ព័ត៌មានជាតិ

រដ្ឋបាលខណ្ឌពោធិ៍សែនជ័យ ធ្វើយុទ្ធនាការ«កម្ពុជាស្អាត ខ្មែរធ្វើបាន» មានការចូលរួមពីអាជ្ញាធរមូលដ្ឋានប្រមាណជាង ១៥០ នាក់

បានផុស

១ year មុន

នៅ

ថ្ងៃចន្ទ ៦ មករា ២០២៥

ដោយ

រដ្ឋបាលខណ្ឌពោធិ៍សែនជ័យ ដឹកនាំមន្ត្រីក្រោមឱវាទ រួមជាមួយអាជ្ញាធរសង្កាត់ចោមចៅទី ៣ កម្លាំងបរិស្ថាន ភ្នាក់ងារប្រមូលសំរាម ប្រមាណជាង ១៥០ នាក់ ធ្វើយុទ្ធនាការ «កម្ពុជាស្អាត ខ្មែរធ្វើបាន» ក្នុងភូមិសាស្ត្រសង្កាត់ចោមចៅទី ៣ និងអប់រំណែនាំប្រជាពលរដ្ឋឲ្យមានការវេចខ្ចប់ទុកដាក់សំរាមបានត្រឹមត្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការចូលរួមដឹកនាំពី លោក សំ សារ៉ាវុធ និង លោកស្រី គា គឹមយី នាយិការងរដ្ឋបាលខណ្ឌ និងអាជ្ញាធរមូលដ្ឋាន ប្រមាណជាង ១៥០ នាក់ ដោយដើរប្រមូលសំរាម សំណល់ប្លាស្ទិក ចាប់ចំណុចបណ្ដោយសងខាងផ្លូវជាតិលេខ ៤ និង រង្វង់មូលផ្លូវក្រវាត់ក្រុងទី ៣ សង្កាត់ចោមចៅទី ៣ និងបំផុសពលរដ្ឋបញ្ឈប់ការប្រើប្រាស់ និងវេចខ្ចប់ដោយប្លាស្ទិក កាលបើធ្លាក់ចូលលូ ប្រឡាយ នាំឲ្យស្ទះទឹកហូរ បង្កជាការជន់លិច នារដូវវស្សា។

ក្នុងនោះដោយមើលឃើញថា មានប្រជាពលរដ្ឋមួយចំនួន នៅមិនទាន់យល់ដឹងពីបញ្ហាការចោលសំរាមពាសវាលពាសកាល វេចខ្ចប់ទុកដាក់ក្នុងធុងសំរាមមិនបានត្រឹមត្រូវ ធ្វើឲ្យនៅតាមដងផ្លូវទីសាធារណៈបាត់បង់សោភ័ណភាពដងផ្លូវ និងប៉ះពាល់បរិស្ថាន។

លោក សំ សារ៉ាវុធ អភិបាលរង នៃគណៈអភិបាលខណ្ឌពោធិ៍សែនជ័យ បានសំណូមពរដល់ប្រជាពលរដ្ឋទាំងអស់ សូមវេចខ្ចប់ ទុកដាក់សំរាម កាកសំណល់ផ្សេងៗ ឲ្យបានត្រឹមត្រូវ បញ្ឈប់ ឬ កាត់បន្ថយការប្រើប្រាស់ថង់ប្លាស្ទិក៕

អត្ថបទ ៖ ម៉េង