ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
អត្ថាធិប្បាយ១ សប្តាហ៍ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ២ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៤ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានអន្ដរជាតិ២ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS