ព័ត៌មានជាតិ

អាជ្ញាធរខណ្ឌពោធិ៍សែនជ័យ ស្ថាបនាប្រព័ន្ធលូថ្មីចម្ងាយជាង ៥០០ ម៉ែត្រ

បានផុស

២ ខែ មុន

នៅ

ថ្ងៃអង្គារ ៣ មិថុនា ២០២៥

ដោយ

កាលពីព្រឹកថ្ងៃទី ៣ ខែមិថុនា ឆ្នាំ ២០២៥ នេះ រដ្ឋបាលសង្កាត់ចោមចៅទី ៣ ដឹកនាំដោយ លោក វ៉ា សាវឿន ចៅសង្កាត់ និង លោក សុទ្ធ សុជាតិ ចៅសង្កាត់រងទី ១ បានចុះពិនិត្យ និងដាក់គ្រឿងចក្រ កាយដាក់ប្រព័ន្ធលូបង្ហូរទឹកចំនួន ២ ភូមិ ក្នុងមូលដ្ឋាន ដើម្បីសម្រួលដល់ចរន្តទឹកហូរបានលឿន បញ្ចៀសការជន់លិចដោយជំនន់ទឹកភ្លៀង នារដូវវស្សាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី ៣ បានឲ្យដឹងថា ដោយមានការយកចិត្តទុកដាក់ពី លោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ និង ដើម្បីបញ្ចៀសនូវជំនន់ទឹកភ្លៀងនារដូវវស្សាខាងមុខនេះ ក៏ដូចជាសម្រួលចរន្តទឹកហូរបានលឿន លោកបានចាត់ឲ្យមន្ត្រីជំនាញចុះពិនិត្យ និងដាក់គ្រឿងចក្រកាយរៀបចំប្រព័ន្ធលូថ្មី ចំនួន ២ ភូមិ ដោយមានភូមិព្រៃទា និងភូមិត្រពាំងពោធិ៍ ក្នុងភូមិសាស្ត្រសង្កាត់ចោមចៅទី ៣ ខណ្ឌពោធិ៍សែនជ័យ។

លោកចៅសង្កាត់ បានបន្តថា ភូមិព្រៃទា ការកាយដាក់ប្រព័ន្ធលូ មានប្រវែង ៤០២ ម៉ែត្រ មុខកាត់ ១ ម៉ែត្រ ចំណែកភូមិត្រពាំងពោធិ៍ មានប្រវែង ១២៧ ម៉ែត្រ មុខកាត់ ០.៨០ ម៉ែត្រ ដោយប្រើប្រាស់ថវិកាមូលនិធិអភិវឌ្ឍន៍របស់រដ្ឋបាលខណ្ឌពោធិ៍សែនជ័យ៕

អត្ថបទ ៖ សុខា