រយៈពេល១៩ថ្ងៃ មានយានយន្តល្មើសច្បាប់ចរាចរណ៍ផ្លូវគោកជាង ៥ពាន់គ្រឿង

តាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈស្តីពីការរឹតបន្ដឹងច្បាប់ស្ដីពីចរាចរណ៍ផ្លូវគោក បានឱ្យដឹងថា ចាប់ពីថ្ងៃទី១ ដល់ថ្ងៃទី១៩ ខែវិច្ឆិកា ឆ្នាំ២០២៤ មានយានយន្តចូលគោលដៅចំនួន ៦,៧០៨គ្រឿង ដោយរកឃើញយានយន្តល្មើសសរុបចំនួន ៥,០៧៦គ្រឿង។ នេះបើតាមការផ្សាយរបស់អគ្គស្នងការដ្ឋាននគរបាលជាតិ ថ្ងៃទី១៩ ខែវិច្ឆិកា។

ចំពោះយានយន្តដែលចូលគោលដៅចំនួន ៦,៧០៨គ្រឿង, រថយន្តធំ ១៣០គ្រឿង, រថយន្តតូច ២,៩៤៦គ្រឿង, ម៉ូតូ ៣,៦៣២គ្រឿង ។ ក្នុងនោះរកឃើញយានយន្តល្មើសសរុបចំនួន ៥,០៧៦គ្រឿង, រថយន្តធំ ៧១គ្រឿង, រថយន្តតូច ២,១២៩គ្រឿង និងម៉ូតូ ២,៨៧៦គ្រឿង ត្រូវបានផាកពិន័យតាមអនុក្រឹត្យ លេខ ៣៩.អនក្រ.បក នៅទូទាំងប្រទេស ។

តាមប្រភពខាងលើ ត្រឹមមួយថ្ងៃ ពោល គឺថ្ងៃទី១៩ ខែវិច្ឆិកា មានគោលដៅសរុប ១៩៦គោលដៅ មានយានយន្តចូលគោលដៅចំនួន ៣៣៧គ្រឿង, រថយន្តធំ ១គ្រឿង, រថយន្តតូច ១២២គ្រឿង និងម៉ូតូ ២១៤គ្រឿង ក្នុងនោះរកឃើញ យានយន្តល្មើសសរុបចំនួន ២៣០គ្រឿង, រថយន្តធំ ១ គ្រឿង, រថយន្តតូច ៥៥គ្រឿង និងម៉ូតូ ១៧៤គ្រឿង ត្រូវបាន ផាកពិន័យតាមអនុក្រឹត្យលេខ ៣៩.អនក្រ.បក នៅទូទាំងប្រទេស ។

អគ្គស្នងការដ្ឋាននគរបាលជាតិ បញ្ជាក់ថា របាយការណ៍ដដែល បានវាយតម្លៃថា ការអនុវត្តតាមអនុក្រឹត្យថ្មី ក្នុងការផាកពិន័យយានយន្ត ល្មើសបានដំណើរការទៅយ៉ាងល្អប្រសើរទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ និងមានចូលរួមគោរពច្បាប់ចរាចរណ៍យ៉ាងល្អប្រសើរផងដែរ៕