ខេត្តរតនគិរី បន្តចុះត្រជាក់ដល់ ១៤ អង្សាសេ

ខេត្តរតនគិរី មានអាកាសធាតុត្រជាក់ជាងពីម្សិលមិញទៀត ចាប់ពីថ្ងៃទី១៨ ដល់ទី២០ ខែមករា ឆ្នាំ២០២៥ ចុះត្រជាក់ដល់ ១៤អង្សាសេ។ នេះ បើយោងតាមការផ្សាយរបស់មន្ទីរធនធានទឹក និងឧត្តុនិយម ខេត្តរតនគិរី។

បើព្រឹត្តិបត្រព័ត៌មាន ស្តីពីស្ថានភាពធាតុអាកាសខេត្តរតនគិរី ចាប់ពីថ្ងៃ ១៨ ខែ មករា ឆ្នាំ២០២៥ ដល់ថ្ងៃ ២០ ខែមករា ឆ្នាំ២០២៥ ស្ថានភាបអាកាសធាតុខេត្តរតនគិរី ទទួលឥទ្ធិពល ពីទ្រនុងសម្ពាធខ្ពស់ចិន ដែលស្ថានភាពបែបនេះនឹងធ្វើឱ្យ សីតុណ្ហភាព ១៤°C ទៅ ៣១°C ខ្យល់បក់ មកពីទិសបូព៌ និង មានល្បឿន ២ ទៅ ៥ ម៉ែត្រ/វិនាទី។  

ការចុះត្រជាក់នេះ នៅតាមតំបន់ភ្នំខ្ពង់រាប និងនៅតាមបឹងបួរ បណ្តាលឱ្យរងា និងមានខ្យល់បក់មកលាយ ជាមួយទឹកសន្សើម លាយឡំជាមួយការចុះអ័ព្ទ ផ្ទៃមេឃស្រឡះ ។

ដូចនេះ សូមប្រជាពលរដ្ឋនៅ តាមតំបន់ខាងលើត្រូវយកចិត្តទុក ថែរក្សាសុខភាព ពាក់អាវរងា និងងូតទឹកក្តៅឧណ្ហៗ ជាពិសេសត្រូវយកចិត្តទុកដាក់ ក្មេងតូច ជៀសវាងកើតជម្ងឺផ្តាសាយ ៕

ដោយ៖ ខៀវ ចាប